TIITO 2:2 - Wanaadi A'deddu

² Ñanno inchoncomo eijai ñaato towaadäädäiñe, nontätä mmaja, chäänönge töneecanö’e mmaja. Chäänönge eijai ñaato dea wä’jummanä jäcä, aashicha shinchädö jäcä mmaja.

TIITO 2:2 ပူးပေါင်းရင်းမြစ်များ

MAADOCO 5:15

Yaawä Jesuuquidiito döiña töwä’döa’comjäcä yäätä odo’sha ’jano’jödö cöneedantoicho shuucu, töwonque mmaja. I’jeta’da cönä’jaacä yaawä. Tönwanno tösaade cönä’ja’to yaawä.

DUUCA 8:35

Soto cöntonto yaawä ene. Jesuuquidiito döiña töwä’döa’comjäcä ñäädä odo’sha ’jano’jödö cöneedantoicho töwonque, shuucu, Jesuuquidiito o’wawä. I’jeta’da cönä’jaacä yaawä. Tönwanno tösaade cönä’ja’to yaawä.

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

1 CODINTIYO 15:34

Odhoowadäädäiñe eichäcä; conemjönö männötäi’che; anejjacoomo adhantawäiñe Wanaadi dhowaanäcäiñe’da na. Ajöichojoodöcoomoje yääje wä’döa.

1 CODINTIYO 9:25

Ñäädä töwootoneejaamö töwäädai’cha töweiye nai, töcoone’majaicho ännö’da. Yää tönnöe weneene canaanadi chuu adö döaajä mmädä cana’cadö wetä, töwaatameemö mma. Cönwanno mmaane cotoonejaato yeichöödoto cäje’jocoomo cana’cadö wetääne.

2 CODINTIYO 5:13

Tö’jeta ñaa weiya’jäcä Wanaadi wwonooje mädääje ñaa na. I’jeta’da ñaa weiya’jäcä mmaane äwwoncomooje mädääje ñaa na.

CAADATA 5:23

soto jäcä jäduuje’da weiñä mmaja, towaadäädä weiñä mmaja. Mädoocomo ännöjoojönö waanontänä ’je’da na.

JIDIIPENSE 4:8

Jimmä, edääje wä’cadööje wä’dö’se wa äwwäiñe: Tameedä sa’donnato jäcä ätö’tajä’täcä, tameedä tujummamjato jäcä mmaja, tameedä chäänöngato jäcä mmaja, tameedä nossajemjönö jäcä mmaja, tameedä aashichaato jäcä mmaja, tameedä töwa’deme’quemjato jäcä mmaja. Aashichaato töweiye yeiya’jäcä, aashicha wa’de’to’mato töweiye yeiya’jäcä mmaja, yää jäcääne ätö’tajä’täcä.

1 TEESADOONISENSE 5:6

Yääje yeijäcä öncö’daane queicho’ñojo, anejjacoomo naatoodöje’daane. Töwäädai’chääne cäädai’chäto’ñojo; cowaadäädäiñe mmaja queicho’ñojoode.

1 TEESADOONISENSE 5:8

Cönwanno mmaane anooto awoncomo; cowaadäädäiñe eijai caato. Cöwwäiñe cöwoowontoto’comooje tödööjai caato ecamjödö, wä’jummanä mmaja, suddau tödo’tadö ewontotoojo tönnöe töweiye naichöje. Cuju’jocoomo ewontotoojo mmaja cöwwäiñe tödööjai caato dea, yää cöwääwanaacato’como tönwomo’que cäänetäänedö, suddau tuju’jä ewontotoojo tönnöe töweiye naichöje mmaja.

1 TIIMOTEO 1:10

masuuduijato wwonooje mmaja, dhanwa acä dhanwa conemjönö tödöönei mmaja, soto ememme’nei mmaja, juutujaato mmaja, soto ementännamo mmaja. Tameedä chäänöngato woowanoomanä juntacaano wwonooje mmaja na dea yää waanontänä.

1 TIIMOTEO 1:14

Mädääje Cädhaajotoncomo joojato aashichaato cönnöi jääcä; ecamjödö mmaja öwwä cuntui chea, wä’jummanä mmaja, yää Jesuuquidiito jadä cöweichomjäcä cöwwäiñe yä’tuaajä naadö.

1 TIIMOTEO 1:2

Äwwadäädä wimenna, amäädä Tiimoteo, önnedö neene, ecamjödö jäcäinchädä. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TIIMOTEO 1:5

Amäädä owaanomaajai maato wä’jummanä jäcä; yää wä’jummanä ne’a äwaanö choonecaajä jonno, tö’tajä’nä aashichaato jonno mmaja, ecamjödö weishi’jonä quemjönö jonno mmaja.

1 TIIMOTEO 3:11

Wodiiñamo mmaja tacu’shänäiche eijai ñaato dea, wätunnä dha’me’da mmaja, wataasheje’da’da mmaja; tameedä töweichöcoomo jäcä chäänönge eijai ñaato.

1 TIIMOTEO 3:2

Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

1 TIIMOTEO 3:4

Aashicha töjaadoncomo anontäjai ñaato. Töwö tönnacoomo iiñejencajai ñaato ta’deucwe, tanoonöje mmaja.

1 TIIMOTEO 3:8

Mädääje mmaja diyaacono eijai ñaato dea, tacu’shänäicheene; wanna dha’dedducoomo eijai’cha na. Wä’dau’nä yaacö’comje’da eijai ña; ane’cä’cä cana’cadö jäcä äätätäädä’da eijai ñaato dea.

1 TIIMOTEO 5:1

Täuwe mma maneuwöicho’de inchoncomo; töwäätuuja mmaane yäätuujacooto, tumö yäätuujadö töweiye naichöje. Ñanno ääjömannamo adhaacontomo nönge tödööcoto.

TIITO 1:13

Chäänönge yääje yä’dö’jödö na; yääje yeijäcä tumjunne’da yäätuujacooto’de, chäänönge töneecamjödööcomo tödöiyeto.

TIITO 1:8

Tödöiña yä’döa’como ewanshinchäneichomooje töwö eijai ña. Aashichaato tödööneije eijai ña dea, towaadoodoto mmaja, chäänöngato mmaja, Wanaadi woijato mmaja, acu’shämjato mmaja.

TIITO 2:7

Amäädä mmaja aashicha eichä’de, aweichö eneiyeto, anönge mmaja yeichöcoomo wetä yaawä. Acu’shämje owaanomaacoto, wätäncu’tänä que’da,

JIIDEMÓN 1:9

yaawääne’ wä’jummanä jäcäinchädä täcamma’jo mmaane maneecamma’ja, öwö Paudo, inchomo’cä, Jesuuquidiito jäcäinchädä jedeesojaato.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

2 PEEDHODO 1:6

towaanojo’ne weiñä jadä ’quene, wäädai’chänä; wäädai’chänä jadä ’quene, yäätäädä tö’tajä’nä; yääje weiñä jadä ’quene Wanaadi woije weiñä;