ᓂᔥᑕᒻ ᑯᕆᓐᑎᐊᓇ 1:21 - ᐅᔅᑭ ᑎᔅᑌᒥᓐᑦ

²¹ ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 1:21 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᓘᒃ 10:21

ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᒋᓴᔅ ᑮ ᒥᓚᐙᑕᒻ ᐅᑦ ᐊᒑᑯᒃ, ᑮ ᐃᑗᐤ ᒫᑲ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ ᑌᐯᓕᒋᑫᔭᓐ ᑭᒋᑭᔑᑯᒃ, ᓀᔥᑕ ᐊᔅᑭᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ: ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 12:31

ᐊᓄᒡ ᑎᐹᔅᑯᓂᑳᑌᐤ ᐅᒪ ᐊᔅᑭ: ᐊᓄᒡ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ ᑲᑕ ᐗᓚᐎᐌᐱᓈᑲᓂᐎᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:28

ᓀᔥᑕ ᒫᑲ ᐁᑳ ᐁ ᑮ ᐎ ᒥᒋᒥᓈᒋᒃ ᑭᒋᒪᓂᑐᐗ ᐅ ᑭᔅᑫᓕᑕᒧᐎᓂᐙᒃ, ᑭᒋᒪᓂᑐ ᑮ ᐃᔑ ᐸᑭᑎᓀᐤ ᑭᒋ ᐸᑾᓐᑕᐤ ᒥᑐᓀᓕᒋᑲᓂᓕᒋ, ᑭᒋ ᑐᑕᒥᓕᒋ ᐊᓂᐃ ᑫᒀᓇ ᐁᑳ ᑳ ᓇᐃᐸᓕᓕᑭ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:33

ᐙ ᑎᐱᔮᓕᒃ ᐁ ᐃᔑ ᐌᓗᑕᓂᓕᒃ ᐅ ᑲᑫᑕᐌᓕᑕᒧᐎᓐ ᓀᔥᑕ ᐅ ᑭᔅᑫᓕᑕᒧᐎᐤ ᑭᒋᒪᓂᑐ! ᑖᐺ ᓇᒪᐎᓚ ᑲᑕ ᑮ ᓈᓇᑕᐙᐸᒋᑳᑌᓕᐤ ᐅ ᑎᐹᔅᑯᓂᑫᐎᓇ, ᓀᔥᑕ ᐅᑦ ᐃᔑᑣᐎᓇ ᓇᒪᐎᓚ ᑲᑕ ᑮ ᑌᐱ ᒥᔅᑲᐙᒋᑳᑌᓕᐤ!

ᓂᔥᑕᒻ ᑯᕆᓐᑎᐊᓇ 1:18

ᐌᓴ ᐁ ᑲᑫᔅᑭᒥᐙᓂᐗᒃ ᐊᓂᒪ ᐋᔑᑌᐋᑎᒃ ᑭᔥᑴᐄᓐ ᐃᑌᓕᑕᒶᒃ ᐊᓂᑭ ᑳ ᓂᔑᐗᓈᑎᓯᒋᒃ; ᒫᑲ ᑭᓚᓈᓇᐤ ᑳ ᐱᒫᒋᐃᑲᐎᔭᒃ ᑭᒋᒪᓂᑐ ᐅ ᑲᔥᑭᐅᐎᓐ ᑭᑦ ᐃᑌᓕᑌᓈᓇᐤ᙮

ᓂᔥᑕᒻ ᑯᕆᓐᑎᐊᓇ 1:23

ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᓂᔥᑕᒻ ᑯᕆᓐᑎᐊᓇ 1:24

ᒫᑲ ᐊᓂᑭ ᑳ ᓇᑐᒫᑲᓂᐎᒋᒃ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ, ᐁᐗᑯ ᑳ ᐃᑌᓕᑕᑭᒃ, ᙭ ᐅ ᑲᔥᑭᐅᐎᓐ ᑭᒋᒪᓂᑐ, ᓀᔥᑕ ᐅ ᑲᑫᑕᐌᓕᑕᒧᐎᓐ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 1:25

ᐌᓴ ᐅ ᑲᑫᐹᑎᓯᐎᓐ ᑭᒋᒪᓂᑐ ᐊᐙᓯᑌ ᑲᑫᑕᐌᓕᑖᑾᓂᓕᐤ ᐃᔥᐱᔥ ᐃᓕᓕᐗᒃ; ᓀᔥᑕ ᐅ ᓕᓚᒥᓯᐎᓐ ᑭᒋᒪᓇᑐ ᐊᐙᓯᑌ ᒪᔥᑲᐎᓯᒪᑲᓂᓕᐤ ᐃᔥᐱᔥ ᐃᓕᓕᐗᒃ᙮

