ᓂᔥᑕᒻ ᑯᕆᓐᑎᐊᓇ 1:23 - ᐅᔅᑭ ᑎᔅᑌᒥᓐᑦ

²³ ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᓂᔥᑕᒻ ᑯᕆᓐᑎᐊᓇ 1:23 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:6

ᔕᐌᓕᑖᑯᓯᐤ ᒫᑲ, ᐊᐌᓇ ᐁᑳ ᑫ ᓈᔦᑕᐌᓕᒥᑴ᙮

ᐅᐸᓓᑭᔅ ᒫᑎᐤ 13:57

ᑮ ᓈᔦᑕᐌᓕᒣᐗᒃ ᒫᑲ᙮ ᒫᑲ ᒋᓴᔅ ᑮ ᐃᑎᐤ, ᐅᑭᔅᑭᐙᐃᑫᐤ ᐋᔭᐤ ᑭᔅᑎᓯᐎᓂᓕᐤ, ᑎᐱᓚᐌ ᐅᑦ ᐊᔅᑮᒃ, ᓀᔥᑕ ᑎᐱᓚᐌ ᐎᑭᒃ ᐱᑯ ᓇᒪᐎᓚ ᑭᔅᑌᓕᒪᐤ᙮

ᐅᐸᓓᑭᔅ ᓘᒃ 2:34

ᓯᒥᔭᓐ ᒫᑲ ᑮ ᒥᓦᑭᒧᐤ, ᓀᔥᑕ ᑮ ᐃᑌᐤ ᒣᕆᐊ ᐅᑳᐎᔭ, ᒫᑎᑲ, ᐊᐗ ᐊᐙᔑᔥ ᐸᑭᑎᓇᐤ ᑭᒋ ᐅᒋ ᐸᑭᔑᑭᒃ ᓀᔥᑕ ᒥᓇ ᑭᒋ ᐗᓂᔥᑳᒋᒃ ᒥᒉᑦ ᐃᔅᕃᐃᓕᒃ; ᓀᔥᑕ ᑖᐱᔅᑯᒡ ᑭᔅᑭᓄᐙᒋ ᐙᐸᑎᓕᐌᐎᓐ ᑫ ᒪᒋ ᐋᓕᒧᒋᑳᑌᒃ᙮

ᓂᔥᑕᒻ ᑯᕆᓐᑎᐊᓇ 1:18

ᐌᓴ ᐁ ᑲᑫᔅᑭᒥᐙᓂᐗᒃ ᐊᓂᒪ ᐋᔑᑌᐋᑎᒃ ᑭᔥᑴᐄᓐ ᐃᑌᓕᑕᒶᒃ ᐊᓂᑭ ᑳ ᓂᔑᐗᓈᑎᓯᒋᒃ; ᒫᑲ ᑭᓚᓈᓇᐤ ᑳ ᐱᒫᒋᐃᑲᐎᔭᒃ ᑭᒋᒪᓂᑐ ᐅ ᑲᔥᑭᐅᐎᓐ ᑭᑦ ᐃᑌᓕᑌᓈᓇᐤ᙮

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 1:28

ᓀᔥᑕ ᑳ ᒪᒉᓕᑖᑾᑭ ᐅᑕ ᐊᔅᑮᒃ, ᓀᔥᑕ ᑳ ᐋᑕᐌᓕᑖᑾᑭ, ᑭᒋᒪᓂᑐ ᑮ ᐙᐌᓛᐸᑕᒻ ᐁᐁ, ᓀᔥᑕ ᑫᒀᓇ ᐁᑳ ᑳ ᐃᑕᑾᑭ ᑭᒋ ᓂᔑᐗᓈᒋᑖᒪᑲᑭ ᐊᓂᐃ ᑳ ᐃᑕᑾᑭ:

ᓂᔥᑕᒻ ᑯᕆᓐᑎᐊᓇ 2:14

ᒫᑲ ᐎᓚ ᐃᓚᑐ ᐃᓕᓕᐤ ᓇᒪᐎᓚ ᐎ ᐅᑎᓇᒬᐤ ᐅᑦ ᐗᔮᓂᓕᐗ ᐅᑦ ᐊᒑᑾ ᑭᒋᒪᓂᑐ; ᐌᓴ ᑲᑫᐹᒋᑌᓕᑕᒻ; ᓇᒪ ᓀᔥᑕ ᑲᑕ ᑮ ᑭᔅᑫᓕᑕᒻ, ᐌᓴ ᐊᒑᑯᐎ ᓂᓯᑕᐌᓕᒋᑳᑌᐗ᙮

ᓂᔥᑕᒻ ᑯᕆᓐᑎᐊᓇ 2:2

ᐌᓴ ᓂ ᑮ ᑯᒋᐃᑌᓕᑌᓐ ᐁᑳ ᑫᒀᓐ ᑭᒋ ᑭᔅᑫᓕᑕᒫᓐ ᐃᑕ ᐁ ᐃᑖᔦᒃ, ᐱᑯ ᒋᓴᔅ ᙭, ᓀᔥᑕ ᐎᓚ ᐁ ᑮ ᒋᔅᑖᔅᑾᐅᑦ᙮

ᓂᔥᑕᒻ ᑯᕆᓐᑎᐊᓇ 4:10

ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮

ᓂᔓ ᑯᕆᓐᑎᐊᓇ 4:5

ᐌᓴ ᓇᒪᐎᓚ ᓂ ᑲᑫᔅᑭᒥᐙᓱᓈᓐ, ᒫᑲ ᒋᓴᔅ ᙭ ᐅᑎᐯᓕᒋᑫᐤ; ᓂᓚᓈᓐ ᓀᔥᑕ ᑭᑦ ᐊᑐᔅᑫᓚᑲᓂᐗᐗᒃ ᒋᓴᔅ ᐅᒋ᙮

ᑲᓓᔕᐊᓇ 3:1

ᐅ ᑫᑫᐹᑎᓯᔦᒃ ᑲᓓᔕᐊᓂᑐᒃ, ᐊᐌᓇ ᑳ ᑮ ᑲᑫᐹᒋᐃᑖᒃ, ᐁᑳ ᑭᒋ ᓇᓇᐃᑕᒣᒃ ᑖᐺᐎᓐ, ᒧᔑᔐ ᑭᔥᑭᔑᑯᐙᒃ ᒋᓴᔅ ᙭ ᐁ ᑮ ᐙᐸᑎᓕᑲᐎᔦᒃ, ᐁ ᑮ ᒋᔅᑖᔅᑾᐙᑲᓂᐎᑦ ᐃᑕ ᐁ ᐃᑖᔦᒃ?

ᑲᓓᔕᐊᓇ 5:11

ᓂᓚ ᒫᑲ, ᓂᒋᔖᓂᑐᒃ, ᑮᔥᐱᓐ ᑫᔮᐸᒡ ᑫᑫᔅᑭᒥᐌᔮᓂ ᑭᔅᑭᓄᐙᒋᔓᐎᓐ, ᑖᓀᑭ ᐌᒋ ᑫᔮᐸᒡ ᑲᒀᑕᑭᐃᑲᐎᔮᓐ? ᐁᑯᔑ ᒫᑲ ᐱᐅᓂᐸᓕᒃ ᐁ ᓈᔦᑕᐌᓕᒋᑳᑌᒃ ᐋᔑᑌᐋᑎᒃ᙮

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 2:8

ᓀᔥᑕ ᐯᓱᔑᓄᐎ ᐊᓯᓂ, ᓀᔥᑕ ᓈᔦᑕᐌᓕᑕᒧᐎ ᑭᔅᑖᐱᔉ ᐊᓂᑭ ᐅᒋ ᑳ ᐱᓱᔅᑲᐊᑭᒃ ᐋᔭᒥᐎᓂᓕᐤ, ᐁ ᔑᐱᑕᑭᒃ; ᐃᑕ ᓀᔥᑕ ᑳ ᑮ ᐃᔑ ᐃᑕᑭᒫᑲᓂᐎᒋᒃ᙮