TIITO 2:5 - Wanaadi A'deddu

⁵ Towaadäädäiñe wodiiñamo mudeeshi eijai ñaato, masuuduije’da mmaja, tä’sacooneiñe mmaja, ta’cwaiñeiñe mmaja, töiñotoncomo a’deucwe mmaja, Wanaadi a’deddu cone’da täcammamje’da yeichö wetä.

TIITO 2:5 ပူးပေါင်းရင်းမြစ်များ

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

DOSECHO 9:39

Yaawä Peedhodo cöntämä chääjadäiñe. Iiña töwä’döa’jäcä ñanno quedeiyente cönaamonno’joicho chääquejöödö döiña. Yäätä cönä’ja’to wodiiñamo, iiño wä’jajo’jödö. Tönwanno cönaamoa’to; cöneenejoojä’a’to tameedä nudä töweichö Doodaca nishoocajäätö’jödö.

DOMAANO 14:16

Yää äwwä aashicha naadö mma conemjönööje aweecataatojooje männöjoi.

DOMAANO 2:24

Mädääje dea Wanaadi a’deddu imennaajä jäcä nä’döa: “Änwanno owoija’comooje Wanaadi jäcä cone’da töwa’deuwe weneeneto judhíojöncomo;” quee imennaajä nä’döa.

1 CODINTIYO 11:3

Odhoowanääcäiñe yei’she wa Quidiito dhanwa ju’jäje yeichö; dhanwa ’quene wodi ju’jäje; Wanaadi ’chene Quidiito ju’jäje.

1 CODINTIYO 14:34

owoodi’choncomo nei’ña’to, äucwätä’da; wecanta’ñotoojo taca a’deujai’cha naato. Töweicho’como ecammaajä woije eijai ñaato, Wanaadi waanontädö imennaajä wä’dödö nönge dea.

EUJEESIYO 5:33

Yaawääne adheecammancädäiñe mmaja mädääje nä’döa dea. Änwanno tö’dha’como, awaadäiñe ajiiñanto’como ijummatääcä, äwä’jummadööcomo wa’cä dea; wodiiñamo mmaja töiñonootoncomo niñontä’ña’to.

CODOOSENSE 3:18

Änwanno töiñoca’como, oiñonootoncomo woije eichäcä, Cajiichaana ecaanö’nei weichö nöngeene.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

1 TIIMOTEO 6:1

Ñanno tädhaajäca’como tädhaajotoncomo ñontäjai ñaato, anejjacoomo soto Wanaadi jäcä cone’da ya’deuwödööcomo queiñe, quedeiyenteje weiñä jäcä mmaja.

TIITO 2:4

wodiiñamo mudeeshi owaanomaiyeto yaawä töiñonootoncomo ijummadö jäcä, tönnacontoncomo ijummadö jäcä mmaja.