ᓂᔥᑕᒻ ᑯᕆᓐᑎᐊᓇ 1:27

ᒫᑲ ᑭᒋᒪᓂᑐ ᑮ ᐙᐌᓛᐊᑕᒻ ᑳ ᑲᑫᐹᑎᓯᒪᑲᑭ ᐅᑕ ᐊᔅᑭᒃ ᑭᒋ ᐗᓀᓕᑕᒥᐃᐌᒪᑲᑭ ᐊᓂᐃ ᑳ ᑲᑫᑕᐌᓕᑕᒧᒪᑯᑭ; ᑭᒋᒪᓂᑐ ᓀᔥᑕ ᑮ ᐙᐌᓛᐸᑕᒻ ᑳ ᓕᓚᒥᓯᒥᑲᑭ ᑭᒋ ᐗᓀᓕᑕᒥᐃᐌᒪᑲᑭ ᐊᓂᐃ ᑳ ᒪᔥᑲᐎᓯᒪᑲᑭ;

ᓂᔥᑕᒻ ᑯᕆᓐᑎᐊᓇ 11:32

ᒫᑲ ᐃᔅᐱ ᑎᐸᔅᑯᓂᑲᐎᔭᑯ, ᑭᑦ ᐊᓕᒥᐃᑯᓇᐤ ᐅᑎᐯᓕᒋᑫᐤ, ᐁᑳ ᐊᓯᒋ ᐊᔅᑭ ᑭᒋ ᓂᔑᐗᓈᒋᒥᑲᐎᔭᒃ᙮

ᓂᔥᑕᒻ ᑯᕆᓐᑎᐊᓇ 2:14

ᒫᑲ ᐎᓚ ᐃᓚᑐ ᐃᓕᓕᐤ ᓇᒪᐎᓚ ᐎ ᐅᑎᓇᒬᐤ ᐅᑦ ᐗᔮᓂᓕᐗ ᐅᑦ ᐊᒑᑾ ᑭᒋᒪᓂᑐ; ᐌᓴ ᑲᑫᐹᒋᑌᓕᑕᒻ; ᓇᒪ ᓀᔥᑕ ᑲᑕ ᑮ ᑭᔅᑫᓕᑕᒻ, ᐌᓴ ᐊᒑᑯᐎ ᓂᓯᑕᐌᓕᒋᑳᑌᐗ᙮

ᓂᔥᑕᒻ ᑯᕆᓐᑎᐊᓇ 4:10

ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮

ᓂᔥᑕᒻ ᑯᕆᓐᑎᐊᓇ 6:2

ᓇᒪ ᓈ ᑭ ᑭᔅᑫᓕᑌᓇᐗᐤ ᐅᐸᓓᑭᓴᒃ ᑭᒋ ᑎᐹᔅᑯᓇᑭᒃ ᐅᒣᓕᐤ ᐊᔅᑭᓕᐤ? ᑮᔥᐱᓐ ᒫᑲ ᑭᓚᐗᐤ ᑫ ᑎᐹᔅᑯᓇᒣᒃ ᐅᒪ ᐊᔅᑭ, ᓇᒪ ᓈ ᑭ ᑌᐸᑫᓕᑖᑯᓯᓇᐗᐤ ᑭᒋ ᑎᐹᔅᑯᓇᒣᒃ ᐊᓂᐃ ᒫᐗᒡ ᑳ ᐋᐱᔅᑌᓕᑕᑾᑭ?

