ᓂᔥᑕᒻ ᑯᕆᓐᑎᐊᓇ 1:19 - ᐅᔅᑭ ᑎᔅᑌᒥᓐᑦ

¹⁹ ᐌᓴ ᐃᑕᓯᓇᐃᑳᑌᐤ, ᓂ ᑳ ᓂᔑᐗᓈᒋᑕᐙᓐ ᐅ ᑲᑫᑕᐌᓕᑕᒧᐎᓂᐗᐤ ᐅᑲᑫᑕᐌᓕᑕᒶᒃ, ᓀᔥᑕ ᓂ ᑳ ᐃᔥᒀᐸᓕᑕᒸᓐ ᐅ ᓂᓯᑐᑕᒧᐎᓂᐗᐤ ᐅᓕᑆᑳᐗᒃ᙮

ᓂᔥᑕᒻ ᑯᕆᓐᑎᐊᓇ 1:19 ပူးပေါင်းရင်းမြစ်များ

ᓂᔥᑕᒻ ᑯᕆᓐᑎᐊᓇ 3:19

ᐌᓴ ᐅᒪ ᐊᔅᑭ ᑲᑫᑕᐌᓕᑕᒧᐎᓐ ᑲᑫᐹᑎᓯᐎᓐ ᐃᑌᓕᑕᒻ ᑭᒋᒪᓂᑐ᙮ ᐌᓴ ᐃᑕᓯᓇᐃᑳᑌᐤ, ᑎᐱᓚᐌ ᐅ ᑲᑳᔦᓕᓯᐎᓂᓕᒃ ᒫᒋᑯᓀᐤ ᐊᓂᐃ ᑳ ᑲᑫᑕᐌᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 4:10

ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮

ᓂᔥᑕᒻ ᑯᕆᓐᑎᐊᓇ 4:6

ᐅᐅ ᑫᒀᓇ, ᓂᒋᔖᓂᑐᒃ, ᑭᔅᑭᓄᐙᒋᒋᑲᓇᒃ ᓂ ᑮ ᐊᔓᐃᐎᓇᒫᓱᓐ ᓀᔥᑕ ᐊᐸᓚᔅ ᑭᓚᐗᐤ ᐅᒋ; ᑭᒋ ᐃᔑ ᑭᔅᑫᓕᑕᒣᒃ ᓂᓚᓈᓐ ᐅᒋ ᐁᑳ ᐋᓕᐙᒃ ᑭᒋ ᐃᑌᓕᒣᑾᒃ ᐃᓕᓕᐗᒃ, ᐃᔥᐱᔥ ᑳ ᐃᑕᓯᓇᐃᑳᑌᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᑭᔅᑌᓕᒥᑎᓱᔅᑕᐙᑦ ᑯᑕᑭᔭ᙮