ᓂᔥᑕᒻ ᑯᕆᓐᑎᐊᓇ 13:13 - ᐅᔅᑭ ᑎᔅᑌᒥᓐᑦ

¹³ ᐊᓄᒡ ᒫᑲ ᐃᑕᑾᓋ ᑖᐺᔦᓕᑕᒧᐎᓐ, ᐊᔅᐯᓕᒧᐎᓐ, ᓵᑭᐃᐌᐎᓐ, ᐅᐅ ᓂᔅᑐ; ᒫᑲ ᐊᓂᒪ ᑳ ᒪᐗᒋ ᑭᔅᑌᓕᑖᑾᒃ ᐁᐗᑯ ᓵᑭᐃᐌᐎᓐ᙮

ᓂᔥᑕᒻ ᑯᕆᓐᑎᐊᓇ 13:13 ပူးပေါင်းရင်းမြစ်များ

ᐅᐸᓓᑭᔅ ᓘᒃ 10:27

ᐁ ᓇᔥᑴᐗᔑᐋᑦ ᒫᑲ, ᑮ ᐃᑗᐤ, ᑭ ᑳ ᓵᐊᑭᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ ᒥᓯᐌ ᑭᑌᐃᒃ, ᓀᔥᑕ ᒥᓯᐌ ᑭᑦ ᐊᒑᑯᒃ, ᓀᔥᑕ ᒥᓯᐌ ᑭ ᒪᔥᑲᐎᓯᐎᓂᒃ, ᓀᔥᑕ ᒥᓯᐌ ᑭ ᒥᑐᓄᓕᒋᑲᓂᒃ; ᓀᔥᑕ ᑭᒋᐃᓕᓕᐤ ᑖᐱᔅᑯᒡ ᐁ ᐃᔑ ᓵᑭᐃᑎᓱᔭᓐ᙮

ᐅᐸᓓᑭᔅ ᓘᒃ 22:32

ᒫᑲ ᑭ ᑮ ᐋᔭᒥᐁᔅᑕᒫᑎᓐ, ᐁᑳ ᑭᒋ ᓄᑌᐸᓕᒃ ᑭ ᑖᐺᔦᓕᑕᒧᐎᓐ᙮ ᐃᔅᐱ ᒫᑲ ᑮ ᑴᔅᑳᑎᓯᔭᓀ, ᓵᐱᐎᐃᒃ ᑭᒋᔖᓇᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᓂᔥᑕᒻ ᑯᕆᓐᑎᐊᓇ 14:1

ᓄᔅᐱᓈᑕᒧᒃ ᓵᑭᐃᐌᐎᓐ, ᓀᔥᑕ ᓇᑕᐌᓕᑕᒧᒃ ᐊᒑᑯᐎ ᒥᓕᐌᐎᓇ; ᐊᐙᓯᑌ ᒫᑲ ᑭᒋ ᑭᔅᑭᐙᐃᑫᔦᒃ᙮

ᓂᔥᑕᒻ ᑯᕆᓐᑎᐊᓇ 16:14

ᐁᑯᔑ ᒥᓯᐌ ᑭ ᑐᑕᒧᐎᓂᐙᐗ ᑲᑕ ᐃᑐᒋᑳᑌᐗ ᓵᑭᐃᐌᐎᓂᒃ᙮

ᓂᔥᑕᒻ ᑯᕆᓐᑎᐊᓇ 3:14

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᐅᑦ ᐊᑑᔅᑫᐎᓐ ᐊᔨᑕᔅᑌᓕᑫ ᐁᑯᑕ ᑳ ᑮ ᐙᔅᑳᔨᑲᓂᑫᑦ, ᑲᑕ ᒥᓛᑲᓂᐎᐤ ᑎᐸᐊᒫᑯᓯᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 8:1

ᐊᓂᐃ ᑫᒀᓇ ᒫᑲ ᑳ ᐸᑭᑎᓇᒫᒋᒃ ᒪᓂᑐᑳᓂᒃ, ᑭ ᑭᔅᑫᓕᑌᓈᓇᐤ ᒥᓯᐌ ᐁ ᐃᑕᔑᔭᒃ ᐁ ᐊᔮᔭᒃ ᑭᔅᑫᓕᑕᒧᐎᓐ᙮ ᑭᔅᑫᓕᑕᒧᐎᓐ ᑭᔅᑌᓕᒧᔅᑳᑫᒪᑲᓐ, ᒫᑲ ᓵᑭᐃᐌᐎᓐ ᑭᔅᑭᓄᐊᒫᑫᒪᑲᓐ᙮

