ᓂᔥᑕᒻ ᑯᕆᓐᑎᐊᓇ 13:1 - ᐅᔅᑭ ᑎᔅᑌᒥᓐᑦ

¹ ᐋᑕ ᐁ ᐋᔭᒥᔮᓐ ᐃᓕᓕᐗᒃ ᓀᔥᑕ ᐁᓐᒐᓚᒃ ᐅᑦ ᐃᔑᑭᔗᐎᓂᐙᒃ, ᑮᔥᐱᓐ ᐁᑳ ᐋᔮᔮᓐ ᓵᑭᐃᐌᐎᓐ, ᑖᐱᔅᑯᒡ ᐅᓵᐙᐱᔉ ᐁ ᒫᑗᑎᒃ, ᓀᔥᑕᐱᑯ ᑭᑐᒋᑲᓐ ᐁ ᓄᑖᑯᓯᒪᑲᒃ ᓂᑦ ᐃᑌᓕᑖᑯᓯᓐ᙮

ᓂᔥᑕᒻ ᑯᕆᓐᑎᐊᓇ 13:1 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:45

ᐁᑯ ᑮ ᓇᔥᑴᐗᔑᐋᑦ, ᐁ ᐃᑗᑦ, ᐁᑳ ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ, ᓇᒪᐎᓚ ᓂᓚ ᑭ ᐅᒋ ᑐᑖᐎᓈᐗᐤ᙮

ᐅᐸᓓᑭᔅ ᒫᕐᒃ 16:17

ᐅᐅ ᑭᒋᑭᓄᐙᒋ ᐙᐸᑎᓕᐌᐎᓇ ᒫᑲ ᑲᑕ ᐎᒉᐎᑯᐗᒃ ᐊᓂᑭ ᑫ ᑖᐺᑕᑭᒃ: ᓂᑦ ᐃᔑᓂᑳᓱᐎᓂᒃ ᑲᑕ ᐗᓕᐎᐌᐱᓀᐗᒃ ᒪᒋ ᐊᒑᑾ; ᐅᔥᑭ ᐃᔑ ᑭᔗᐎᓇ ᑲᑕ ᐋᔭᒥᐗᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:15

ᒫᑲ ᑮᔥᐱᓐ ᑭᒋᔖᓐ ᑲᔥᑫᓕᑕᒥᐃᑯᑦ ᑭ ᒥᒋᒥᓕᐤ, ᓇᒪᐎᓚ ᐁ ᐃᑕᔅᑌᒃ ᓵᑭᐃᑐᐎᓐ ᑭᑦ ᐃᔑ ᐱᒧᑖᓐ᙮ ᐁᑳᐎᓚ ᓂᔑᐗᓈᒋ ᑭ ᒥᒋᒻ ᐅᒋ, ᐊᓇ ᑳ ᑮ ᓂᐳᔅᑕᒫᑯᑦ ᙭ᑕ᙮

ᓂᔥᑕᒻ ᑯᕆᓐᑎᐊᓇ 12:10

ᑯᑕᒃ ᑭᒋ ᒫᒪᔅᑳᒋᐃᔑᒋᑫᑦ; ᑯᑕᒃ ᑭᔅᑭᐙᐃᑫᐎᓂᓕᐤ; ᑯᑕᒃ ᑭᒋ ᓂᓯᑕᐌᓕᒫᑦ ᐊᒑᑾ; ᑯᑕᒃ ᓇᓈᑲᐤ ᐃᔑᑭᔗᐎᓇ; ᑯᑕᒃ ᑭᒋ ᐃᑗᔅᑕᒃ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 12:16

ᑮᔥᐱᓐ ᒫᑲ ᒥᑕᐗᑲᐃ ᐃᑗᒪᑲᑫ, ᓇᒪᐎᓚ ᓂᓚ ᓂ ᒥᔥᑭᔑᑯᐎᓐ, ᐁᐗᑯ ᐌᒋ ᐁᑳ ᑎᐯᓕᑖᑯᓯᔮᓐ ᒥᔭᐎᒃ; ᓇᒪ ᓈ ᒫᑲ ᑎᐯᓕᑖᑾᓐ ᒥᔭᐎᒃ?

ᓂᔥᑕᒻ ᑯᕆᓐᑎᐊᓇ 12:8

ᐌᓴ ᐯᔭᒃ ᒥᓛᑲᓂᐎᐤ ᐊᒑᑾ ᐅᒋ ᑲᑫᑕᐌᓕᑕᒧᐎ ᐋᔭᒥᐎᓂᓕᐤ; ᑯᑕᒃ ᑭᔅᑫᓕᑕᒧᐄ ᐊᔭᒥᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔥᑕᒻ ᑯᕆᓐᑎᐊᓇ 13:8

ᓵᑭᐃᐌᐎᓐ ᓇᒪᐎᔅᑳᑦ ᐃᔥᒀᐸᓕᐤ: ᐋᑕᐁᐃᑕᑾᑭ ᑭᔅᑭᐙᐃᑫᐎᓇ, ᑲᑕ ᐃᔥᒀᐸᓕᐗ; ᐋᑕ ᐁ ᐃᑕᑾᑭ ᐃᔑᑭᔗᐎᓇ, ᑲᑕ ᐳᓂᒪᑲᓋ: ᐋᑕ ᐁ ᐃᑕᑾᒃ ᑭᔅᑫᓕᑕᒧᐎᓐ, ᑲᑕ ᐹᔑᑯᓈᑾᓐ᙮

