TIITO 2:14 - Wanaadi A'deddu

¹⁴ Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

TIITO 2:14 ပူးပေါင်းရင်းမြစ်များ

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

EUJEESIYO 2:10

Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 1:18

Änwanno odhoowanääcäiñe Wanaadi wwä täwaanaca aweichöcoomo töwäädämmato weiñä aca aweichöcoomo jonno, yää oomotoncomo’jödö odhoowanoomatäänedö. Yää adheewanaacato’como cönääjemai töwaatameemö que’da, oodo, jödaata nöngato que’da.

TIITO 3:8

Chäänöngato mädä; yääje yeijäcä jäduuje töneecammajä’e awei’she wa mädä jäcä, ñanno Wanaadi ecaanö’nnamo aashichaato tödönnamooje yeichöcoomo wetä. Yääje weiñä aashicha na, tujunne mmaja, tameedä soto wwäiñe.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.

CAADATA 3:13

Yää jenaado’jä waanontänä tödööjai’cha cöweijäcäiñe töwännanö’aamoje cä’ja’quene. Yääje cöweichöcoomo jonno Quidiito cäwaanacaatäne. Töwö dea töwännanö’emö nönge cönä’döjoi cöjääcäinchädäiñe. Edääje Wanaadi a’deddu imennaajä nä’döa: “Ñäädä cuduusa jäcä ajoijaajä, töwännanö’emö ecammaajä ñäädä;” quee.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

1 JUAN 3:2

Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

CAADATA 1:4

Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

EEWEDEO 10:24

Cöwe’wa’tädööcomo quencano’tätäiye, cöwwäädäiñe cöwä’jummajoodöcoomo mmaja, cöwwäädäiñe aashichaato tödööjodö mmaja.

TIITO 2:7

Amäädä mmaja aashicha eichä’de, aweichö eneiyeto, anönge mmaja yeichöcoomo wetä yaawä. Acu’shämje owaanomaacoto, wätäncu’tänä que’da,

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

SANTIYAACO 4:8

Wanaadi wwadäädä ä’täcä, äwwadäädäiñe eejöiyede töwö. Änwatöötäcä änwanno conemjönö dönnamo. Ätö’tajäätödööcomo sha’duminchatääcä, änwanno aaco’como tö’tajäätödö, Wanaadi jadä edä nono de’wono ijumma’sa’como.

1 TIIMOTEO 2:10

Aashichaato tödöödö queene ennataamajai ñaato, Wanaadi wwä yä’tua’como töweiye naichodööjeene.

1 TIIMOTEO 2:6

Töwö Jesuuquidiito cönä’tui töwäämadö wetä, tameedä soto wääwanaacato’como ejeemadö wetä. Yää cönäätäcammai ecammatoojo cu’nädö awä.

1 TIIMOTEO 1:15

Chäänöngato edä wecammaadö, täcaanö’emje mmaja: Jesuuquidiito cöneejä edä nono de’cäi conemjöncomo ewaanacaiñe, öwö waadö, tameedä cho’jodha’como’cä jaiñoone.

DOSECHO 15:14

Simón Peedhodo cöwwäiñe necammajäätöi awa’deene judhíojöncomo wentumje ene’jödö Wanaadi wwä, tösootoije töweiyaamoje ei’jocoomo mmaja chäwwä.

DOSECHO 15:9

Äänönge mma Wanaadi cujummaato, cönwanno mmaja, judhíojöncomo mmaja, chääwanööcomo mmaja cöncoccaichö naane’, ecamjödö weijäcä chäwwäiñe.

JUAN 6:51

Öwö ñäädä uu neene, caju ñano we’ajä. Ñäädä edä täu’nei yeichöje töweiye na’de. Öwö yeejö wu’a’de tameedä soto weicho’comooje; quee cönä’döaacä Jesuuquidiito chäwwäiñe.

MATEO 3:12

Töwö na äiña ji’jämjödö töja’nei eijai naichöje mmaja, sheemeecatoojo dha’me. Jödoodo sheemeecadö’jo äiña nishooma yaawä shoomatoojo taca; iji’jämjödö mmaane niyau’cwa wa’to töwäätunque’emjönö que; que cönä’döaacä Juan Wautiita.

MATEO 1:21

Iiñedö nennua’de, dhanwa’cä, Jesuuquidiitoje e’täcä’de. Töwö mädääje nätä’täja’de choone’nadiiyöcoomo jonno tösootoi ewaanacaaneichomooje töweiyemööje töweijäcä; quee cönä’döaacä amoode.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

EUJEESIYO 1:11

Quidiito jadä cöweichomjäcä jenaadä töwö Wanaadi cä’tätääne yää cöwwäiñe tuntudu eiñamooje. Tameedä mädä na Wanaadi nijummadö woije; töwö tameedä tönnöe weneene töntö’tammecöödö woije.

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 1:9

Yaawääne’ Wanaadi wwä conemjönö cönnö’jocoomo ecamma’jäcä cöwwäiñe, täcaanö’emje töwö na chäänönge tödööjai yeichö. Töwö conemjönö cönnö’jocoomo nencwannä’ja yaawä; tameedä cöcoone’nadiiyöcoomo nichocca dea.