ᓂᔥᑕᒻ ᑯᕆᓐᑎᐊᓇ 8:3

ᒫᑲ ᑮᔥᐱᓐ ᐊᐌᓇ ᐃᓕᓕᐤ ᓯᐋᑭᐋᑴ ᑭᒋᒪᓂᑐᐗ, ᐁᐗᒀᓇ ᓀᔥᑕ ᑳ ᑭᔅᑫᓕᒥᑯᑦ᙮

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮

ᓂᔓ ᑯᕆᓐᑎᐊᓇ 5:15

ᓀᔥᑕ ᐁ ᑮ ᓂᐳᔅᑕᒪᐙᑦ ᒥᓯᐌ, ᐊᓂᑭ ᑳ ᐱᒫᑎᓯᒋᒃ ᐁᑳ ᐊᓄᒡ ᐅᒋ ᑭᒋ ᐱᒫᑎᓰᒻ ᑖᓯᒋᒃ, ᒫᑲ ᐊᓂᐃ ᑳ ᓂᐳᔅᑕᒫᑯᒋᒃ, ᓀᔥᑕ ᒥᓇ ᑳ ᑮ ᐗᓂᔥᑳᓕᒋ᙮

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᐱᓕᐱᔭᓇ 1:9

ᐅᒪ ᓀᔥᑕ ᓂ ᓇᑐᑕᒫᑳᓐ, ᑭ ᓵᑭᐃᐌᐎᓂᐗᐤ ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐌᓗᑕᒃ, ᑭᔅᑫᓕᑕᒧᐎᓂᒃ, ᓀᔥᑕ ᒥᓯᐌ ᑎᐹᔅᑯᓀᓕᑕᒧᐎᓂᒃ;

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᑯᓚᔑᔭᓇ 3:14

ᐗᔅᑭᒡ ᒫᑲ ᒥᓯᐌ ᐅᐅ ᐳᔅᑎᔥᑲᒧᒃ ᓵᑭᐃᐌᐎᓐ, ᑳ ᒫᒪᐗᐱᑕᒧᒪᑲᒃ ᒥᑐᓂ ᐎᓯᐎᓐ᙮

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᓂᔥᑕᒻ ᑌᓴᓗᓂᔭᓇ 5:8

ᒫᑲ ᐁᑯᔑ ᑭᓚᓈᓇᐤ ᐁ ᑭᔑᑳᒃ ᑳ ᑎᐯᓕᑖᑯᓯᔭᒃ ᐯᑳᑖᑎᓯᑕᐤ, ᐁ ᐳᔅᑎᔅᑲᒪᒃ ᑖᐺᔦᓕᑕᒧᐎᓂ ᓀᔥᑕ ᓵᑭᐃᐌᐎᓂ ᒥᔅᑳᔅᑭᑲᓈᐱᔉ; ᓀᔥᑕ ᑭᒋ ᓇᑐᐸᓕᐎ ᐊᔅᑐᑎᓂᔦᒃ ᐱᒫᒋᐃᐌᐎᓂ ᐊᔅᐯᓕᒧᐎᓐ:

ᓂᔥᑕᒻ ᑎᒧᑎ 1:5

ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᓂᔓ ᑎᒧᑎ 1:7

ᐌᓴ ᑭᒋᒪᓂᑐ ᓇᒪᐎᓚ ᑯᔅᑖᒋᐎᓂ ᐊᒑᑾ ᑭ ᑮ ᒥᓕᑯᓇᐤ; ᒫᑲ ᑲᔥᑭᐅᐎᓂ, ᓀᔥᑕ ᓵᑭᐃᐌᐎᓂ, ᓀᔥᑕ ᐁ ᒪᔥᑲᐙᒃ ᒥᑐᓀᓕᒋᑲᓂᐎ ᐊᒑᑾ᙮

ᐦᐃᑉᕉᐗ 10:35

ᐁᑳᐎᓚ ᒫᑲ ᐌᐱᓇᒧᒃ ᑭ ᑫᒋᓇᐅᐎᓂᐗᐤ, ᑳ ᐋᔮᒪᑲᒃ ᑭᒋ ᑎᐸᐊᒫᑫᐎᓐ᙮

ᐦᐃᑉᕉᐗ 10:39

ᒫᑲ ᑭᓚᓈᓇᐤ ᓇᒪᐎᓚ ᑭᑦ ᐅ ᐎᒉᐙᑲᓂᓇᐤ ᐊᓂᑭ ᓂᔑᐗᓈᑎᓯᐎᓂᒃ ᑳ ᐃᔑ ᐊᔐᑳᐸᐎᒋᒃ, ᒫᑲ ᐊᓂᑭ ᑳ ᑖᐺᔦᓕᑕᑭᒃ ᑭᒋ ᐅᒋ ᐱᒫᒋᐋᒋᒃ ᐅᑦ ᐊᒑᑯᐗᐗ᙮

ᐦᐃᑉᕉᐗ 6:11

ᓂ ᐸᑯᓭᓕᑌᓈᓐ ᒫᑲ ᒥᓯᐌ ᐁ ᐃᑕᔑᔦᒃ ᑭᑭ ᐃᔑ ᐙᐸᑎᓕᐌᔦᒃ ᐊᓂᒪ ᐃᔑ ᑭᓯᓴᐎᓯᐎᓐ, ᒥᑐᓂ ᐁ ᑫᒋᓇᐅᔦᒃ ᐊᔅᐯᓕᒧᐎᓂᒃ ᐱᓕᔥ ᑫ ᐃᔥᒀᐸᓕᒃ:

ᐦᐃᑉᕉᐗ 6:19

ᐁᐗᑯ ᐊᔅᐯᓕᒧᐎᓐ ᑳ ᐋᔮᔭᒃ ᐁ ᐅ ᒋᔅᑖᐸᓱᓂᔭᒃ ᑭᑦ ᐊᒑᑯᓈᒃ, ᐁ ᑫᒋᓇᐅᒪᑲᒃ ᓀᔥᑕ ᐁ ᒪᔥᑲᐗᔅᑌᒃ, ᓀᔥᑕ ᑳ ᐱᑐᑫᒪᑲᒃ ᐱᒋ ᐊᑯᐃᑲᓂᒃ;

ᓂᔥᑕᒻ ᐱᑕᕐ 1:21

ᑭᓚᐗᐤ ᐎᓚ ᑳ ᐅᒋ ᑖᐺᔦᓕᒣᒃ ᑭᒋᒪᓂᑐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᓀᔥᑕ ᑳ ᑮ ᒥᓛᑦ ᑭᔅᑌᓕᑖᑯᓯᐎᓂᓕᐤ: ᑭᒋ ᑮ ᑖᐺᔦᓕᒣᒃ ᓀᔥᑕ ᐊᔅᐯᓕᒧᑐᑕᐌᒃ ᑭᒋᒪᓂᑐ᙮

ᓂᔥᑕᒻ ᒑᓐ 2:10

ᐊᓇ ᑳ ᓵᑭᐋᑦ ᐎᒋᔖᓇ ᐙᓭᔮᓯᐎᓂᒃ ᐃᑖᐤ, ᓇᒪᐎᓚ ᒫᑲ ᐱᒋᔅᑳᑯ ᑫᒀᓕᐤ ᑫ ᐅᒋ ᐱᓱᔑᒃ᙮

ᓂᔥᑕᒻ ᒑᓐ 2:14

ᑭ ᑮ ᒪᓯᓇᐊᒫᑎᓇᐗᐤ, ᐅᑖᐎᒫᐎᑐᒃ, ᐌᓴ ᑭ ᑮ ᑭᔅᑫᓕᒪᐗᐤ ᐊᓇ ᒪᐗᒋ ᓃᔥᑕᒻ ᑳ ᐅᒋ ᐃᑖᑦ᙮ ᑭ ᑮ ᒪᓯᓇᐊᒫᑎᓇᐗᐤ, ᐅᔥᑭᓂᑭᑐᒃ, ᐁ ᒪᔥᑲᐎᓯᔦᒃ, ᓀᔥᑕ ᐁ ᐱᒋᔅᑳᑯᐌᒃ ᑭᒋᒪᓂᑐ ᐅᑦ ᐋᔭᒥᐎᓐ, ᓀᔥᑕ ᐁ ᑮ ᔖᑯᒋᐁᒃ ᒣᒋᑣᑦ᙮

ᓂᔥᑕᒻ ᒑᓐ 2:24

ᐁᑯᔑ ᒫᑲ ᑭ ᑳ ᐱᒋᔅᑳᑯᓇᐗᐤ ᐊᓂᒪ ᓃᔥᑕᒻ ᐅᒋ ᑳ ᑮ ᐯᑕᒣᒃ᙮ ᑮᔥᐱᓐ ᐊᓂᒪ ᓃᔥᑕᒻ ᐅᒋ ᑳ ᑮ ᐯᑕᒣᒃ ᑫᔮᐸᒡ ᐱᒋᔅᑳᑯᔦᑴ, ᑫᔮᐸᒡ ᓀᔥᑕ ᑭ ᑳ ᐱᒋᔅᑲᐙᐗᐤ ᐅᑖᐎᒪᐤ ᓀᔥᑕ ᐅᑯᓯᓯᒪᐤ᙮

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮

ᓂᔥᑕᒻ ᒑᓐ 3:9

ᐊᐌᓇ ᑭᒋᒪᓂᑐᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᒪᒋᑐᑕᒻ: ᐌᓴ ᐅ ᓯᒥᓂᒪ ᐱᒋᔅᑳᑯᓕᐗ; ᓇᒪᐎᓚ ᒫᑲ ᑲᑕ ᑮ ᒪᒋᑐᑕᒻ, ᑭᒋᒪᓂᑐᒃ ᐁ ᑮ ᐅᒋ ᓂᑕᐎᑭᑦ᙮