14 ᐁᐗᑯ ᐅᒋ ᓈᔅᐱᒡ ᓯᐋᑭᐃᑕᑾᒃ ᐅᔑᑕᒧᒃ ᒪᓂᑐᑳᓐ ᓇᐗᑮᔅᑖᑯᓯᐎᓐ᙮
ᒫᑲ ᑭᒋ ᒪᓯᓇᐊᒪᐗᑭᒃ, ᑭᒋ ᐌᐱᓇᑭᒃ ᐎᓕᐱᓯᐎᓇ ᒪᓂᑐᑲᓇ ᐅᒋ, ᓀᔥᑕ ᐱᔑᑾᑎᓯᐎᓐ, ᓀᔥᑕ ᐊᓂᐃ ᑫᒀᓇ ᑳ ᑭᐱᑴᐱᒋᑳᑌᑭ ᐅᒋ, ᓀᔥᑕ ᒥᑯ᙮
ᑳ ᑭᒋ ᓵᑭᐃᑕᑾᒃ, ᐁᑳᐎᓚ ᐋᔅᑯᒋᐃᐌᒃ ᐁ ᒪᒋᑐᑖᑲᐎᔦᒃ, ᒫᑲ ᐊᐙᓯᑌ ᑕᐎᔅᑕᒧᒃ ᐋᑯᓚᐌᓯᐎᓐ: ᐌᓴ ᐃᑕᓯᓇᐃᑳᑌᐤ, ᓂᓚ ᓂ ᑎᐱᓚᐌᐎᓰᓐ ᐋᔅᑯᒋᐃᐌᐎᓐ; ᓂ ᑳ ᑭᐌᑎᐸᐊᒫᑳᓐ, ᐃᑗᐤ ᑌᐯᓕᒋᑫᑦ᙮
ᓂᑦ ᐋᔭᒥᐋᐗᒃ ᑳ ᑲᑫᑕᐌᓕᑕᑭᒃ ᐃᓕᓕᐗᒃ; ᑎᐹᔅᑯᓀᓕᑕᒧᒃ ᑳ ᐃᑗᔮᓐ᙮
ᑖᓂ ᑫ ᐃᑗᔮᓐ ᒫᑲ? ᐙᔦᔥ ᐁ ᐃᑌᓕᑖᑯᓯᑦ ᒪᓂᑐᑳᓐ, ᓀᔥᑕᐱᑯ ᐊᓂᒪ ᑳ ᓵᓵᑭᐎᓕᐌᔅᑕᐙᑲᓂᐎᑦ ᒪᓂᑐᑳᓐ ᐙᔦᔥ ᐁ ᐃᑌᓕᑖᑾᒃ?
ᐁᑳᐎᓚ ᓀᔥᑕ ᓇᐗᑭᔥᑖᑯᒃ ᒪᓂᑐᑳᓇᒃ, ᑖᐱᔅᑯᒡ ᑳ ᑮ ᑐᑕᑭᒃ ᐋᑎᑦ ᐎᓚᐗᐤ: ᐁ ᐃᑕᓯᓇᐃᑳᑌᒃ, ᐃᓕᓕᐗᒃ ᑮ ᓇᐊᐱᐗᒃ ᑭᒋ ᒥᒋᓱᒋᒃ ᓀᔥᑕ ᒥᓂᑴᒋᒃ, ᑮ ᐸᓯᑯᐗᒃ ᒫᑲ ᑭᒋ ᒣᑕᐌᒋᒃ᙮
ᒫᑲ ᐊᓄᒡ ᑭ ᑮ ᒪᓯᓇᐊᒫᑎᓇᐗᐤ, ᐁᑳ ᑭᒋ ᐎᒉᐌᒃ ᐊᐌᓇ ᐎᒋᔖᓂᒪᐤ ᑳ ᐃᔑᓂᑳᑖᑲᓂᐎᑦ, ᑳ ᐱᔑᒀᑎᓯᔅᑭᑦ, ᓀᔥᑕ ᑳ ᒧᔅᑌᓇᒫᑫᔅᑭᑦ, ᓀᔥᑕ ᑳ ᓇᐗᑮᔅᑕᐙᑦ ᒪᓂᑐᑳᓇ, ᓀᔥᑕ ᑳ ᒫᓓᓕᒋᑫᔅᑭᑦ, ᓀᔥᑕ ᑳ ᑭᔥᑴᐯᔅᑭᑦ, ᓀᔥᑕ ᑳ ᒪᔅᑲᑗᔅᑭᑦ; ᐊᐌᓇ ᐊᐗ ᑐᐎ, ᐁᑳ ᐙᐙᒡ ᑭᒋ ᐎᒋᒥᒋᓱᒣᒃ᙮
ᑖᓀᑭ ᐌᒋ? ᐁᑳ ᐁ ᓵᑭᐃᑕᑾᒃ ᓈ? ᑭᒋᒪᓂᑐ ᑭᔅᑫᓕᑕᒻ᙮
ᓀᔥᑕ ᒫᑲ ᓈᔅᐱᒡ ᓂ ᑳ ᒥᓜᓕᑌᓐ ᑭᒋ ᒑᑭᓇᒫᓐ ᓀᔥᑕ ᑭᒋ ᒑᑭᐸᓕᔮᓐ ᑭᓚᐗᐤ ᐅᒋ; ᐋᑕ ᐊᐙᓯᑌ ᐁ ᐃᔑ ᓵᑭᐃᑕᑾᒃ, ᐋᐱᔑᔥ ᐱᑯ ᐁ ᓵᑭᐃᑳᐎᔮᓐ᙮
ᒥᓇ, ᑭᑦ ᐃᑌᓕᑌᓇᐗᐤ ᓈ ᐁ ᐎ ᒫᒥᓄᒥᑎᓯᔅᑖᑕᑾᒃ? ᐅᑎᔥᑲᐤ ᑭᒋᒪᓂᑐ ᙭ᑎᒃ ᓂᑦ ᐋᔭᒥᓈᓐ: ᒫᑲ ᒥᓯᐌ ᑫᒀᓇ ᓂ ᑐᑌᓈᓐ, ᑫᒋ ᓵᑭᐃᑕᑾᒃ, ᑭᓚᐗᐤ ᑭᒋ ᑭᔅᑭᓄᐊᒫᑲᐎᔦᒃ᙮
ᐁᐗᑯ ᐅᒋ ᐯᒋ ᐙᓚᐎᒃ ᐃᑕ ᐁ ᐃᑖᒋᒃ, ᓀᔥᑕ ᐸᑳᓂᐃᑎᓱᒃ, ᐃᑗᐤ ᐅᑎᐯᓕᒋᑫᐤ, ᐁᑳᐎᓚ ᓀᔥᑕ ᓵᒥᓇᒧᒃ ᐊᓂᒪ ᑳ ᐎᓕᐹᒃ; ᑭ ᑳ ᐅᑎᓂᑎᓇᐗᐤ ᒫᑲ,
ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮
ᐁᐗᑯ ᐅᒋ, ᓂᒋᔖᓂᑐᒃ, ᓈᔅᐱᒡ ᓯᐋᑭᐃᑕᑾᒃ ᓀᔥᑕ ᑳᐗᔐᓕᒥᑕᑾᒃ, ᓂ ᒥᓚᐙᑕᒧᐎᓐ ᓀᔥᑕ ᓂᑦ ᐅᑭᒪᐗᔅᑐᑎᓐ, ᐁᑯ ᐃᔑ ᐋᔨᒋᑳᐸᐎᔅᑖᒃ ᐅᑎᐯᓕᒋᑫᐤ, ᓈᔅᐱᒡ ᓯᐋᑭᐃᑕᑾᒃ᙮
ᐹᓪ, ᐅ ᑭᐸᐙᑲᓇ ᒋᓴᔅ ᙭, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐹᐃᓕᒪᓐ ᓈᔅᐱᒡ ᑳ ᓵᑭᐃᑕᒃ, ᓀᔥᑕ ᓂᒋ ᐊᑑᔅᑫᓛᑲᓂᓈᓐ;
ᒫᑲ, ᓯᐋᑭᐃᑕᑾᒃ, ᓇᐗᒡ ᒥᓗ ᑫᒀᓇ ᑭ ᐸᑯᓭᓕᑕᒫᑎᓈᓐ, ᐊᓂᐃ ᑫᒀᓇ ᓀᔥᑕ ᑳ ᐎᒋᐃᐌᐸᓕᑭ ᐱᒫᒋᐃᐌᐎᓂᒃ, ᐋᑕ ᐅᒪ ᐁ ᐃᔑ ᐋᔭᒥᔮᒃ᙮
ᑳ ᑭᒋ ᓵᑭᐃᑕᑾᒃ, ᑭ ᓇᑐᑕᒫᑎᓇᐗᐤ, ᑖᐱᔅᑯᒡ ᒫᓐᑌᐗᒃ ᓀᔥᑕ ᐅᐸᐹᒧᑌᐗᒃ, ᐌᐱᓇᒧᒃ ᐎᔮᓯᐎ ᓇᑕᐌᓕᑕᒧᐎᓇ, ᑳ ᓇᑐᐸᓖᔅᑖᑯᑦ ᐊᒑᒃ;
ᐊᐱᔅᑕᐙᔑᔑᑐᒃ, ᑲᓇᐌᓕᒥᑎᓱᒃ ᒪᓂᑐᑳᓇᒃ ᐅᒋ᙮ ᐁᒣᓐ᙮
ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮
ᒫᑲ ᐋᑎᑦ ᑫᒀᓇ ᓂᑦ ᐋᔮᓐ ᑭᒋ ᒫᒥᔑᒥᑖᓐ, ᐊᓐᑕ ᐁ ᐋᔭᐗᒋᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑭᔅᑭᓄᐊᒫᑫᐎᓂᓕᐤ ᐯᓚᒪ, ᐊᓇ ᑳ ᑮ ᑭᔅᑭᓄᐊᒪᐙᑦ ᐊᓂᐃ ᐯᓛᒃ ᑭᒋ ᐃᔑ ᐌᐱᓇᒥᓕᒋ ᑫ ᐅᒋ ᐱᓱᔑᓂᓕᒋ ᐅᑦ ᐊᐙᔑᒥᔕ ᐃᔅᕃᐃᓪ, ᑭᒋ ᒥᒋᓕᒋ ᐊᓂᐃ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑳᓇ, ᓀᔥᑕ ᑭᒋ ᐱᔑᒀᒋ ᐃᓯᒋᑫᓕᒋ᙮
ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮
ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮
