ᓂᔥᑕᒻ ᑯᕆᓐᑎᐊᓇ 1:18 - ᐅᔅᑭ ᑎᔅᑌᒥᓐᑦ

¹⁸ ᐌᓴ ᐁ ᑲᑫᔅᑭᒥᐙᓂᐗᒃ ᐊᓂᒪ ᐋᔑᑌᐋᑎᒃ ᑭᔥᑴᐄᓐ ᐃᑌᓕᑕᒶᒃ ᐊᓂᑭ ᑳ ᓂᔑᐗᓈᑎᓯᒋᒃ; ᒫᑲ ᑭᓚᓈᓇᐤ ᑳ ᐱᒫᒋᐃᑲᐎᔭᒃ ᑭᒋᒪᓂᑐ ᐅ ᑲᔥᑭᐅᐎᓐ ᑭᑦ ᐃᑌᓕᑌᓈᓇᐤ᙮

ᓂᔥᑕᒻ ᑯᕆᓐᑎᐊᓇ 1:18 ပူးပေါင်းရင်းမြစ်များ

ᐊᐸᔅᑕᓚᒃ 13:41

ᐙᐸᑕᒧᒃ, ᑭᓚᐗᐤ ᒫᓓᓕᒋᑫᔅᑲᒃ, ᒫᒪᔅᑳᑕᒧᒃ ᒫᑲ, ᓀᔥᑕ ᓂᔑᐗᓈᑎᓯᒃ: ᐌᓴ ᓂᑦ ᐋᑐᔅᑳᑌᓐ ᐋᑐᔅᑫᐎᓐ ᒣᒀᒡ ᑭ ᑭᔑᑳᒥᐙᐗ, ᐋᑐᔅᑫᐎᓐ ᐁᑳ ᒥᑐᓂ ᑫ ᑖᐺᑕᒣᒃ, ᐋᑕ ᐃᓕᓕᐤ ᐁ ᐗᐎᑕᒫᑖᒃ᙮

ᐊᐸᔅᑕᓚᒃ 17:18

ᐁᑯᔅᐱ ᒫᑲ ᐋᑎᑦ ᑳ ᑲᑫᑕᐌᓕᑕᑭᒃ ᐃᐱᒃᔫᕆᐊᓇᒃ ᐅᒋ, ᓀᔥᑕ ᐊᓂᑭ ᔅᑐᐃᑲᒃ ᐅᒋ, ᑮ ᒫᐎᓀᐅᑯ᙮ ᐊᑎᑦ ᒫᑲ ᑮ ᐃᑗᐗᒃ, ᑖᓀ ᑫ ᐃᑗᑦ ᐊᐗ ᐅᓵᒥᑐᓐ? ᑯᑕᑭᔭᒃ ᐊᑎᑦ, ᒫᓇᐎ ᐋᓕᒧᒥᐤ ᒫᓐᑌᐎ ᒪᓂᑐᐗ: ᐌᓴ ᑮ ᐊᓕᒨᑕᒪᐌᐤ ᐊᓂᐃ ᒋᓴᓴ, ᓀᔥᑕ ᐗᓂᔥᑳᐎᓂᓕᐤ᙮

ᐊᐸᔅᑕᓚᒃ 17:32

ᐃᔅᐱ ᒫᑲ ᐱᐁᑕᑭᒃ ᒥᓇ ᑭᒋ ᐗᓂᔥᑲᓕᒋ ᐊᓂᐃ ᑳ ᓂᐱᓕᒋ, ᐊᑎᑦ ᑮ ᐹᐱᓄᑕᑫᐗᒃ: ᑯᑕᑭᔭᒃ ᒫᑲ ᑮ ᐃᑗᐗᒃ, ᒥᓇ ᑭ ᑳ ᐯᑖᑎᓈᓐ ᐅᒪ ᑫᒀᓐ ᐅᒋ᙮

ᐊᐸᔅᑕᓚᒃ 2:47

ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 15:2

ᐊᓂᒪ ᓀᔥᑕ ᑳ ᐅᒋ ᐱᒫᒋᐃᑳᐎᔦᒃ, ᑮᔥᐱᓐ ᒥᒋᒥᓇᒣᑴ ᑮ ᐎᑕᒫᑕᑾᒃ, ᐁᑳᐎᓚ ᐸᑾᓐᑕᐤ ᑳ ᑖᐺᑕᒧᐌᑴ᙮

ᓂᔥᑕᒻ ᑯᕆᓐᑎᐊᓇ 2:14

ᒫᑲ ᐎᓚ ᐃᓚᑐ ᐃᓕᓕᐤ ᓇᒪᐎᓚ ᐎ ᐅᑎᓇᒬᐤ ᐅᑦ ᐗᔮᓂᓕᐗ ᐅᑦ ᐊᒑᑾ ᑭᒋᒪᓂᑐ; ᐌᓴ ᑲᑫᐹᒋᑌᓕᑕᒻ; ᓇᒪ ᓀᔥᑕ ᑲᑕ ᑮ ᑭᔅᑫᓕᑕᒻ, ᐌᓴ ᐊᒑᑯᐎ ᓂᓯᑕᐌᓕᒋᑳᑌᐗ᙮