ᑲᓓᔕᐊᓇ 1:15

ᒫᑲ ᐃᔅᐱ ᑳ ᑮ ᐃᔑ ᒥᓜᓕᑕᒃ ᑭᒋᒪᓂᑐ ᑳ ᑮ ᐸᑳᓂᐃᑦ ᓂᑳᐎ ᐅᔅᐹᔮᒃ ᐅᒋ, ᓀᔥᑕ ᑳ ᑮ ᓇᑐᒥᑦ ᐅ ᔕᐌᓕᒋᑫᐎᓐ ᐅᒋ,

ᑲᓓᔕᐊᓇ 4:8

ᐁᓕᐌᒃ ᒫᑲ, ᐃᔅᐱ ᐁᑳ ᑳ ᑮ ᑭᔅᑫᓕᒣᒃ ᑭᒋᒪᓂᑐ, ᑭ ᑮ ᐊᑐᔅᑫᔅᑕᐗᐗᐗᒃ ᐊᓂᑭ ᐅᒋᑕᐤ ᐁᑳ ᑳ ᒪᓂᑐᐎᒋᒃ᙮

ᐃᐱᓯᔭᓇ 1:9

ᐁ ᑮ ᑭᔅᑫᓕᑕᒥᐃᑕᒃ ᐁ ᐃᔑ ᑳᑖᓂᐗᓂᓕᒃ ᐅᑦ ᐃᑌᓕᑕᒧᐎᓐ, ᐁ ᐃᔑ ᒥᓗ ᐃᑌᓕᑕᒃ, ᐎᓚ ᑫᒋᐙᒃ ᑳ ᑮ ᐃᑌᓕᑕᒃ;

ᐃᐱᓯᔭᓇ 3:10

ᐊᓂᑭ ᑳ ᑎᐯᓕᒋᑫᒋᒃ ᓀᔥᑕ ᑳ ᓯᑳᑎᓯᒋᒃ ᑭᒋᑭᔑᑯᒃ ᐊᓄᒡ ᒫᒪᐎᐋᔭᒥᐊᐗ ᐅᒋ, ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᑲᑫᑕᐌᓕᑕᒧᐎᓂᓕᐤ ᑳ ᐋᔭᑶᑕᐗᓂᓕᒃ,

ᑯᓚᔑᔭᓇ 1:19

ᐌᓴ ᑮ ᒥᓜᓕᑕᒻ ᐌᐅᑖᐎᒪᐎᑦ ᒥᓯᐌ ᒥᑐᓂᐎᓯᐎᓂᓕᐤ ᑭᒋ ᐱᒋᔅᑳᑯᓕᒋ᙮

ᐦᐃᑉᕉᐗ 1:14

ᓇᒪ ᓈ ᒥᓯᐌ ᐊᑑᔅᑫᐎ ᐊᒑᑯᐎᐗᒃ, ᐁ ᐯᒋᑎᔕᐙᑲᓂᐎᒋᒃ ᑭᒋ ᐊᔭᒥᐊᐎ ᐊᑑᔅᑲᐙᒋᒃ ᐊᓂᐃ ᑫ ᐊᑎ ᐊᔮᓕᒋ ᐱᒫᒋᐃᐌᐎᓂᓕᐤ?

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:4

ᑭᓚᐗᐤ ᐱᔑᒀᑎᓰᔅᑐᒃ ᓀᔥᑕ ᐱᔑᒀᑎᔅᑴᑐᒃ, ᓇᒪ ᓈ ᑭ ᑭᔅᑫᓕᑌᓇᐗᐤ ᐅᒪ ᐊᔅᑭ ᐅᑐᑌᒥᐌᐎᓐ ᐁᐗᑯ ᐌᒋ ᐸᒀᑖᑲᓂᐎᑦ ᑭᒋᒪᓂᑐ? ᐊᐌᓇ ᒫᑲ ᑫ ᐎ ᐅᑐᑌᒥᒥᑦ ᐊᔅᑭ, ᐸᒀᑌᐤ ᑭᒋᒪᓂᑐᐗ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:15

ᑖᐺᔦᓕᑕᒧᐎᓂ ᐋᔭᒥᐋᐎᓐ ᒫᑲ ᑲᑕ ᐱᒫᒋᐃᑯ ᐊᓇ ᑳ ᐋᑯᓯᑦ, ᐅᑎᐯᓕᒋᑫᐤ ᒫᑲ ᑲᑕ ᐗᓂᔥᑳᓀᐤ; ᑮᔥᐱᓐ ᒫᑲ ᑮ ᒪᒋᑐᑕᒧᑴ ᑲᑕ ᐌᐯᓕᑕᒪᐙᑲᓂᐎᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:20

ᐁᑯᔑ ᑲᑕ ᑭᔅᑫᓕᑕᒻ, ᐊᓇ ᑳ ᑴᔅᑳᑎᓯᐋᑦ ᐅᒪᒋᑣᐗ ᐅ ᐗᓂᑖᑎᓯᐎᓐ ᐅᒋ, ᑲᑕ ᐱᒫᒋᐁᐤ ᐊᒑᑾ ᓂᐱᐎᓂᒃ ᐅᒋ, ᓀᔥᑕ ᑲᑕ ᑳᑕᐤ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