ᓂᔥᑕᒻ ᑯᕆᓐᑎᐊᓇ 1:7 - ᐅᔅᑭ ᑎᔅᑌᒥᓐᑦ

⁷ ᑳ ᐅᒋ ᐁᑳ ᓈᓐᑕᐤ ᒥᓕᐌᐎᓐ ᐁ ᓄᑌᐸᓕᔦᒃ; ᐁ ᐊᔕᐙᐸᑕᒬᒃ ᐅ ᑕᑯᔑᓄᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭;

ᓂᔥᑕᒻ ᑯᕆᓐᑎᐊᓇ 1:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:1

ᐁᑯ ᑭᒋᑭᔑᑳᐎ ᐅᑭᒫᐎᐎᓐ ᑫ ᐃᑌᓕᑖᑾᒃ ᑖᐱᔅᑯᒡ ᒥᑖᑦ ᐅᔥᑭᓂᑭᔅᑴᐗᒃ ᑳ ᐅᑎᓇᑭᒃ ᐅ ᐙᔅᑌᓇᒫᑲᓂᐙᐗ, ᑳ ᓇᑕᐎ ᓇᑭᔥᑲᐙᒋᒃ ᐅᔥᑭᓈᐯᐙᓇ ᒫᑲ᙮

ᐅᐸᓓᑭᔅ ᓘᒃ 12:36

ᑭᓚᐗᐤ ᒫᑲ ᓇᔅᐱᑖᑯᒃ ᐃᓕᓕᐗᒃ ᐁ ᐯᔗᓕᒫᒋᒃ ᐅᑦ ᐅᑭᒫᒥᐙᐗ, ᑭᐌᓕᑌ ᐎᑭᑐᐎᓂᒃ ᐅᒋ; ᐃᔅᐱ ᐯᒋ ᑕᑯᔑᓂᓕᑌ ᓀᔥᑕ ᐸᐹᐙᐃᑫᓕᑌ, ᑣᔦᒃ ᑭᒋ ᐋᐸᐊᒪᐙᒋᒃ᙮

ᐅᐸᓓᑭᔅ ᓘᒃ 17:30

ᐁᑯ ᑖᐱᔅᑯᒡ ᑫ ᐃᑭᓂᓕᒃ ᐊᓂᐁᓕᐤ ᐁ ᑭᔑᑳᓕᒃ ᐃᔅᐱ ᐃᓕᓕᐎᑯᓯᓵᓐ ᑫ ᓄᑯᓯᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:19

ᐌᓴ ᑳ ᐅᔑᐋᑲᓂᐎᑦ ᐅ ᑭᐗᔐᓕᑕᒧᐎᓐ ᐯᑖᒪᑲᓂᓕᐤ ᑭᒋ ᓄᑯᐋᑲᓂᐎᓕᒋ ᐊᓂᐃ ᑳ ᐅᑯᓯᓯᒥᑯᓕᒋ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:23

ᓇᒪᐎᓚ ᒫᑲ ᐎᓚᐗᐤ ᐱᑯ, ᒫᑲ ᑭᓚᓈᓇᐤ ᓀᔥᑕ ᑳ ᐋᔮᔭᒃ ᐊᓂᐃ ᑳ ᓂᑳᓂᒥᓂᔑᐎᑦ ᐊᒑᒃ, ᑭᓚᓈᓇᐤ ᑫᒋᐙᒃ ᑭ ᒫᒫᑗᓈᓇᐤ ᐱᒋ ᑭᔭᐎᓈᒃ, ᐁ ᐯᑖᔭᒃ ᑭᒋ ᐅᑦ ᐊᐙᔑᒥᔑᒥᑲᐎᔭᒃ, ᑭᒋ ᐱᒫᒋᑖᓂᐗᒃ ᑭᔭᐎᓇᐤ ᐅᑎ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔓ ᑯᕆᓐᑎᐊᓇ 12:13

ᐌᓴ ᑫᑾᓄᒃ ᑳ ᓄᑌᐸᓕᔦᒃ ᑭᓚᐗᐤ ᐃᔥᐱᔥ ᑯᑕᑭᔭᒃ ᒫᒪᐎᐋᔭᒥᐋᐗᒃ, ᐱᑯ ᓂᓚ ᐁᑳ ᐁ ᑮ ᐅᒋ ᑄᐗᑌᐃᑕᑾᒃ? ᐳᓀᓕᑕᒪᐎᒃ ᐅᒪ ᐗᓂᐃᑎᐎᓐ᙮

ᑲᓓᔕᐊᓇ 5:5

ᐌᓴ ᑭ ᐯᑖᓈᓇᐤ ᐎᓚ ᐊᒑᒃ ᐅᒋ ᒀᔭᔅᑭᑖᑎᓯᐎᓂ ᐊᔅᐯᓕᒧᐎᓐ ᑖᐺᔦᓕᑕᒧᐃᓐ ᐅᒋ᙮

ᐱᓕᐱᔭᓇ 3:20

ᐌᓴ ᑭᑦ ᐃᔑᐱᒫᑎᓯᐎᓂᓇᐤ ᑭᒋᑭᔑᑯᒃ ᐃᑕᑾᓐ; ᐃᑕ ᓀᔥᑕ ᑭᒋ ᐅᒌᑦ ᑳ ᐊᔕᐙᐸᒪᒃ ᐯᒫᒋᐃᐌᑦ, ᐅᑎᐯᓕᒋᑫᐤ ᒋᓴᔅ ᙭;

ᑯᓚᔑᔭᓇ 3:4

ᐃᔅᐱ ᙭, ᐁᐗᑯ ᑭ ᐱᒫᑎᓯᐎᓂᓇᐤ ᓄᑯᓯᑌ, ᐁᑯ ᓀᔥᑕ ᑭᓚᐗᐤ ᑫ ᐎᒋᓄᑯᓯᒣᒃ ᒪᓂᑐᐙᔅᑌᐎᓂᒃ᙮

ᓂᔥᑕᒻ ᑌᓴᓗᓂᔭᓇ 1:10

ᓀᔥᑕ ᑭᒋᑭᔑᑯᒃ ᑭᒋ ᐅᒋ ᐯᐃᒫᔦᒃ ᐅᑯᓯᓴ, ᐊᓂᐃ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑦ, ᒋᓴᓴ ᐅᑎ, ᑳ ᐱᒫᒋᐃᑕᒃ ᐋᑯᓚᐌᓯᐎᓐ ᐅᒋ ᑫ ᐅᑎᒋᐸᓕᒃ᙮

ᓂᔓ ᑌᓴᓗᓂᔭᓇ 1:7

ᑭᓚᐗᐤ ᓀᔥᑕ ᑳ ᐊᓕᒥᐃᑲᐎᔦᒃ ᑭ ᐎᒋᐋᓜᐱᒥᓈᓐ, ᐃᔅᐱ ᐅᑎᐯᓕᒋᑫᐤ ᒋᓴᔅ ᑭᒋᑭᔑᑯᒃ ᑫ ᐅᒋ ᐯᒋ ᓄᑯᓯᑦ, ᐊᓯᒋ ᑳ ᓱᑳᑎᓯᓕᑭ ᐅᑦ ᐁᓐᒐᓕᒪ,

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᐦᐃᑉᕉᐗ 9:28

ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮

ᓂᔥᑕᒻ ᐱᑕᕐ 1:13

ᐁᐗᑯ ᐅᒋ, ᐸᑾᑌᐊᒧᒃ ᑭ ᒥᑐᓀᓕᒋᑲᓂᐙᐗ, ᐯᑳᒡ ᐃᑖᑎᓰᒃ, ᓀᔥᑕ ᐃᔅᒀᔮᒡ ᐃᔅᑯ ᐊᔅᐯᓕᒧᑐᑕᒧᒃ ᐊᓂᒪ ᔕᐌᓕᒋᑫᐎᓐ ᑫ ᐯᒋ ᒥᓕᑲᐎᔦᒃ ᑭᔅᑫᓕᑖᑯᐋᑲᓂᐎᑌ ᒋᓴᔅ ᙭;

ᓂᔥᑕᒻ ᐱᑕᕐ 4:13

ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᓂᔥᑕᒻ ᐱᑕᕐ 5:4

ᐃᔅᐱ ᒫᑲ ᐯᒋ ᓄᑯᓯᑌ ᒫᐗᒋ ᑳ ᓂᑳᓀᓕᑖᑯᓯᑦ ᒫᓂᔥᒑᓂᔑᐎᓕᓕᐤ, ᑭ ᑳ ᒥᓕᑲᐎᓇᐗᐤ ᑭᔅᑌᓕᑖᑯᓯᐎ ᐅᑭᒪᐗᔅᑐᑎᓐ ᐁᑳ ᑳ ᐊᑎ ᓂᐳᐎᓈᑾᒃ᙮

ᓂᔓ ᐱᑕᕐ 3:12

ᐁ ᐊᔕᐙᐸᑕᒬᒃ ᓀᔥᑕ ᐁ ᐯᒋ ᑭᔑᐸᓕᑕᐌᒃ ᑭᒋᒪᓂᑐ ᐅ ᑭᔑᑳᒻ, ᐁᑯᔅᐱ ᑭᔑᑾ ᐁ ᐃᔅᒀᓯᑳᑌᑭ ᑲᑕ ᓂᔑᐗᓇᑕᓋ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᑫ ᐃᔅᐱᑭ ᑭᔑᑌᒃ᙮

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮

ᒎᑦ 1:21

ᑲᓇᐌᓕᒥᑎᓱᒃ ᑭᒋᒪᓂᑐ ᐅ ᓵᑭᐃᐌᐎᓂᒃ, ᐁ ᐊᔕᐙᐸᑕᒬᒃ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑳᑭᑫ ᐱᒫᑎᓯᐎᓂᒃ ᐃᔑ᙮