ᓂᔥᑕᒻ ᑯᕆᓐᑎᐊᓇ 14:2

ᐌᓴ ᐊᓇ ᑳ ᐋᔭᒥᑦ ᐁᑳ ᑳ ᑭᔅᑫᓂᑖᑾᒃ ᐃᔑᑭᔗᐎᓂᒃ, ᓇᒪᐎᓚ ᐊᔭᒥᐁᐤ ᐃᓕᓕᐗ, ᒫᑲ ᑭᒋᒪᓂᑐᐗ: ᐌᓴ ᓇᒪᐎᓚ ᐊᐌᓕᐗ ᓂᓯᑐᑖᑯ; ᐁᓕᐌᒃ ᒫᑲ ᐊᒑᑯᒃ ᑳᒋ ᑫᒀᓇ ᐋᔨᑗᐤ᙮

ᓂᔥᑕᒻ ᑯᕆᓐᑎᐊᓇ 14:4

ᐊᓇ ᑳ ᐋᔭᒥᑦ ᐁᑳ ᑳ ᑭᔅᑫᓕᑖᑾᒃ ᐃᔑᑭᔗᐎᓂᒃ, ᑭᔅᑭᓄᐊᒫᓱ; ᒫᑲ ᐊᓇ ᑳ ᑭᔅᑭᐙᐃᑫᑦ ᑭᔅᑭᓄᐊᒪᐌᐤ ᒫᒪᐎᐋᔭᒥᐋᐗ᙮

ᓂᔥᑕᒻ ᑯᕆᓐᑎᐊᓇ 14:5

ᓂ ᑳ ᓇᑕᐌᓕᑌᑖᔾ ᒥᓯᐌ ᐁ ᐃᑕᔑᔦᒃ ᓇᓈᑲᐤ ᑭᒋ ᐃᔑᑭᔗᔦᒃ, ᓇᐗᒡ ᒫᑲ ᑭᒋ ᑭᔅᑭᐙᐃᑫᔦᒃ: ᐌᓴ ᐊᐙᓯᑌ ᑭᔅᑌᓕᑖᑯᓯᐤ ᐊᓇ ᑳ ᑭᔅᑭᐙᐃᑫᑦ ᐃᔥᐱᔥ ᐊᓇ ᓇᓈᑲᐤ ᐁ ᐃᔑᑭᔗᑦ, ᐱᑯ ᑮᔥᐱᓐ ᐃᑗᔅᑕᒃ, ᒫᒪᐎᐋᔭᒥᐋᐗ ᑭᒋ ᑭᔅᑭᓄᐊᒫᓕᒋ᙮

ᓂᔥᑕᒻ ᑯᕆᓐᑎᐊᓇ 8:1

ᐊᓂᐃ ᑫᒀᓇ ᒫᑲ ᑳ ᐸᑭᑎᓇᒫᒋᒃ ᒪᓂᑐᑳᓂᒃ, ᑭ ᑭᔅᑫᓕᑌᓈᓇᐤ ᒥᓯᐌ ᐁ ᐃᑕᔑᔭᒃ ᐁ ᐊᔮᔭᒃ ᑭᔅᑫᓕᑕᒧᐎᓐ᙮ ᑭᔅᑫᓕᑕᒧᐎᓐ ᑭᔅᑌᓕᒧᔅᑳᑫᒪᑲᓐ, ᒫᑲ ᓵᑭᐃᐌᐎᓐ ᑭᔅᑭᓄᐊᒫᑫᒪᑲᓐ᙮

ᓂᔓ ᑯᕆᓐᑎᐊᓇ 12:4

ᐊᐗ ᐁ ᑮ ᐅᐱᓈᑲᓂᐎᑦ ᐹᕋᑖᐃᓯᒃ, ᓀᔥᑕ ᐁ ᑮ ᐯᑕᒃ ᐋᔭᒥᐎᓇ ᐁᑳ ᑫ ᑮ ᐃᑣᓂᐗᑭ, ᐊᓂᐃ ᐁᑳ ᑫ ᑮ ᑲᔥᑭᑖᑦ ᐃᓕᓕᐤ ᑭᒋ ᐋᔭᒥᑦ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᓂᔥᑕᒻ ᑎᒧᑎ 1:5

ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᓂᔥᑕᒻ ᐱᑕᕐ 4:8

ᐊᐙᓯᑌ ᒥᓯᐌ ᑫᒀᓇ ᒫᑲ ᐋᔮᒃ ᒫᒥᔅᑯᒃ ᓵᑭᐎᑐᐎᓐ ᒥᓯᐌ ᐁ ᐃᑕᔑᔦᒃ: ᐌᓴ ᓵᑭᐃᐌᐎᓐ ᑲᑕ ᐊᑾᓇᐊᒧᒪᑲᓐ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᑭᔅᑫᓕᑖᑯᑖᑫᐎᓐ 14:2

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᑖᐱᔅᑯᒡ ᐁ ᑭᔗᐌᔮᑲᒪᐊᑭ ᒥᒉᑦ ᓂᐱᐊ, ᓀᔥᑕ ᑖᐱᔅᑯᒡ ᐁ ᓄᑖᑯᓯᑦ ᑭᒋ ᐅᓂᒥᔅᑭᐤ: ᓂ ᑮ ᐯᑕᒸᓐ ᓀᔥᑕ ᐅᑭᑐᒋᑫᐗᒃ ᐅ ᐯᑖᑯᓯᐎᓂᐗᐤ ᐁ ᑭᑐᑖᒋᒃ ᐅ ᑭᑐᒋᑲᓂᐙᐗ: