ᓂᔥᑕᒻ ᑯᕆᓐᑎᐊᓇ 14:6 - ᐅᔅᑭ ᑎᔅᑌᒥᓐᑦ

⁶ ᒫᑲ, ᓂᒋᔖᓂᑐᒃ, ᑮᔥᐱᓐ ᐯᒋ ᓈᑎᑕᑾᒃ ᓈᓈᑲᐤ ᐁ ᐃᔑᑭᔗᔮᓐ, ᑫᒀᓐ ᑫ ᐃᑖᐸᒋᐃᑕᑾᒃ, ᑮᔥᐱᓐ ᐱᑯ ᐋᔭᒥᐃᑕᑾᑫ ᑭᔅᑫᓕᑖᑯᑖᑫᐎᓂᒃ, ᓀᔥᑕᐱᑯ ᑭᔅᑫᓕᑕᒧᐎᓂᒃ, ᓀᔥᑕᐱᑯ ᑭᔅᑭᐙᐃᑫᐎᓂᒃ, ᓀᔥᑕᐱᑯ ᑭᔅᑭᓄᐊᒫᑫᐎᓂᒃ ᐅᒋ?

ᓂᔥᑕᒻ ᑯᕆᓐᑎᐊᓇ 14:6 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᒫᑎᐤ 16:17

ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᑭ ᔕᐌᓕᑖᑯᓯᓐ ᓵᐃᒪᓐ ᐹᕐᒍᓇ: ᐌᓴ ᐎᔮᔅ ᓀᔥᑕ ᒥᑯ ᓇᒪᐎᓚ ᐅᒪ ᑭ ᑮ ᐅᒋ ᐙᐸᑎᓕᑯᓐ, ᒫᑲ ᓄᑖᐎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒫᑎᐤ 16:26

ᐌᓴ ᑫᒀᓕᐤ ᑫ ᐅᑎᓰᑦ ᐃᓕᓕᐤ, ᐋᑕ ᒥᓯᐌ ᐊᔅᑭᓕᐤ ᑫ ᑲᔥᑭᑖᑴ, ᑮᔥᐱᓐ ᑫ ᐗᓂᐋᑴ ᐅᑦ ᐊᒑᑾ? ᓀᔥᑕᐱᑯ ᑫᒀᓕᐤ ᑫ ᒥᓕᐌᑦ ᐃᓕᓕᐤ ᒦᔅᑯᒡ ᐅᑦ ᐊᒑᑾ?

ᐊᐸᔅᑕᓚᒃ 2:42

ᑮ ᐋᔨᒋ ᑲᓇᐌᓕᑕᒬᐗᒃ ᒫᑲ ᐅ ᑭᔅᑭᓄᐊᒫᑫᐎᓂᓕᐤ ᐊᓂᐃ ᐊᐸᔅᑕᓚ, ᓀᔥᑕ ᐁ ᐎᒉᐙᒋᒃ ᓀᔥᑕ ᐁ ᐸᑴᓈᒋᒃ ᐊᓚᑯᓇᐗ, ᓀᔥᑕ ᐁ ᐋᔭᒥᐋᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:14

ᓂᓚ ᓀᔥᑕ ᓂ ᑫᒋᓇᐅᓐ ᐁ ᐃᑌᓕᒥᑖᑾᒃ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐁ ᓵᑲᔅᑭᓀᔅᑳᑯᔦᒃ ᒥᓨᑎᓯᐎᓐ, ᐁ ᓵᑲᔅᑭᓀᔅᑳᑯᔦᒃ ᒥᓯᐌ ᑭᔅᑫᓕᑕᒧᐎᓐ, ᐁ ᑲᔥᑭᑖᔦᒃ ᓀᔥᑕ ᑭᒋ ᑲᑫᔅᑭᒥᑐᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:17

