ᓂᔥᑕᒻ ᑯᕆᓐᑎᐊᓇ 13:4 - ᐅᔅᑭ ᑎᔅᑌᒥᓐᑦ

⁴ ᓵᑭᐃᐌᐎᓐ ᔑᐱᓚᐌᓯᒪᑲᓐ, ᓀᔥᑕ ᑭᔐᐙᑎᓯᒪᑲᓐ; ᓵᑭᐃᐌᐎᓐ ᓇᒪᐎᓚ ᐅᑌᓕᒋᑫᒪᑲᓐ; ᓵᑭᐃᐌᐎᓐ ᓇᒪᐎᓚ ᒫᒪᑖᑯᒥᑎᓱᒪᑲᓐ, ᓇᒪᐎᓚ ᒫᒪᑖᑯᓯᒪᑲᓐ,

ᓂᔥᑕᒻ ᑯᕆᓐᑎᐊᓇ 13:4 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 27:18

ᐌᓴ ᑮ ᑭᔅᑫᓕᑕᒻ ᐁ ᑮ ᐅᑌᓕᒫᓕᒋ ᐌᒋ ᑮ ᐸᑭᑎᓇᒫᑯᑦ᙮

ᐊᐸᔅᑕᓚᒃ 7:9

ᐅᑖᐎᒫᐗᒃ ᒫᑲ ᐁ ᐅᑌᓕᑕᑭᒃ ᑮ ᐊᑕᐙᑫᐗᒃ ᒎᓯᐸ ᐃᒋᑉᑎᒃ ᐃᔑ: ᒫᑲ ᑭᒋᒪᓂᑐᐗ ᑮ ᐎᒉᐎᑯ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:29

ᐁ ᑮ ᓵᑲᔅᑭᓀᔅᑳᑯᒋᒃ ᒥᓯᐌ ᒪᒑᑎᓯᐎᓂᓕᐤ, ᐱᔑᒀᑎᓯᐎᓂᓕᐤ, ᒪᒋᑣᐎᓂᓕᐤ, ᒧᔅᑌᓇᒫᑫᐎᓂᓕᐤ, ᑭᒧᒋᐸᒀᑎᑐᐎᓂᓕᐤ; ᐁ ᓵᑲᔅᑭᓀᔅᑳᑯᒋᒃ ᐅᑌᓕᑕᒧᐎᓂᓕᐤ, ᓂᐸᔨᐌᐎᓂᓕᐤ, ᑲᑴᔕᑯᒋᒥᑐᐎᓂᓕᐤ, ᑲᑳᔦᓕᓯᐎᓂᓕᐤ, ᒪᒉᓕᒥᐌᐎᓂᓕᐤ; ᐁ ᑭᒧᑐᐌᔅᑭᒋᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:13

ᐁᑯᔑ ᒀᔭᔉ ᐃᔑ ᐱᒧᑌᑕᐤ ᑖᐱᔅᑯᒡ ᐁ ᑭᔑᑳᒃ; ᐁᑳᐎᓚ ᒪᒋ ᒪᑯᔕᐎᓂᒃ ᓀᔥᑕ ᑮᔥᑴᐯᐎᓂᒃ; ᐁᑳᐎᓚ ᒪᒋ ᑳᐎᔑᒧᑐᑖᑐᐎᓂᒃ ᓀᔥᑕ ᐱᔑᑳᑎᓯᐎᓂᒃ; ᐁᑳᐎᓚ ᒀᓗᑖᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ᙮

ᓂᔥᑕᒻ ᑯᕆᓐᑎᐊᓇ 3:3

ᐌᓴ ᑫᔮᐸᒡ ᑭ ᐎᔮᓯᐃᑖᑎᓯᓇᐗᐤ: ᐌᓴ ᐃᑕ ᐁ ᐃᑖᔦᒃ ᐃᑕᑾᓐ ᐅᑌᓕᒥᑐᐎᓐ, ᓀᔥᑕ ᒀᓗᑐᑖᑐᐎᓐ, ᓀᔥᑕ ᐸᑳᓂᐃᓱᐎᓇ, ᓇᒪ ᓈ ᑭ ᐎᔮᓯᐃᑖᑎᓯᓇᐗᐤ, ᓀᔥᑕ ᑖᐱᔅᑯᒡ ᐃᓕᓕᐗᒃ ᑭᑦ ᐃᔑ ᐱᒧᑖᓇᐗᐤ?

