TIITO 2:12 - Wanaadi A'deddu

¹² Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

TIITO 2:12 ပူးပေါင်းရင်းမြစ်များ

MATEO 12:32

Ñäädä Soto nnedö jäcä conemjönö wa’deuwödö, choone’nadiiyö ätäncwanno’jojai ña. Epíiditu Santo jäcä conemjönö wa’deuwödö mmaane, choone’nadiiyö ätäncwanno’jo’da na’de, eduuwa weiñä naadawä, weiñä na’dedö awä mmaja.

MATEO 16:24

Yaawä Jesuuquidiito cönä’döaacä tönoowanoomadö wwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na öwö jääcäinchädä töwäntunamjödö, cuduusa jäcä tajoijodö jadä’jödöödä. Öwö umjummadö woije eijai ña.

MATEO 28:20

Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

DUUCA 1:6

A’nädä töweiye cönä’ja’to chäänöngeiñe Wanaadi owaadäädä. Tönnöe töweiye cönä’ja’to tameedä Cajiichaana waanontädö, tameedä iiñöjoodö mmaja. Yääje yeijäcä tämentämje’da tönwanno cönä’ja’to.

DUUCA 1:75

aashicha dhowaadäädä cöweichöcoomo wetä, chäänönge cöweichöcoomo wetä mmaja, cöweichöcoomoodäje.

JUAN 14:30

“Mädä jonno jooje a’deuwö’da wa’de äwwäiñe, edä nono de’wono waanontädö weejödö weijäcä, ñäädä odo’sha; töwö ye’jodheinchajai’cha na.

JUAN 6:25

Yääje mma yaawä mänsemjona töwä’döa’comjäcä Jesuuquidiito cöneedantoicho. Tönwanno cöneecamma’joicho: —Owaanomaanei, ¿ächännauwä’cä me’ne dea sadä? quee cönä’döa’to.

DOSECHO 24:16

Yääje yeijäcä yoowadäädä töweiye wäänene conemjönö tödöödö queiñe Wanaadi jäcä, soto jäcä jeiñe mma.

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 6:12

Yääje yeijäcä conemjönö tödöödö anoonöje’daane eichäcä, ajuunucoomo nijummadö mma männöto’no yaawä.

DOMAANO 6:19

Yö’seeno joi mädääje ya’deuwa, anejjejaato ai etaajai’cha aweijäcäiñe. Jenaadä chäänöngemjönö tödöödö wetä conemjönö wwä töwä’tue mä’ja’quene; mädääje mmaja eduuwa chäänönge weiñä wwä ä’tujai maato, aashichaato tödöödö wetä daja. Mädääje Wanaadi woije jeene eijai maato.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

CAADATA 1:4

Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

CODOOSENSE 1:22

Quidiito wäämadö que, yaawä sotooje cönä’ja’dawä cönäämaichö. Töwö Wanaadi mädääje ayöödötääne töwwonooje aweichöcoomo wetä, tösoomaiñe, conemjönö ’je’da mmaja, täcammajä’aamoje’da mmaja.

1 TEESADOONISENSE 4:7

Wanaadi ca’dejjatääne aashicha tödönnamooje, conemjönö tödönnamooje’daane.

1 TEESADOONISENSE 4:9

Töweichacoono ijummadö jäcä mmaane äwwadäädäiñe tömennämje’da na; Wanaadi chea odhoowanoomatäiñe weneene äwä’jummadööcomo jäcä.

1 TIIMOTEO 4:12

Anejja wwä mä’quimmajoi’che mude’cäje aweijäcä; quedeiyente neneedöcoomoje chäänönge eichä awa’deuwödö jäcä, aweichö jäcä mmaja, wä’jummanä jäcä mmaja, ätö’tajäätödö jäcä mmaja, ecamjödö jäcä mmaja, aashichaato tödöödö jäcä mmaja.

1 TIIMOTEO 6:17

Yäätuujacooto edä nono de’woncomo tönsomaaca’como, o’jodhe chö’tajäätö’da yeichöcoomo wetä, mösooma jäcä jooje chö’tajäätödööcomo queiñe mmaja, töwaatameemö mma yeijäcä yää mösooma. Wanaadi jäcääne chö’tajä’jai ñaato, ñäädä nudooto, aashicha cöweicho’comooje ewontancädä’da cöwwäiñe tameedä u’nei.

1 TIIMOTEO 6:9

Ñanno tönsomaaque töwei’sha’como mmaane nä’yunaacajaato, nataajäijaato dea chäänöngemjönö ijummadö que; yää chäänöngemjönö woije wecoone’manä aca nätäämajaato yaawä. Yääje weiñä soto töncone’ma töweiye nai, tönennanö’ca mmaja.

2 TIIMOTEO 3:12

Tameedä Jesuuquidiito woije töwei’sha’como nätä’maminchajaato’de.

2 TIIMOTEO 4:10

Deema ye’nomjane, edä nono de’wono tumjumma töweijäcä; cöntämä Teesadoonica ña. Quedeesente mmaane cöntämä Cadaasiya ña; Tiito ’quene Daadamaasiya ña daja.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

EEWEDEO 8:11

Öwö jääcä töjimmotoncomo owaanomaadö tujunne’da na’de yaawä, töjaatawoncomo owaanomaadö mmaja. “Cajiichaana Wanaadi odhoowanääcä tödööcä,” quee ca’da naato’de töjimmotoncomo wwä. Tameedä soto owaanäcäiñe wa’de yaawä, täneejuquemjönö mmaja, täneejucaato mmaja.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

2 PEEDHODO 3:11

Tameedä edä naadö töwaatameemöje mma na. Yääje yeijäcä aashichaane eichäcä, Wanaadi woijeene.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.

1 JUAN 2:6

Ñäädä Wanaadi jadoonojaato wätä’tädö Jesuuquidiito wei’jödö nönge mmaja eijai ña dea.

1 JUAN 5:19

Cönwanno cowaanäcäiñe na Wanaadi sotoije cöweichöcoomo. Cowaanäcäiñe na dea odo’sha tameedä edä nono de’woncomo edhaajotoncomooje yeichö.

JUUDHA 1:18

Edääje ñanno cönä’döa’to: “Anooto ataamejai yä’döa’jäcä anejjacoomo naato’de Wanaadi enno’jä’nnamooje. Conemjönö tumjummadööcomo woije mma naato’de;” quee cönä’döa’to Jesuuquidiito nanontädö ñanno chäänöngemjöncomo jäcä.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.