ᓂᔥᑕᒻ ᑯᕆᓐᑎᐊᓇ 12:9 - ᐅᔅᑭ ᑎᔅᑌᒥᓐᑦ

⁹ ᑯᑕᒃ ᑖᐺᔦᓕᑕᒧᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ; ᑯᑕᒃ ᒥᓇᐙᒋᐃᐌᐎ ᒥᓕᐌᐎᓇ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔥᑕᒻ ᑯᕆᓐᑎᐊᓇ 12:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:8

ᒥᓇᐙᒋᐃᑯᒃ ᐅᑖᑯᓯᐗᒃ, ᐹᔦᑭᐃᑯᒃ ᐅᓓᑉᕈᓯᐃᑖᔅᐱᓀᐗᒃ, ᐊᓂᔥᑳᓂᑯᒃ ᐅᓂᐱᐗᒃ, ᐗᓚᐎᐌᐱᓂᑯᒃ ᒪᒋ ᐊᒑᑾᒃ: ᒧᔐ ᑭ ᑮ ᒥᓕᑳᐎᓇᐗᐤ, ᒧᔐ ᒥᓕᐌᒃ᙮

ᐅᐸᓓᑭᔅ ᒫᑎᐤ 21:21

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐋᔮᔦᒃ ᑖᐺᔦᓕᑕᒧᐎᓐ, ᓀᔥᑕ ᐁᑳ ᐹᔨᑕᐌᓕᑕᒣᒃ, ᓇᒪᐎᓚ ᐅᒪ ᐱᑯ ᑭ ᑳ ᑐᑌᓇᐗᐤ ᑳ ᑐᑕᐙᑲᓂᐎᑦ ᐸᑫᓵᓂᒥᓈᑎᒃ, ᑮᔥᐱᓐ ᓀᔥᑕ ᐃᑕᒣᒃ ᐅᒪ ᐗᒋ, ᐋᒋᐸᓕᐃᑎᓱ, ᐌᐱᓂᑎᓱ ᒫᑲ ᑭᒋᑲᒦᒃ, ᑲᑕ ᑐᒋᑳᑌᐤ᙮

ᐅᐸᓓᑭᔅ ᒫᕐᒃ 16:18

ᑲᑕ ᐅᑎᓀᐗᒃ ᒥᔑᑭᓀᐱᑾ; ᑮᔥᐱᓐ ᒫᑲ ᒥᓂᑴᑣᐌ ᑫᒀᓕᐤ ᑳ ᐅᒋ ᓂᐱᓈᓂᐗᒃ, ᓇᒪᐎᓚ ᑲᑕ ᐗᑯᐃᑯᐗᒃ; ᑲᑕ ᓵᒥᓀᐗᒃ ᐊᓂᐃ ᑳ ᐋᑯᓯᓕᒋ, ᐁᑯ ᒫᑲ ᑫ ᒥᓗᐋᔮᓕᒋ᙮

ᐅᐸᓓᑭᔅ ᒫᕐᒃ 6:13

ᑮ ᐗᓚᐎᐌᐱᓀᐗᒃ ᒫᑲ ᒥᒉᑦ ᒪᒋ ᐊᒑᑾ, ᐱᒥᓕᐤ ᓀᔥᑕ ᑮ ᐅᒋ ᑐᒥᓀᐗᒃ ᒥᒉᑦ ᑳ ᐋᑯᓯᓕᒋ, ᑮ ᒥᓇᐙᒋᐁᐗᒃ ᒫᑲ᙮

ᐅᐸᓓᑭᔅ ᓘᒃ 10:9

ᒥᓇᐙᒋᐃᑯᒃ ᒫᑲ ᐊᓂᑭ ᑳ ᐋᑯᓯᒋᒃ ᐁᑯᑕ ᑳ ᐃᑖᒋᒃ; ᐃᑎᑯᒃ ᒫᑲ, ᑭᒋᒪᓂᑐ ᐅᑦ ᐅᑭᒫᐎᐎᓐ ᐯᔓᒡ ᑭᑦ ᐅᑎᑎᑯᐙᓇᐗᐤ᙮

ᐅᐸᓓᑭᔅ ᓘᒃ 9:2

ᑮ ᐃᔑᑎᔕᐌᐤ ᒫᑲ ᑭᒋ ᐙᐎᑕᒸᓕᒋ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᓀᔥᑕ ᑭᒋ ᒥᓇᐙᒋᐋᓕᒋ ᑳ ᐋᑯᓯᓕᒋ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 5:15

ᑳ ᐅᒋ ᐯᒋ ᐗᓚᐎᑕᐋᒋᒃ ᑳ ᐋᑯᓯᓕᒋ ᐊᓐᑕ ᐱᒧᑌᔅᑲᓈᒃ, ᑮ ᐱᒥᔑᒣᐙᒃ ᒫᑲ ᓂᐯᐎᓂᒃ, ᓀᔥᑕ ᐋᔅᐱᔑᒨᐎᓂᒃ, ᒥᑰᒋᑲ ᐁ ᐋᑲᐙᔅᑌᔑᒃ ᐱᑕᕐ ᐁ ᐱᒧᑌᑦ ᑭᒋ ᑮ ᐋᑲᐙᔅᑌᔅᑳᑯᒋᒃ ᐋᑎᑦ ᐁ ᐃᑕᓯᒋᒃ᙮

ᓂᔥᑕᒻ ᑯᕆᓐᑎᐊᓇ 12:28

ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 12:30

ᒥᓯᐌ ᓈ ᐋᔭᐗᒃ ᒥᓇᐙᒋᐃᐌᐎ ᒥᓕᐌᐎᓇ? ᒥᓯᐌ ᓈ ᐹᐱᑐᔥ ᐃᔑᑭᔗᐗᒃ? ᒥᓯᐌ ᓈ ᐃᑗᔅᑕᒫᑫᐗᒃ?

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮

ᓂᔓ ᑯᕆᓐᑎᐊᓇ 4:13

ᓂᓚᓈᓐ ᐁ ᐋᔭᐗᑭᑦ ᐁᐗᑯ ᑫᔮᐸᒡ ᑖᐺᔦᓕᑕᒧᐎᓂ ᐊᒑᒃ, ᐁ ᐃᑕᓯᓇᐃᑳᑌᒃ, ᓂ ᑮ ᑖᐺᑌᓐ, ᐁᐗᑯ ᐌᒋ ᒫᑲ ᐋᔭᒥᔮᓐ; ᓂᓚᓈᓐ ᓀᔥᑕ ᓂ ᑖᐺᑌᓈᓐ, ᐁᐗᑯ ᐌᒋ ᒫᑲ ᐋᔭᒥᔮᒃ;

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᐦᐃᑉᕉᐗ 11:33

ᐊᓂᑭ ᑖᐺᔦᓕᑕᒧᐎᓐ ᐅᒋ ᑳ ᑮ ᔖᑯᒋᑖᒋᒃ ᐅᑭᒫᐎᐎᓇ, ᑳ ᑮ ᐃᔑᒋᑫᒋᒃ ᒀᔭᔅᑭᑖᑎᓯᐎᓂᓕᐤ, ᑳ ᑮ ᐅᑎᓇᑭᒃ ᐊᔓᑕᒫᑫᐎᓇ, ᑳ ᑮ ᑭᐳᑐᓀᐙᒋᒃ ᒥᔑᐱᔑᐗ,