ᓂᔥᑕᒻ ᑯᕆᓐᑎᐊᓇ 4:18

ᐋᑎᑦ ᒫᑲ ᑭᔅᑌᓕᒧᐗᒃ, ᐁ ᐃᑌᓕᑕᑭᒃ ᐁᑳ ᑭᒋ ᐯᒋ ᓈᑎᑖᑾᒃ᙮

ᓂᔥᑕᒻ ᑯᕆᓐᑎᐊᓇ 4:6

ᐅᐅ ᑫᒀᓇ, ᓂᒋᔖᓂᑐᒃ, ᑭᔅᑭᓄᐙᒋᒋᑲᓇᒃ ᓂ ᑮ ᐊᔓᐃᐎᓇᒫᓱᓐ ᓀᔥᑕ ᐊᐸᓚᔅ ᑭᓚᐗᐤ ᐅᒋ; ᑭᒋ ᐃᔑ ᑭᔅᑫᓕᑕᒣᒃ ᓂᓚᓈᓐ ᐅᒋ ᐁᑳ ᐋᓕᐙᒃ ᑭᒋ ᐃᑌᓕᒣᑾᒃ ᐃᓕᓕᐗᒃ, ᐃᔥᐱᔥ ᑳ ᐃᑕᓯᓇᐃᑳᑌᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᑭᔅᑌᓕᒥᑎᓱᔅᑕᐙᑦ ᑯᑕᑭᔭ᙮

ᓂᔥᑕᒻ ᑯᕆᓐᑎᐊᓇ 5:2

ᓀᔥᑕ ᑭ ᑭᔅᑌᓕᒧᓇᐗᐤ, ᓇᒪ ᓀᔥᑕ ᓇᐗᒡ ᑭ ᓇᓀᑳᒋᒧᓇᐗᐤ, ᐊᓇ ᑳ ᑮ ᑐᑕᒃ ᐅᒣᓕᐤ ᑭᒋ ᐃᑲᑌᓈᑲᓂᐎᑦ ᐃᑕ ᐁ ᐃᑕᔦᒃ᙮

ᓂᔥᑕᒻ ᑯᕆᓐᑎᐊᓇ 8:1

ᐊᓂᐃ ᑫᒀᓇ ᒫᑲ ᑳ ᐸᑭᑎᓇᒫᒋᒃ ᒪᓂᑐᑳᓂᒃ, ᑭ ᑭᔅᑫᓕᑌᓈᓇᐤ ᒥᓯᐌ ᐁ ᐃᑕᔑᔭᒃ ᐁ ᐊᔮᔭᒃ ᑭᔅᑫᓕᑕᒧᐎᓐ᙮ ᑭᔅᑫᓕᑕᒧᐎᓐ ᑭᔅᑌᓕᒧᔅᑳᑫᒪᑲᓐ, ᒫᑲ ᓵᑭᐃᐌᐎᓐ ᑭᔅᑭᓄᐊᒫᑫᒪᑲᓐ᙮

ᓂᔓ ᑯᕆᓐᑎᐊᓇ 12:20

ᐌᓴ ᓂ ᑯᔅᑖᒋᓐ, ᒫᔅᑯᒡ, ᐃᔅᐱ ᑕᑯᔑᓂᔮᓀ, ᓇᒪᐎᓚ ᑭ ᑳ ᒥᔅᑳᑎᓇᐗᐤ ᑫ ᐃᔑ ᓇᑕᐌᓕᑕᒫᓐ, ᓀᔥᑕ ᓇᒪᐎᓚ ᑭ ᑳ ᒥᔅᑲᐎᓇᐗᐤ ᒬᒋ ᐁ ᐃᔑ ᓇᑕᐌᓕᑕᒣᒃ: ᒫᔅᑯᒡ ᑲᑕ ᐃᑕᑾᓋ ᐊᔑᑌᒥᑐᐎᓇ, ᐅᑌᓕᒥᑐᐎᓇ, ᐋᑯᓚᐌᓰᐎᓇ, ᒀᓗᑐᑖᑐᐎᓇ, ᐸᑾᓄᒥᑐᐎᓇ, ᑭᒧᒋᐃᑗᐎᓇ, ᑭᔅᑌᓕᒥᑎᓱᐎᓇ, ᐊᓕᒥᒥᑐᐎᓇ:

ᓂᔓ ᑯᕆᓐᑎᐊᓇ 6:6

ᐸᓓᑭᓯᐎᓂᒃ, ᑭᔅᑫᓕᑕᒧᐎᓂᒃ, ᓴᓯᐯᓕᑕᒧᐎᓂᒃ, ᑭᔐᐙᑎᓯᐎᓂᒃ, ᐸᓓᑭ ᐊᒑᒃ ᐅᒋ, ᑖᐺ ᓵᑭᐃᐌᐎᓂᒃ,

ᑲᓓᔕᐊᓇ 5:26

ᐁᑯᔑ ᐁᑳᐎᓚ ᓇᑕᐌᓕᑖᑕᐤ ᐸᑾᓐᑕᐤ ᒫᒪᑖᑯᒥᑯᓯᐎᓐ, ᐁ ᑭᔑᐗᐃᑐᔭᒃ, ᐁ ᐅᑌᓕᒥᑐᔭᒃ᙮

ᐃᐱᓯᔭᓇ 4:2

ᒥᓯᐌ ᑕᐸᑌᓕᒧᐎᓂᒃ ᓀᔥᑕ ᓗᔅᐹᑎᓯᐎᓂᒃ, ᔑᐱᓚᐌᓯᐎᓂᒃ, ᐁ ᔑᐱᓚᐗᓰᔅᑖᑐᔦᒃ ᓵᑭᐃᐌᐎᓂᒃ;

ᐃᐱᓯᔭᓇ 4:32

ᓀᔥᑕ ᒫᑲ ᑭᔐᐙᑐᑖᑐᒃ, ᐁ ᔕᐎᑌᐁᔦᒃ, ᐁ ᐌᐯᓕᑕᒫᑐᔦᒃ, ᑖᐱᔅᑯᒡ ᑭᒋᒪᓂᑐ ᙭ ᐅᒋ ᐁ ᑮ ᐌᐯᓕᑕᒫᑖᒃ᙮

ᐱᓕᐱᔭᓇ 1:15

ᐋᑎᑦ ᑖᐺ ᐙᐎᑕᒶᒃ ᙭ᑕ ᐅᑌᓕᑕᒧᐎᓂᒃ ᓀᔥᑕ ᒪᒉᓕᑕᒧᐎᓂᒃ; ᐋᑎᑦ ᓀᔥᑕ ᒥᓜᓕᑕᒧᐎᓂᒃ:

ᑯᓚᔑᔭᓇ 1:11

ᐁ ᒪᔥᑲᐎᓯᔅᑳᑯᔦᒃ ᒥᓯᐌ ᓱᑳᑎᓯᐎᓐ, ᑳ ᐃᑕᔅᑌᓕᒃ ᐅ ᑭᒋ ᑲᔥᑭᐅᐎᓐ ᒥᓯᐌ ᔑᐱᓚᐌᓯᐎᓂᒃ ᐃᔑ ᓀᔥᑕ ᔑᐯᓕᑕᒧᐎᓂᒃ ᑭᑭ ᒥᓚᐙᑕᒧᐎᓐ;

ᑯᓚᔑᔭᓇ 2:18

ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,

ᑯᓚᔑᔭᓇ 3:12

ᐁᐗᑯ ᐌᒋ ᐳᔅᑎᔥᑲᒧᒃ, ᑖᐱᔅᑯᒡ ᐅ ᐙᐌᓛᐸᒫᑲᓇ ᑭᒋᒪᓂᑐ, ᐯᓓᑭᓯᔦᒃ ᓀᔥᑕ ᓯᐋᑭᐃᑲᐎᔦᒃ, ᔕᐌᓕᒋᑫᐎ ᒥᑌᐃ, ᑭᔐᐙᑎᓯᐎᓐ, ᑕᐸᑌᓕᒧᐎᓐ, ᓗᔅᐱᓯᐎᓐ, ᔑᐱᓚᐌᓯᐎᓐ;

ᓂᔥᑕᒻ ᑌᓴᓗᓂᔭᓇ 5:14

ᐊᓄᒡ ᒫᑲ ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᔮᒀᒥᒥᑯᒃ ᐊᓂᑭ ᑳ ᐋᓉᑕᑭᒃ, ᑳᑭᒋᐃᑯᒃ ᐊᓂᑭ ᑳ ᓕᓚᒥ ᒥᑐᓀᓕᒋᑲᓂᒋᒃ, ᓂᔓᑲᒫᑯᒃ ᐊᓂᑭ ᑳ ᓕᓚᒥᓯᒋᒃ, ᔑᐱᓚᐌᓯᔅᑖᑯᒃ ᒥᓯᐌ ᐃᓕᓕᐗᒃ᙮