ᐁᑯ ᑭ ᐸᑯᓴᓕᒥᑎᓇᐗᐤ, ᓂᒋᔖᓂᑐᒃ, ᐱᓯᔅᑫᓕᒥᑯᒃ ᐊᓂᑭ ᑳ ᐅᒋ ᐃᑕᑾᑫ ᐸᑳᓂᐃᑐᐎᓇ ᓀᔥᑕ ᓇᔦᑕᐎ ᐃᑐᑕᒧᐎᓇ ᐱᑐᔥ ᑳ ᐃᑌᓕᑖᑾᑭ ᐊᓂᒪ ᑭᔅᑭᓄᐊᒫᑫᐎᓐ ᐅᒋ ᑳ ᑮ ᑭᔅᑭᓄᐊᒫᑲᐎᔦᒃ; ᐁᑳᐎᓚ ᒫᑲ ᐎᒉᐎᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:17

ᒫᑲ ᑭᒋᒪᓂᑐ ᑲᑕ ᐎ ᓇᓈᔅᑯᒪᐤ, ᐁ ᑮ ᐅᑦ ᐊᑑᔅᑫᓚᑲᓂᒥᑯᔦᒃ ᒪᒋᑣᐎᓐ, ᒫᑲ ᑭᑌᐃᐙᒃ ᑭ ᑮ ᐅᒋ ᓇᓇᐃᑌᓇᐗᐤ ᐊᓂᒪ ᑐᐎ ᑭᔅᑭᓄᐊᒫᑫᐎᓐ ᑳ ᑮ ᐸᑭᑎᓇᒫᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 10:33

ᐁ ᐃᔑ ᓇᐃᓚᐌᐊᑭᒃ ᒥᓯᐌ ᐃᓕᓕᐗᒃ ᒥᓯᐌ ᐃᔑ, ᐁᑳ ᐁ ᓈᓇᑕᐌᓕᑕᒫᓐ ᑎᐱᓚᐌ ᓂᑦ ᐅᑎᓯᐎᓐ, ᒫᑲ ᐅᑦ ᐅᑎᓯᐎᓂᐗᐤ ᒥᒉᑦ, ᑭᒋ ᐅᒋ ᐱᒫᒋᐋᑲᓂᐎᒋᒃ᙮

ᓂᔥᑕᒻ ᑯᕆᓐᑎᐊᓇ 14:1

ᓄᔅᐱᓈᑕᒧᒃ ᓵᑭᐃᐌᐎᓐ, ᓀᔥᑕ ᓇᑕᐌᓕᑕᒧᒃ ᐊᒑᑯᐎ ᒥᓕᐌᐎᓇ; ᐊᐙᓯᑌ ᒫᑲ ᑭᒋ ᑭᔅᑭᐙᐃᑫᔦᒃ᙮

ᓂᔥᑕᒻ ᑯᕆᓐᑎᐊᓇ 14:7

ᓀᔥᑕ ᐙᐙᒡ ᐁᑳ ᑳ ᐱᒫᑕᑭ, ᐁ ᓄᑕᑾᑭ, ᑮᔥᐱᓐ ᐱᐱᒀᓐ ᓀᔥᑕᐱᑯ ᔖᑲᓈᐱᑭᑐᒋᑲᓐ, ᑮᔥᐱᓐ ᐁᑳ ᐹᔦᑌᑖᑾᑭ, ᑖᓂ ᑫ ᐃᔑ ᑭᔅᑫᓕᒋᑳᑌᒃ ᑖᓐ ᐁᑗᒪᑲᒃ ᐱᐱᒀᓐ ᓀᔥᑕᐱᑯ ᔖᑲᓈᐱᑭᑐᒋᑲᓐ?

ᓂᔓ ᑯᕆᓐᑎᐊᓇ 11:6

ᒫᑲ ᐋᑕ ᐁ ᒫᓂᑖᑾᒃ ᓂᑦ ᐋᔭᒥᐎᓐ, ᐁᓕᐌᒃ ᓇᒪᐎᓚ ᓂᑦ ᐃᔑᓈᑯᓯᓐ ᑭᔅᑫᓕᑕᒧᐎᓂᒃ: ᒫᑲ ᒥᑐᓂ ᓂ ᑭᔅᑫᓕᑖᑯᓯᓈᓐ ᐃᑕ ᐁ ᐃᑖᔦᒃ ᒥᓯᐌ ᐃᔑ᙮

