4 ᐃᑕᑾᓋ ᒫᑲ ᐹᐱᑐᔥ ᐁ ᐃᔑᓈᑾᑭ ᒥᓕᐌᐎᓇ, ᒫᑲ ᐁᐗᒀᓇ ᑫᔮᐸᒡ ᐊᒑᒃ᙮
ᐊᓂᐃ ᐊᒐᑯᐎ ᒥᓕᐌᐎᓇ ᐅᒋ, ᓂᒋᔖᓂᑐᒃ, ᓇᒪᐎᓚ ᑭ ᓇᑕᐌᓕᒥᑎᓇᐗᐤ ᐁᑳ ᑭᒋ ᑭᔅᑫᓕᑕᒣᒃ᙮
ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮
ᐱᑐᑕᓋ ᓀᔥᑕ ᐋᔭᒥᐋᐎ ᐊᑑᔅᑫᐎᓇ, ᒫᑲ ᐁᐗᒀᓇ ᑫᔮᐸᒡ ᐅᑎᐯᓕᒋᑫᐤ᙮
ᐌᓴ ᓇᑕᒫ ᒥᓯᐌ ᐃᓕᓕᐗᒃ ᐃᔑᓈᑯᓯᒋᒃ ᐁ ᐃᔑᓈᑯᓯᔮᓐ ᓂᓚ᙮ ᒫᑲ ᒥᓯᐌ ᑕᑐ ᐃᓕᓕᐤ ᐋᔭᐤ ᑎᐱᓚᐌ ᐅ ᒥᓕᑯᓯᐎᓐ ᑳ ᐃᔑ ᒥᓕᑯᑦ ᑭᒋᒪᓂᑐᐗ, ᐯᔭᒃ ᐊᐌᓇ ᐅᒪ ᐃᔑ, ᑯᑕᒃ ᒫᑲ ᐱᑐᔥ ᐃᔑ᙮
ᑮ ᒥᓕᐌᐤ ᒫᑲ ᐋᑎᑦ ᑭᒋ ᐋᐎᓕᒋ ᐊᐸᔅᑕᓚᒃ; ᐋᑎᑦ ᓀᔥᑕ, ᐅᑭᔅᑭᐙᐃᑫᐗᒃ; ᐋᑎᑦ ᓀᔥᑕ ᒥᓗᐋᒋᒧᐎᓕᓕᐗᒃ; ᐋᑎᑦ ᓀᔥᑕ, ᐅᑲᓇᐌᓕᒥᐌᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ;
ᑭᒋᒫᓂᑐ ᓀᔥᑕ ᐁ ᑎᐹᒋᒧᑦ, ᑭᔅᑭᓄᐙᒋᒋᑲᓇ ᐅᒋ ᓀᔥᑕ ᓇᓈᑲᐤ ᒫᒪᑖᐎ ᐃᔑᒋᑫᐎᓇ, ᓀᔥᑕ ᐹᐱᑐᔥ ᒫᒪᔅᑳᒋ ᐋᔨᑎᐎᓇ, ᓀᔥᑕ ᐁ ᒫᒥᓕᐌᑦ ᐸᓓᑭ ᐊᒑᑾ, ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ?
ᑖᐱᔅᑯᒡ ᒥᓯᐌ ᑕᑐ ᐃᓕᓕᐤ ᐁ ᑮ ᒥᓛᑳᓂᐎᑦ ᒥᓕᑯᓯᐃᓂᓕᐤ, ᐁᑯ ᐃᔑ ᒫᒥᔅᑯ ᐅᒌᔅᑕᒫᑐᒃ, ᑖᐱᔅᑯᒡ ᒥᓗ ᑲᓇᐌᓕᑎᓛᑲᓇᒃ ᑳ ᑲᓇᐌᓕᑕᒬᒃ ᑭᒋᒪᓂᑐ ᑳ ᐋᔭᑶᑕᐗᔅᑌᓕᒃ ᐅ ᔕᐌᓕᒋᑫᐎᓐ᙮