ᓂᔥᑕᒻ ᑎᒧᑎ 6:4

ᑭᔅᑌᓕᒧ, ᐁᑳ ᑫᒀᓐ ᐁ ᑭᔅᑫᓕᑕᒃ, ᒫᑲ ᐁ ᑭᔥᑴᓕᑕᒃ ᑲᑴᒋᑫᒧᐎᓇ ᓀᔥᑕ ᐋᔭᒥᐎᓂ ᐋᔑᑌᒥᑐᐎᓇ, ᐃᑕ ᑳ ᐅᒋᐸᓕᒃ ᐅᑌᓕᒥᑐᐎᓐ, ᒀᓗᑐᑖᑐᐎᓐ, ᒪᒋ ᐋᔭᒥᐃᑐᐎᓐ, ᒪᒋ ᐃᑌᓕᒥᑐᐎᓇ,

ᓂᔓ ᑎᒧᑎ 2:25

ᓗᔅᑳᑎᓯᐎᓂᒃ ᐁ ᑭᔅᑭᓄᐊᒪᐙᑦ ᐊᓂᐃ ᑳ ᐸᓯᑯᔅᑕᓱᓕᒋ; ᑮᔥᐱᓐ ᑭᒋᒪᓂᑐ ᐃᑌᓕᑕᑭ ᑭᒋ ᒥᓛᑦ ᑴᔅᑳᑎᓯᐎᓂᓕᐤ ᑭᒋ ᐙᐎᑕᒥᓕᑭ ᑖᐺᐎᓂᓕᐤ;

ᓂᔓ ᑎᒧᑎ 3:10

ᒫᑲ ᑭᓚ ᓱᑳ ᑭ ᑮ ᓄᔅᐱᓇᑌᓐ ᓂ ᑭᔅᑭᓄᐊᒫᑫᐎᓐ, ᐁ ᐃᔑ ᐱᒫᑎᓯᔮᓐ, ᓂ ᐃᑌᓕᑕᒧᐎᓐ, ᓂ ᑖᐺᔦᓕᑕᒧᐎᓐ, ᓂ ᔑᐯᓕᑕᒧᐎᓐ, ᓂ ᓵᑭᐃᐌᐎᓐ, ᓂ ᔑᐱᓚᐌᓯᐎᓐ,

ᓂᔓ ᑎᒧᑎ 4:2

ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:5

ᑭᑦ ᐃᑌᓕᑌᓇᐗᐤ ᓈ ᒪᓯᓇᐃᑫᐎᓐ ᐸᑾᓐᑕᐤ ᐁ ᐃᑗᒪᑲᒃ, ᐊᓇ ᐊᒑᒃ ᑳ ᐱᒋᔅᑳᑕᒃ ᐊᑲᐙᑕᒻ ᐅᑌᓕᑕᒧᐎᓂᓕᐤ?

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,

ᓂᔥᑕᒻ ᐱᑕᕐ 3:8

ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ:

ᓂᔥᑕᒻ ᐱᑕᕐ 4:8

ᐊᐙᓯᑌ ᒥᓯᐌ ᑫᒀᓇ ᒫᑲ ᐋᔮᒃ ᒫᒥᔅᑯᒃ ᓵᑭᐎᑐᐎᓐ ᒥᓯᐌ ᐁ ᐃᑕᔑᔦᒃ: ᐌᓴ ᓵᑭᐃᐌᐎᓐ ᑲᑕ ᐊᑾᓇᐊᒧᒪᑲᓐ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮

ᓂᔓ ᐱᑕᕐ 1:7

ᓀᔥᑕ ᒪᓂᑐᐙᑎᓯᐎᓂᒃ ᐎᒋᔖᓂᑐᐎ ᑭᔐᐙᑎᓯᐎᓐ; ᓀᔥᑕ ᐎᒋᔖᓂᑐᐎ ᑭᔐᐙᑎᓯᐎᓂᒃ ᓵᑭᐃᐌᐎᓐ᙮

ᓂᔥᑕᒻ ᒑᓐ 4:11

ᓯᐋᑭᐃᑕᑾᒃ, ᑮᔥᐱᓐ ᑭᒋᒪᓂᑐ ᐅᒪ ᐃᔑ ᑮ ᓵᑭᐃᑕᒃ, ᑭᓚᓈᓇᐤ ᑭ ᑳ ᓵᑭᐃᑐᑖᓇᐤ᙮