ᓂᔥᑕᒻ ᑯᕆᓐᑎᐊᓇ 15:10 - ᐅᔅᑭ ᑎᔅᑌᒥᓐᑦ

¹⁰ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᓂᔥᑕᒻ ᑯᕆᓐᑎᐊᓇ 15:10 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:20

ᐌᓴ ᓇᒪᔦᐤ ᑭᓚᐗᐤ ᑳ ᐋᔭᒥᐁᒃ, ᒫᑲ ᐅᑦ ᐊᒑᑾ ᑯᑖᐎᐗᐤ ᐁᐗᒀᓇ ᑳ ᐋᔭᒥᔅᑳᑖᒃ᙮

ᐅᐸᓓᑭᔅ ᒫᑎᐤ 25:16

ᐁᑯ ᐊᓇ ᑳ ᑮ ᐅᑎᓈᑦ ᓂᔮᓚᓐ ᑖᓕᓐᑕ ᑮ ᓇᑕᐎ ᐊᑖᐙᑫᐤ ᐊᓂᐃ, ᑮ ᑕᑯᐁᐤ ᒫᑲ ᑯᑕᑭᔭ ᓂᔮᓚᓐ ᑖᓕᓐᑕ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:1

ᓂᑦ ᐃᑣᓐ ᒫᑲ, ᑭᒋᒪᓂᑐ ᓈ ᑮ ᐌᐱᓀᐤ ᐅᑦ ᐃᓕᓕᒪ? ᓇᒪᐎᓚ ᑲᑕ ᐎ ᐃᑭᓐ᙮ ᐌᓴ ᓂᓚ ᓀᔥᑕ ᓂᑦ ᐃᔅᕃᐃᓪᑎᐎᓐ, ᐁᑉᕃᐋᒻ ᐅ ᓯᒥᓇ ᑳ ᐅᒋᔮᓐ, ᐁ ᐗᓂᔅᑫ ᐅᑦ ᐊᐙᔑᒥᔑᑦ ᐯᓐᒋᒥᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:3

ᐌᓴ ᓂᑦ ᐃᑡᓐ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᒥᓕᑳᐎᔮᓐ, ᒥᓯᐌ ᑕᑐ ᐊᐌᓇ ᐁ ᐃᑕᔑᔦᒃ, ᐁᑳᐎᓚ ᐊᐙᓯᑌ ᑭᒋ ᑭᔅᑌᓕᒥᑎᓱᑦ ᐃᔥᐱᔥ ᑫ ᐃᑌᓕᒥᑎᓱᔅᐸᓐ; ᒫᑲ ᑭᒋ ᐯᑳᒡ ᐃᑌᓕᑕᒃ, ᑖᐱᔅᑯᒡ ᑭᒋᒪᓂᑐ ᐁ ᑭᑮ ᐃᔥᐱᔑ ᒫᑎᓇᒫᐙᑦ ᒥᓯᐌ ᑕᑐ ᐊᐌᓕᐗ ᑖᐺᔦᓕᑕᒧᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 15:11

ᐁᑯᔑ ᒫᑲ ᑮᔥᐱᓐ ᓂᓚ ᓀᔥᑕᐱᑯ ᐎᓚᐗᐤ, ᐁᑯ ᐁᔑ ᑲᑫᔅᑭᒥᐌᔮᒃ, ᐁᑯ ᓀᔥᑕ ᑳ ᐃᔑ ᑖᐺᑕᒣᒃ᙮

ᓂᔥᑕᒻ ᑯᕆᓐᑎᐊᓇ 15:2

ᐊᓂᒪ ᓀᔥᑕ ᑳ ᐅᒋ ᐱᒫᒋᐃᑳᐎᔦᒃ, ᑮᔥᐱᓐ ᒥᒋᒥᓇᒣᑴ ᑮ ᐎᑕᒫᑕᑾᒃ, ᐁᑳᐎᓚ ᐸᑾᓐᑕᐤ ᑳ ᑖᐺᑕᒧᐌᑴ᙮

ᓂᔥᑕᒻ ᑯᕆᓐᑎᐊᓇ 3:10

ᑳ ᐃᔑ ᒥᓕᑲᐎᔮᓐ ᑭᒋᒪᓂᑐ ᐅ ᔕᐌᓕᒋᑫᐎᓐ, ᑖᐱᔅᑯᒡ ᑫᑫᑕᐌᓕᑕᒃ ᐅᓂᑲᓂ ᐙᔅᑳᔨᑲᓂᑫᐤ, ᓂ ᑮ ᐅᓚᔅᑕᒋᑳᓐ, ᑯᑕᒃ ᒫᑲ ᐁᑯᑕ ᐎᐋᔅᑳᔨᑲᓂᑫᑦ᙮ ᒫᑲ ᐁᑯᔑ ᒥᓯᐌ ᑕᑐ ᐃᓕᓕᐤ ᑲᑕ ᔮᒀᒥᓯᐤ ᐁ ᐃᔑ ᐙᔅᑳᔨᑲᓂᑫᑦ ᐁᑯᑕ᙮

ᓂᔥᑕᒻ ᑯᕆᓐᑎᐊᓇ 3:6

ᓂᓚ ᓂ ᑮ ᓂᑕᐎᑭᒋᑳᓐ, ᐊᐸᓚᔅ ᑮ ᐗᓴᓶᐯᑲᐃᑫᐤ; ᒫᑲ ᑭᒋᒪᓂᑐ ᑮ ᓚᑭᑭᑫᐤ᙮

ᓂᔥᑕᒻ ᑯᕆᓐᑎᐊᓇ 4:7

ᐌᓴ ᐊᐁᓋ ᑳ ᑮ ᐃᔑᐃᔉ ᐱᑐᔥ ᑭᒋ ᐃᔑᓈᑯᓯᔭᓐ ᐃᔥᐱᔥ ᑯᑕᒃ ᐊᐌᓇ? ᑫᒀᓐ ᓀᔥᑕ ᐁᔮᔭᓐ ᐁᑳ ᑳ ᑮ ᒥᓕᑲᐎᔭᓐ? ᑮᔥᐱᓐ ᒫᑲ ᑮ ᒥᓕᑲᐎᔭᓐ, ᑖᓀᑭ ᐌᒋ ᒫᒪᑕᑯᒧᔭᓐ, ᒫᓇ ᐱᑯ ᐁᑳ ᐁ ᑮ ᒥᓕᑳᐎᔭᓐ?

ᓂᔓ ᑯᕆᓐᑎᐊᓇ 12:11

ᓂ ᑮ ᐊᑎ ᑭᔥᑴᑳᓂᐎᓐ ᐁ ᒫᒪᑖᑯᒧᔮᓐ; ᑭᓚᐗᐤ ᑳ ᑮ ᑲᔥᑭᐃᔦᒃ: ᐌᓴ ᔮᓕᑌᓐ ᑭ ᑳ ᑮ ᒥᓗᐋᓕᒧᒥᑕᐗᐤ; ᐌᓴ ᓇᒪᐎᓚ ᑫᒀᓐ ᓂ ᐅᒋ ᓄᑌᐸᓕᓐ ᐊᓂᑭ ᒪᐗᒡ ᑳ ᓂᑳᓀᓕᑖᑯᓯᒋᒃ ᐊᐸᔅᑕᓚᒃ᙮

ᓂᔓ ᑯᕆᓐᑎᐊᓇ 3:5

ᐁᑳ ᐁ ᑲᔥᑭᑖᔮᒃ ᓂᓚᓈᓐ ᑫᒋᐙᒃ ᑫᒀᓐ ᑭᒋ ᒫᒥᑐᓀᓕᑕᒫᒃ, ᒫᑲ ᑭᒋᒪᓂᑐ ᐁᐗᒀᓇ ᑳ ᐅᒋ ᑲᔥᑭᑖᔮᒃ᙮

ᓂᔓ ᑯᕆᓐᑎᐊᓇ 6:1

ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮

ᑲᓓᔕᐊᓇ 2:8

ᐌᓴ ᐊᓇ ᑳ ᑮ ᑲᔥᑭᐅᐎ ᐊᑑᔅᑫᑦ ᐱᒋ ᐱᑕᕐ ᑭᒋ ᐋᐐᑦ ᐅᑦ ᐊᐸᔅᑕᓕᒥᐗᐗ ᐁᑳ ᑳ ᑭᔅᑭᓄᐙᒋᔣᑲᓂᐎᒋᒃ, ᐁᐗᒀᓇ ᑳ ᑮ ᓱᑳᑎᓰᔅᑲᐎᑦ ᒉᓐᑖᐃᓚᒃ ᐃᔑ:

ᐱᓕᐱᔭᓇ 2:13

ᐌᓴ ᑭᒋᒪᓂᑐ ᐁᐗᒀᓇ ᑳ ᑐᑖᑖᒃ ᑭᒋ ᐃᑌᓕᑕᒣᒃ ᓀᔥᑕ ᑭᒋ ᑐᑕᒣᒃ ᐁ ᐃᔑ ᒥᓜᓕᑕᒃ:

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᓂᔥᑕᒻ ᑌᓴᓗᓂᔭᓇ 5:12

ᑭ ᐸᑯᓭᓕᒥᑎᓈᓐ ᒫᑲ, ᓂᒋᔖᓂᑐᒃ, ᑭᒋ ᑭᔅᑫᓕᒣᑾᒃ ᐊᓂᑭ ᑳ ᐊᑑᔅᑫᒋᒃ ᐃᑕ ᐁ ᐃᑖᔦᒃ, ᓀᔥᑕ ᑳ ᑲᓇᐌᓕᒥᑖᑾᒃ ᐅᑎᐯᓕᑭᑫᒃ, ᓀᔥᑕ ᑳ ᔮᒀᒥᒥᑖᑾᒃ;

ᓂᔥᑕᒻ ᑎᒧᑎ 4:10

ᐌᓴ ᐁᐗᑯ ᐌᒋ ᑖᐱᔅᑯᒡ ᐊᑑᔅᑫᔭᒃ ᓀᔥᑕ ᒫᓓᓕᒥᑲᐎᔭᒃ, ᐁ ᐊᔅᐯᓕᒧᑐᑕᐗᒃ ᐯᒫᑎᓰᑦ ᑭᒋᒪᓂᑐ, ᑳ ᐱᒫᒋᐋᑦ ᒥᓯᐌ ᐃᓕᓕᐗ, ᐅᓵᒻ ᐊᓂᐃ ᑳ ᑖᐺᔦᓕᑕᒥᓕᒋ᙮