ᓂᔓ ᑯᕆᓐᑎᐊᓇ 12:1

ᓇᒪᐎᓚ ᑭᔅᑎᓈᒡ ᒥᓗᐸᓕᐤ ᑭᒋ ᒫᒪᑖᑯᒧᔮᓐ᙮ ᓂ ᑳ ᒫᒋ ᐋᓕᒧᑕᒸᓐ ᐅ ᐙᐸᑎᓕᐌᐎᓇ ᓀᔥᑕ ᐅ ᑭᔅᑫᓕᑖᑯᑖᑫᐎᓇ ᐅᑎᐯᓕᒋᑫᐤ᙮

ᓂᔓ ᑯᕆᓐᑎᐊᓇ 12:7

ᓀᔥᑕ ᒫᑲ ᐁᑳ ᐋᓕᐙᒃ ᑭᒋ ᐃᔑ ᐃᔥᐯᓕᒥᑎᓯᔮᓐ, ᐁ ᒥᒉᑎᑭ ᑭᔅᑫᓕᑖᑯᑖᑫᐎᓇ ᐅᒋ, ᓂ ᑮ ᒥᓕᑲᐎᓐ ᒥᔑᑲᐎᒥᓇᑯᔑ ᓂ ᐎᔮᓯᒃ, ᐅᑦ ᐃᔑᑎᔕᐙᑲᓇ ᓭᑖᓐ ᑭᒋ ᐸᐸᑲᒥᐅᓕᒋ, ᐁᑳ ᐋᓕᐙᒃ ᑭᒋ ᐃᔥᐯᓕᒥᑎᓱᔮᓐ᙮

ᐃᐱᓯᔭᓇ 1:17

ᐅ ᑭᒋᒪᓂᑐᒪ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᐅᑖᐎᒥᑯᑦ ᑭᔅᑌᓕᑖᑯᓯᐎᓂᓕᐤ, ᑭᒋ ᒥᓕᑕᒃ ᑲᑫᑕᐌᓕᑕᒧᐎᓂ ᓀᔥᑕ ᑭᔅᑌᓕᑖᑯᑖᑫᐎᓂ ᐊᒑᑾ ᑭᒋ ᑭᔅᑫᓕᒣᒃ:

ᐃᐱᓯᔭᓇ 3:4

ᐁᑯᑕ ᒫᑲ ᐅᒋ, ᐋᔭᒥᑕᔦᑴ, ᑭ ᑳ ᓂᓯᑐᑌᓇᐗᐤ ᐁᔅᐱᒋ ᑭᔅᑫᓕᑕᒶᒃ ᐅ ᒫᒪᔅᑳᑌᓕᑖᑯᓯᐎᓐ ᙭᙮

ᐱᓕᐱᔭᓇ 3:15

ᐁᑯᔑ ᒫᑲ, ᒥᓯᐌ ᐁ ᐃᑕᔑᔭᒃ ᑳ ᒥᑐᓂᐎᓯᔭᒃ, ᐅᒪ ᐃᔑ ᑭ ᑳ ᒫᒥᑐᓀᓕᑌᓇᐗᐤ; ᑮᔥᐱᓐ ᒫᑲ ᓈᓐᑕᐤ ᑫᒀᓐ ᐱᑐᔥ ᐃᔑ ᒫᒥᑐᓀᓕᑕᒣᒃ, ᑭᒋᒪᓂᑐ ᐅᒪ ᐊᓯᒋ ᑭ ᑳ ᐙᐸᑎᓕᑯᐗᐤ᙮

ᓂᔓ ᑎᒧᑎ 2:14

ᐅᐅ ᑫᒀᓇ ᑭᔅᑭᓯᑐᑕᒥᐃᒃ, ᐁ ᐃᑕᔓᒪᒋᒃ ᐅᑎᔥᑲᐤ ᐅᑎᐯᓕᒋᑫᐗ, ᐁᑳᐎᓚ ᑭᒋ ᐋᔑᑌᒥᐌᒋᒃ ᐋᔭᒥᐎᓇ ᐅᒋ ᐁᑳ ᓈᓐᑕᐤ ᑳ ᐃᑖᐸᑕᑭ, ᑳ ᐗᓀᓕᑕᒥᐃᑯᒋᒃ ᐱᑯ ᐊᓂᑭ ᑳ ᓇᑐᑕᑭᒃ᙮

