TIITO 2:8 - Wanaadi A'deddu

⁸ aashicha awa’deuwancädääne, äjääcä cone’da anejja ya’deuwödö queiñe. Töjöiye naato’de yaawä ñanno Wanaadi a’deddu tu’de’tännamo, aneejodö’da töweijäcäiñe cone’da töwa’deuto’como äjääcäiñe.

TIITO 2:8 ပူးပေါင်းရင်းမြစ်များ

MAADOCO 12:17

Yaawä Jesuuquidiito cönä’döaacä chäwwäiñe: —Acu’shänä wwä u’täcä töwö chowwono. Wanaadi wwono mmaane Wanaadi wwä u’täcä; quee cönä’döaacä Jesuuquidiito. Tönwanno cöneeta’jöjäätöicho yaawä Jesuuquidiito wa’deuwödö eta’jäcä.

MAADOCO 12:28

Yääje mma yaawä judhío owaanomannamo jimmä cöneejä Jesuuquidiito döiña. Ñäädä cönä’jaacä saadhuseeo jadäiñe yäätäccujäätödööcomo etaanei’jödö. Chäänönge Jesuuquidiito neccujäätö’jödö eta’jäcä töwö Jesuuquidiito cöneecamma’joi: —¿Äshono yää waanontänä cho’jodha’como jaiñoone? quee cönä’döaacä.

MAADOCO 12:32

Yaawä ñäädä judhío owaanomaaneichomo cönä’döaacä Jesuuquidiito wwä: —Owaanomaanei, chäänönge yääje mä’döaanä, tooni chämma Wanaadi ña, yäätonno ’je’da.

MAADOCO 12:34

Chäänönge ñeccujäätödö eta’jäcä Jesuuquidiito cönä’döaacä chäwwä: —Amoinche’da ma Wanaadi sotoije eijai aweichö jäcä; quee cönä’döaacä Jesuuquidiito. Yää ncäcäädä tönwanno Jesuuquidiito cönnonta’to, ane’cä’cä jäcä ecamma’jo’se’da.

DUUCA 13:17

Mädääje yä’dö’jödö weijäcä tameedä chu’de’tännamo cöneejöichoicho. Soto mmaane cöna’cwainchaicho Jesuuquidiito wwä aashichaato tödöödö eneedö’jo.

2 TEESADOONISENSE 3:14

Anejja wwä ñaa waanontä’jödö tödö’se’da yeiya’jäcä, edä jajeeda aca imennaajä naadö, odhoowadäädäiñe tödöötäcä ñäädä; chääjadä meichäi’che yaawä, töjöiye yeichö wetä töwö.

1 TIIMOTEO 5:14

Yääje yeijäcä ñanno mude’cäjeicha’como iiño wääma’jödö töwäätöiñonoone ätöiñonoojai ñaato, ennecaiyeto, tä’sadööcomo edai’chäiyeto; cutu’dedööcomo cöjääcäiñe cone’da ya’deutojo ’je’da yeichö wetä.

1 TIIMOTEO 6:3

Anejja wwä chäänöngemjönö wätunnä que owaanoma’jäcä, Cädhaajotoncomo Jesuuquidiito a’deddu chäänönge aneecamjö’da yeiya’jäcä mmaja, quedeiyenteje weiñä jäcä woowanoomanä aneecamjö’da yeiya’jäcä mmaja,

TIITO 3:14

Quedeiyentecoomo näämu’ca’ña’to aashichaato tödöödö jäcä, a’ca’como i’wa’tädööcomo jäcä mmaja, tödööneije’da mma ei’ñoto.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

1 PEEDHODO 2:15

Mädääje Wanaadi awei’sheiñe na, aashichaato tödöödö que Wanaadi dhowaanojöncomo meta’jöichajootäiye, aneene’jutu’jöncomo mmaja.

1 PEEDHODO 3:16

Conemjönö ’je’da ätö’tajäätödööcomo nei’ñojo, ñanno mijiichojootäiye, Quidiito jadä chäänönge aweichaameiñe jönaawä adheementännamo.