ᓂᔥᑕᒻ ᑯᕆᓐᑎᐊᓇ 2:2

ᐌᓴ ᓂ ᑮ ᑯᒋᐃᑌᓕᑌᓐ ᐁᑳ ᑫᒀᓐ ᑭᒋ ᑭᔅᑫᓕᑕᒫᓐ ᐃᑕ ᐁ ᐃᑖᔦᒃ, ᐱᑯ ᒋᓴᔅ ᙭, ᓀᔥᑕ ᐎᓚ ᐁ ᑮ ᒋᔅᑖᔅᑾᐅᑦ᙮

ᓂᔥᑕᒻ ᑯᕆᓐᑎᐊᓇ 3:19

ᐌᓴ ᐅᒪ ᐊᔅᑭ ᑲᑫᑕᐌᓕᑕᒧᐎᓐ ᑲᑫᐹᑎᓯᐎᓐ ᐃᑌᓕᑕᒻ ᑭᒋᒪᓂᑐ᙮ ᐌᓴ ᐃᑕᓯᓇᐃᑳᑌᐤ, ᑎᐱᓚᐌ ᐅ ᑲᑳᔦᓕᓯᐎᓂᓕᒃ ᒫᒋᑯᓀᐤ ᐊᓂᐃ ᑳ ᑲᑫᑕᐌᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 4:10

ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮

ᓂᔓ ᑯᕆᓐᑎᐊᓇ 10:4

ᐌᓴ ᓇᒪᐎᓚ ᐎᔮᓯᐗᓋ ᓂᑦ ᐊᔓᐎᓂᓈᓇ ᐁ ᓄᑎᓂᑫᔮᒃ, ᒫᑲ ᓱᑳᑎᓯᒪᑲᓋ ᑭᒋᒪᓂᑐ ᐅᒋ ᑭᒋ ᐅᒋ ᓂᒋᐌᐱᓂᑳᑌᑭ ᓇᑐᐸᓕᐎᑲᒥᑾ:

ᓂᔓ ᑯᕆᓐᑎᐊᓇ 4:3

ᒫᑲ ᑮᔥᐱᓐ ᓂ ᒥᓗᐋᒋᒧᐎᓂᓈᓐ ᑭᐋᒋᑳᑌᑭ, ᑳᑕᒪᐙᐗᒃ ᐊᓂᑭ ᑳ ᐗᓂᔑᑭᒃ:

ᓂᔥᑕᒻ ᑌᓴᓗᓂᔭᓇ 1:5

ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮

ᓂᔓ ᑌᓴᓗᓂᔭᓇ 2:10

ᓀᔥᑕ ᒥᓯᐌ ᒪᒑᑎᓯᐎᓂ ᑲᑳᔦᓕᓯᐎᓂᒃ ᐊᓂᐃ ᐅᒋ ᑫ ᓂᔑᐗᓈᑎᓯᓕᒋ; ᐁᑳ ᐁ ᑮ ᐅᑎᓇᒥᓕᒋ ᑭᒋ ᓵᑭᑖᓕᒋ ᑖᐺᐎᓂᓕᐤ, ᑭᒋ ᐱᒫᑎᓯᓕᒋ᙮

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᐦᐃᑉᕉᐗ 4:12

ᐌᓴ ᑭᒋᒪᓂᑐ ᐅᑦ ᐋᔭᒥᐎᓐ ᐱᒫᑎᓯᒪᑲᓂᓕᐤ, ᓀᔥᑕ ᓱᑳᑎᓯᒪᑲᓂᓕᐤ, ᓀᔥᑕ ᐊᐙᓯᑌ ᑳᔖᓕᐤ ᐃᔥᐱᔥ ᐁ ᓂᔓᐱᔅᑲᒧᑭ ᔑᒫᑲᓐ, ᐁ ᔖᐳᐸᓕᓕᒃ ᐃᔥᐱᔥ ᑮ ᐅᒋ ᓀᓇᐎᓂᑳᑌᒃ ᐊᒑᒃ ᓀᔥᑕ ᒥᑐᓀᓕᒋᑲᓐ, ᓀᔥᑕ ᐋᓂᔅᑲᐎᑲᓇᓇ ᓀᔥᑕ ᐅᔅᑲᓂᐱᒥ, ᓀᔥᑕ ᓂᓯᑕᐌᓕᑕᒧᒪᑲᓂᓕᐤ ᑳ ᒥᑐᓀᓕᒋᑳᑌᒃ ᓀᔥᑕ ᑳ ᐃᑌᓕᒋᑳᑌᒃ ᒥᑌᐃᒃ᙮