TIITO 2:11 - Wanaadi A'deddu

¹¹ Töwö Wanaadi cöjääcäiñe aashicha töweichö cöneenejoi tameedä soto wääwanaacato’como tödöödö que töwwä.

TIITO 2:11 ပူးပေါင်းရင်းမြစ်များ

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

MAADOCO 16:15

Töwö cönä’döaacä chäwwäiñe: —Ojoncomo’de tameedä nono weichö wa’cä. Aashichaato wätunnä ecammajä’täcä’de tameedä soto wwäiñe.

DUUCA 24:47

Jeduusadén ñano jonnoto’jödöödä töwö chäätö joi tameedä soto wwäine ätääcammajai ña tötö’tajäätödööcomo sha’duminchatoojo, töcoone’nadiiyöcoomo encwanno’jotoojoje.

DUUCA 3:6

Yaawä tameedä soto neneeaato’de Wanaadi woijato wääwanaacatoojo;” quee dha’deddu nääta’de; quee cömmennäi Isaía.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:9

Ñäädä weiyu neene, tameedä soto yeijoneichomo, edä nono de’wä wä’dönääje cönä’jaacä.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 13:43

Yaawä we’jummatoojo tacanno tameedä soto weja’ca’comjäcä jooje judhío cöntonto Paudo, Waanawé jadäiñe, jooje mmaja judhíoje yääwaaca’como cöntonto dea; ñanno cönä’ja’to chäänönge judhío wätunnäichomo tödönnamo. Yaawä Paudo ñanno cönwätuujaicho ejääduqueejö’da töweiyancädäiñe aashicha Wanaadi weichö ecamjödö wetä chäwwäiñe.

DOSECHO 13:47

Mädääje dea Cajiichaana Jesuuquidiito ñaa anontäne. Töwö cönä’döaacä ñaa wwä: Öwö mane’täne judhíojöncomo weijoneichomooje, wääwanaacatoojo jäcä ecammajä’neije aweichö wetä tameedä yeichö wa’cä edä nonoodö de’wä; quee cönä’döaacä Cajiichaana ñaa wwä; quee cönä’döa’to Paudo, Waanawé mmaja.

DOSECHO 17:30

Jenaadä töshinchääne Wanaadi tönshinchä cönä’jaacä towaanojo’ne’da soto weichöcoomo. Eduuwa mmaane töwö nanonta tameedä soto weichöcoomo wa’cä tötö’tajäätödööcomo sha’duminchadö jäcä.

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOMAANO 10:18

¿Aashichaato wätunnä ecammajäätödö aneeta’da ca iisadaaediitacoomo naicho, yääje yeiya’jäcä? Ng’jn, aneeta’da’da. Edääje Wanaadi a’deddu imennaajä nä’döa: Ñeecammajäätödööcomo töwäämecantä na tameedä nono weichö wa’cä; dha’dedducoomo mmaja töwääta na tameedä nono juntaichomo weichö wa’cä; quee imennaajä nä’döa.

DOMAANO 5:15

Wanaadi nutuudu aashichaato na Adhán cönnöichö nönge’da. Ñäädä Adhán cone’nadiiyö cönoowonö’jacai jooja’como soto wä’ja’to’comooje, tooni mma töwö yei’jödö weichaame. Jesuuquidiito nödö’jödö mmaane Wanaadi cönnöi jooja’como soto aashicha yeicho’comooje daja, tooni töwö Jesuuquidiito weichaame mmaja. Yää wääwanaacatoojo Wanaadi cuntui cöwwäiñe ejeemajancädä’da.

DOMAANO 5:2

Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

CAADATA 2:21

Aashicha Wanaadi weichö töwäädämmatooje tödö’se’da wa. Jenaado’jä waanontänä tödöödö que wääwanaacanä yeiya’jäcä töwäädämma Quidiito wääma’jödö eichö.

EUJEESIYO 2:5

cöweichöcoomo cuntui Quidiito jadä, cöcoone’nadiiyöcoomo awä töwääma cöwei’jocoomo weichaame. Aashicha Wanaadi weichö woije töwääwanaaca maato.

EUJEESIYO 2:8

Aashicha Wanaadi weichö woijeene töwääwanaaca maato, ecamjödö que, änwanno aashicha aweichöcoomo jäcäinchädä’da, Wanaadi nutuudu woijeene.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

1 TIIMOTEO 1:14

Mädääje Cädhaajotoncomo joojato aashichaato cönnöi jääcä; ecamjödö mmaja öwwä cuntui chea, wä’jummanä mmaja, yää Jesuuquidiito jadä cöweichomjäcä cöwwäiñe yä’tuaajä naadö.

1 TIIMOTEO 2:4

Töwö Wanaadi tameedä soto yääwanaaca’seiñe na, tameedä chäänöngato wätunnä dhowaanäcäiñe yei’she na dea.

2 TIIMOTEO 1:10

Eduuwaane töwö cujummatäiñe töweichö cöneenejoi Cäwaanacaaneichomo Jesuuquidiito wäänejoodö que. Töwö Jesuuquidiito wäämanä cömjäduucai; aashichaato wätunnä ecammajäätödö que töwö cöncatu’nacaajoi töwä’camjönö weiñä, yää yeichöödoto.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;

EEWEDEO 12:15

Äädai’chätääcä, anejja mma adhantawaiñe Wanaadi nutuudu aneejodö’da ei’ño; conemjönö mma adhantawäiñe mmaja eja’ca’no tameedä ocoone’maneichomooje, adheeme’täneichomooje mmaja, imiichö conemjönö wa’taajä töjimmä töncone’ma töweiye naichöje.

EEWEDEO 2:9

Jesuuquidiito o’jodhe yeichö mmaane queeneaato, ñäädä a’dhe amoode o’näiñe cönä’ja’nei. Töwö Jesuuquidiito cönäämai tameedä cöjääcäinchädäiñe, aashicha Wanaadi weichö woije. Eduuwa töwö na o’jodhaatoje, aashicha wa’deutojooje mmaja, töwäntunamjö’jödö weijäcä töwäämadaawä.