TIITO 1:4 - Wanaadi A'deddu

⁴ Äwwadäädä wimenna, amäädä Tiito. Önnedö chäänöngato amäädä, cöneecamjödööcomo jäcäinchädä. Aashichaato äwwä yei’she wa Cumöötoncomo Wanaadi nutuudu, Cajiichaana Jesuuquidiito nutuudu mmaja, ñäädä Cäwaanacaaneichomo; wentumje mmaja adheene’se wa chäwwäiñe; täncanoode’da aweichojo äwwä yei’she wa dea.

TIITO 1:4 ပူးပေါင်းရင်းမြစ်များ

DUUCA 2:11

Eduuwa Adheewanaacaneichomo nennui, Dawí jataacäi’jödö, ñäädä Quidiito, Cajiichaana.

JUAN 4:42

Tönwanno cönä’döa’to ñäädä wodi wwä: —Ñaa necaanö’a eduuwa amäädä aneecamma’jödö jäcäinchädä mma’da; ñaa daja ñaa cöneetai chea dha’deddu. Ñaa owaanäcä na Äwaanacaanei chäänöngatooje yeichö, tameedä soto Ewaanacaaneichomooje yeichö; quee cönä’döa’to.

DOMAANO 1:12

Yaawä äämetaacai quejäädu’taato’de yää dea cöneecamjödööcomo que.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

2 CODINTIYO 12:18

Tiito wanontäne adöiñaiñe; chääjadä anejjacoomo quedeiyente wanontäneeto dea. ¿Tiito ca adhencu’tätääne? Ng’jn. Äänönge ñaa tö’tajäätödö cönä’jaacä, äänönge mmaja ñaa wei’jödö.

2 CODINTIYO 2:13

yaawääne’ täncanoode’da chö’tajä’jai’cha wä’jaaquene, yäätä weichacoono Tiito aneejodö’da wei’jödö weijäcä. Yääje yeijäcä wääcammane yaawä ñanno Todoowa ñancomo wwä; Maasedooniya ña wötääne yaawä.

2 CODINTIYO 4:13

Wanaadi a’deddu imennaajä nä’döa: “Öwö wecaanö’ne, yääje yeijäcä ya’deune;” quee. Ñaa mmaja ñaa necaanö’a dea; yääje yeijäcä ñaa na’deuwa dea.

2 CODINTIYO 7:6

Yääje yeichaame Wanaadi ñaa jädu’täne ñaa döiña Tiito enno’jadö que. Wanaadi ñäädä yä’yunaacajaajä jädu’tänei.

2 CODINTIYO 8:16

Wanaadi cuntui Tiito wwä ajummato’como, öwö mämjummaatoodö wa’cä dea. Yääje yeijäcä Wanaadi jäcä ta’cwaiñe wäänene.

2 CODINTIYO 8:23

Anejjacoomo wwä adheecamma’ja’comjäcä, öwö weichacoonoje Tiito weichö ecammatääcä’de, äjääcäiñe weetadaawa’cajoodö jäcä ö’wa’täneije. Tiito jadä nötaatoodö jäcä adheecamma’ja’comjäcä jeiñe mma, quedeiyentecoomo nanontädööje yeichöcoomo ecammatääcä’de. Tönwanno aashicha Quidiito weichö neneejaato.

2 CODINTIYO 8:6

Yääje yeijäcä ñaa cöna’deuwöi Tiito wwä töwwä acoichajoodö wetä ajaadäiñe töweichö aashichaato tönaajäntä’jödö, yää jödaata i’jummadö.

CAADATA 2:3

Ñäädä Tiito, jaadä cönä’ja’nei, siicunsidaadoje ännöjo’da cöneiya’to, judhíoje’da yeichaame töwö.

CAADATA 3:26

Ecamjödö jäcäinchädä tameedä änwanno Wanaadi nnacoomoje maato, Jesuuquidiito jadä äwä’dödööcomo que.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

EUJEESIYO 1:2

Aashichaato, täncanoode’da aweicho’como mmaja, äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

CODOOSENSE 1:2

edä ñaa nimenna äwwadäädäiñe, änwanno Codoosa ñancomo, Wanaadi sotoi, Jesuuquidiito ecaanö’nnamo. Aashichaato, täncanoode’da aweicho’como mmaja, äwwäiñe yei’she wa Cumöötoncomo Wanaadi nutuudu.

1 TIIMOTEO 1:12

Aashicha ya’deuwa Cädhaajotoncomo Jesuuquidiito wwä, ñäädä ecammajä’neije weichö wetä jäädu’tänei. Chäänönge tö’ta’jäcä chäwwä tänoonöje yeewaacane yaawä.

2 TIIMOTEO 1:1

Öwö Paudo, Wanaadi woije Jesuuquidiito nanontädö, yeichöödoto weiñä ecammaajä ecaademeecödö wetä öwwä, yää Jesuuquidiito jadä wä’dönä que naadö.

2 TIIMOTEO 1:2

Äwwadäädä wimenna amäädä Tiimoteo, önnedö umjummadö. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

2 TIIMOTEO 4:10

Deema ye’nomjane, edä nono de’wono tumjumma töweijäcä; cöntämä Teesadoonica ña. Quedeesente mmaane cöntämä Cadaasiya ña; Tiito ’quene Daadamaasiya ña daja.

TIITO 1:3

Eduuwa chäänönge yä’döa’jäcä töwö ta’deddu cöwwäiñe cöneecadeeme’joi. Yää jäcä ecammajä’neije dea Cäwaanacaaneichomo Wanaadi yaanontäne.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

2 PEEDHODO 1:11

Yaawä adheemu’däneichomo ’je’da Wanaadi aweichöcoomoje ayöödöaato’de Cädhaajotoncomo sotoije, ñäädä Cäwaanacaaneichomo Jesuuquidiito.

2 PEEDHODO 2:20

Tönwanno edä nono de’wono conemjönö jonno cönä’sancwaicho Cajiichaana Jesuuquidiito towaanäcäiñe tödöödö que, ñäädä Cäwaanacaaneichomo. Yää ’jeje yää aca mmaja töwaatashiichuudäja’comjäcä, chäwwä töwooto’jodheinchaja’comjäcä mmaja, cone’da’cä jeene yeicho’como na yaawä, jenaadä yei’jocoomo o’nä’cä jeene.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

2 PEEDHODO 3:2

Ätö’tajä’täcä ñanno Wanaadi wa’deuwödö ecammannamo aashicha’como necammajäätö’jocoomo jäcä, Cajiichaana waanontädö jäcä mmaja, ñäädä Cäwaanacaaneichomo. Ñanno anonta’como odhoowanoomatääne yää Cajiichaana waanontädö jäcä.

1 JUAN 5:14

Cönwanno queecanö’ato chäänönge Wanaadi weichö. Töwö yoije ane’cä’cä chäwwä e’ca’a’jäcä cöwwäiñe, töwö töneeta yaawä.

JUUDHA 1:3

Jimmä umjummadö, cöwääwanaacadööcomo jäcä äwwadäädäiñe imennä’se wä’jaaquennö’je, yaawääne’ tujunne’cä jeene öwwä cöntö’taacä äwäätuujadööcomooje imennädö. Edääje äwäätuuja’seiñe wa: Töweewänä’tääne adheewänä’tätääcä aashichaato wätunnä jäcäinchädä, yää Wanaadi sotoi wwäiñe tooniye yeichöödäje cönä’tuichö.