ᓂᔓ ᑎᒧᑎ 3:10

ᒫᑲ ᑭᓚ ᓱᑳ ᑭ ᑮ ᓄᔅᐱᓇᑌᓐ ᓂ ᑭᔅᑭᓄᐊᒫᑫᐎᓐ, ᐁ ᐃᔑ ᐱᒫᑎᓯᔮᓐ, ᓂ ᐃᑌᓕᑕᒧᐎᓐ, ᓂ ᑖᐺᔦᓕᑕᒧᐎᓐ, ᓂ ᔑᐯᓕᑕᒧᐎᓐ, ᓂ ᓵᑭᐃᐌᐎᓐ, ᓂ ᔑᐱᓚᐌᓯᐎᓐ,

ᓂᔓ ᑎᒧᑎ 3:16

ᒥᓯᐌ ᒪᓯᓇᐃᑫᐎᓐ ᒥᓕᐙᓂᐗᓐ ᑭᒋᒪᓂᑐ ᐅ ᓓᓓᑐᑖᑫᐎᓂᒃ ᐅᒋ, ᐃᑖᐸᑕᓐ ᒫᑲ ᑲᑫᔅᑭᒥᐌᐎᓂᒃ, ᓇᑭᒥᐌᐎᓂᒃ, ᒫᒥᓗᒥᐌᐎᓂᒃ, ᓀᔥᑕ ᑭᔅᑭᓄᐊᒫᑫᐎᓂᒃ ᒀᔭᔅᑭᑖᑎᓯᐎᓂᒃ ᐃᔑ:

ᓂᔓ ᑎᒧᑎ 4:2

ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᑕᐃᑕᔅ 3:8

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᐦᐃᑉᕉᐗ 13:9

ᐁᑳᐎᓚ ᑭ ᑳ ᐸᐱᒥᐎᓕᑯᓇᐗᐤ ᓇᓈᑲᐤ ᓀᔥᑕ ᐹᐱᑐᔥ ᑭᔅᑭᓄᐊᒫᑫᐎᓇ; ᐌᓴ ᒥᓨᔑᓐ ᒥᑌᐃ ᑭᒋ ᐋᔨᒋᑖᓂᐗᒃ ᔕᐌᓕᒋᑫᐎᓂᒃ, ᓇᒪᐎᓚ ᒥᒋᒥᒃ, ᐁᑳ ᓈᓐᑕᐤ ᑳ ᑮ ᐃᑖᐸᒋᐃᑯᒋᒃ ᐊᓂᑭ ᐁᑯᑕ ᑳ ᑮ ᐱᒧᑌᒋᒃ᙮

ᓂᔓ ᐱᑕᕐ 1:5

ᐊᓯᒋ ᐅᒪ ᓀᔥᑕ, ᓈᔅᐱᒡ ᐁ ᑭᓯᓴᐎᓯᔦᒃ, ᑕᑯᑖᒃ ᑭ ᑖᐺᔦᓕᑕᒧᐎᓂᐙᒃ, ᒥᓨᑎᓯᐎᓐ, ᓀᔥᑕ ᒥᓨᑎᓯᐎᓂᒃ, ᑭᔅᑫᓕᑕᒧᐎᓐ;

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᓂᔓ ᒑᓐ 1:9

ᐊᐌᓇ ᐌᓂᑐᑕᒧᑴ, ᓀᔥᑕ ᐁᑳ ᑌᔑᑫᐙᑴ ᐅ ᑭᔅᑭᓄᐊᒫᑫᐎᓂᒃ ᙭, ᓇᒪᐎᓚ ᐋᔭᐌᐤ ᑭᒋᒪᓂᑐᐗ᙮ ᐊᓇ ᑳ ᑕᔑᑫᐙᑦ ᐅ ᑭᔅᑭᓄᐊᒫᑫᐎᓂᒃ ᙭, ᐋᔭᐌᐤ ᐊᓯᒋ ᐅᑖᐎᒪᐗ ᓀᔥᑕ ᐅᑯᓯᓯᒪᐗ᙮