TIITO 3:3 - Wanaadi A'deddu

³ Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

TIITO 3:3 ပူးပေါင်းရင်းမြစ်များ

MATEO 21:29

Ñäädä cöneccujä’acä; cönä’döaacä: “Ng’jn, öötä’se’da wa.” Yää ’jeje yaawä tötö’tajäätödö cönsa’duminchai; cöntämä yaawä audaajä aca etaadawa’cajo.

DUUCA 21:8

Jesuuquidiito cönä’döaacä chäwwäiñe: —Odhoowoinchadäiñe’da eichäcä, mätäncu’tojooto’no. Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe; “Chu’nädö aca nä’döi eduuwa;” quee töwä’döancädäiñe mmaja. Dha’dedducoomo mma maneetatäi’che.

JUAN 8:34

Jesuuquidiito cöneccujä’a’to: —Chäänönge yääje wä’döa, ñäädä conemjönö tödöönei conemjönö anoonöje na.

DOMAANO 11:30

Änwanno judhíojöncomo, jenaadä Wanaadi woije ei’cha mä’ja’quene; eduuwa judhíocoomo daja Wanaadi woije ei’cha naato. Wanaadi wentumje adheeneaato eduuwa.

DOMAANO 6:12

Yääje yeijäcä conemjönö tödöödö anoonöje’daane eichäcä, ajuunucoomo nijummadö mma männöto’no yaawä.

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

DOMAANO 6:22

Eduuwa mmaane conemjönö jonno töwä’sancwa maatoodö Wanaadi anoonöje maato. Eduuwaane michaana’caato Wanaadi wwonooje aweeconeecato’como, aweichöcoomo eneetojo mmaja.

DOMAANO 6:6

Cönwanno cowaanäcäiñe na yää jenaadä cöwei’jocoomo Quidiito jadä cuduusa jäcä yääma’jödö. Yaawä yää conemjönö tödö’se weiñä cönäämai. Yääje yeijäcä conemjönö tödöödö anoonöje eijai’cha caato eduuwa.

2 CODINTIYO 12:20

Öwö cone’daiche tötö’tajä’e wäänene, adöiñaiñe wä’döa’jäcä umjummadö nönge’da adheedantäjaiñe tö’tadö weijäcä, öwö ämjummadööcomo nönge’da mmaja yeedantäjai maato dea. Wätäccujä’nä ’je adheedantäjaiñe tö’ta, we’neimmanä ’je mmaja, wäätömaajä’nä ’je mmaja, töwö mma töwei’she weiñä ’je mmaja, cone’da wa’deunä ’je mmaja, wenta’me’nä ’je mmaja, o’jodhe tö’tajä’nä ’je mmaja, töwaatashiichuudä weiñä ’je mmaja adheedantäjaiñe tö’ta.

CAADATA 6:3

Ñäädä o’jodhaato tö’tajäätödö, o’jodhe’da töweichaame, töwö dea nätäncu’ta.

CODOOSENSE 1:21

Jenaadä Wanaadi jadä’da mä’ja’quene; conemjönö tönnöe aweichomjäcä Wanaadi tuntu’de’tä töweiye mä’ja’quene ätö’tajäätödööcomo ai. Yääje yeichaame eduuwa töwö Wanaadi töjaadä ääweichacoonoje ayöödötääne

CODOOSENSE 3:7

Jenaadä mädä tönnöe ma’ja’quene änwanno, yää aca aweichöcoomo.

2 TIIMOTEO 3:13

Ñanno conemjöncomo mmaane, äncu’tännamo mmaja, cone’da töweichöcoomo jonno jooje’cä mma necoone’maato’de; äncu’tännamo tönwanno, yäätäncu’täja’como mmaja.

2 TIIMOTEO 3:6

Ñanno yääja’como soto e’sacaiñe töwoomonge weneeneto wodiiñamo ta’seuda’como encu’tädööcomo wetä. Ñanno wodiiñamo jooja’como choone’nadiiyö; tönwanno tösaadijange naato änneene’jödöödä conemjönö ijummadö que.

TIITO 1:16

Tönwanno Wanaadi ecaanö’nnamooje yäätä’tädööcomo; iiñödööcomo que mmaane täne’ju’dhe naato yeeshi’jodööcomooje yeichö. Töweecone’ma naato, töwäätuujacoone’da mmaja; she’caasa aashichaato tödööjai’cha mmädä naato.

TIITO 2:12

Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

SANTIYAACO 1:26

Ñäädä ecamjödö jäcä chäänöngato wa’cä tö’tadö tunuudu aneedennanö’jo’da töweichaame, töwwäädä nätäncu’ta; töwäädämma ñeecamjödö na.

1 PEEDHODO 1:14

Mude’cä’cä tumö woijato töweiye naichöje eichäcä. Conemjönö ämjummadööcomo woije mma meichäi, jenaadä Wanaadi odhoowanääcäine’da yeichö töweiye mä’ja’quennöje’daane.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 13:14

Töwö odoocojaato nono de’woncomo cönencu’toicho täneemö tönnödö que. Chäwwäiñe cönnöjoi awa’deeto odoocojaato cu’taajä. Chäwwä yääje soto tödööto’como u’ajä cönä’jaacä awa’d eto odoocojaato neneedöje, ñäädä sauda que töwäätunui’chä’jödö weichaame cönaadoincaichö.

APOOCADIISI 18:2

Jäduuje cöncä’töngacä; cönä’döaacä: —Nataamei; Waawidooniya ñano tacaadato nataamei. Odo’shancomo weicho’comooje na eduuwa, canaimä weicho’comooje mmaja, tadiiñaamo töwöödöjööca’como weicho’comooje mmaja, ñanno conemjöncomo.