TIITO 1:3 - Wanaadi A'deddu

³ Eduuwa chäänönge yä’döa’jäcä töwö ta’deddu cöwwäiñe cöneecadeeme’joi. Yää jäcä ecammajä’neije dea Cäwaanacaaneichomo Wanaadi yaanontäne.

TIITO 1:3 ပူးပေါင်းရင်းမြစ်များ

MAADOCO 1:15

Töwö töwä’döe cönä’jaacä: —Chu’nädö aca nä’döi eduuwa. Amoinche’da nä’döi eduuwa Wanaadi acaajichaanaichomooje yä’dötoojo. Ätö’tajäätödööcomo sha’duminchatääcä; ecaanö’täcä aashichaato wätunnä; quee töwä’döe cönä’jaacä.

MAADOCO 13:10

Wataamenä owaajodä aashichaato wätunnä nätääcammajä’a’de tameedä sotoocomo wwäiñe.

MAADOCO 16:15

Töwö cönä’döaacä chäwwäiñe: —Ojoncomo’de tameedä nono weichö wa’cä. Aashichaato wätunnä ecammajä’täcä’de tameedä soto wwäiñe.

DUUCA 1:47

yeewanö jäcä ta’cwaiñe wa Wanaadi jäcä, ñäädä Yeewanaacanei,

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 17:26

“Töwö Wanaadi cönnöi tameedä soto yää dea dhaquiiyöje, tameedä nono weichö wa’cä yeichöcoomo wetä. Töwö cuncu’nä’täi yeicho’como, ijaatadööcomo weichojo mmaja.

DOMAANO 15:19

ene’ju’tojo tödöödö que mmaja, täneemö tödöödö que mmaja; Epíiditu Santo jäduudu que yää wödööne. Mädääje wä’cane Quidiito wätunnäi ecammajäätödö, yää aashichaato wätunnä. Yää wecammajä’ne Jeduusadén ña, tameedä yeichö wa’cä mmaja, Idíidico ña tödööene.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

DOMAANO 16:26

Eduuwaane ñäädä Wanaadi yeichöödoto yää wätunnä cöneecadeeme’joi töwa’deuwödö ecammajä’nnamo nimenno’jocoomo ai. Yää cöneecadeeme’joi tameedä soto weichöcoomo wa’cä, tameedä ecamjöiyeto, Wanaadi woije eiyetoode yaawä.

DOMAANO 5:6

Cönwanno cöwwäädäiñe dea ääwanaacajai’cha cöweichöcoomo Quidiito tucu’nädö awä cönäämai cöjääcäinchädäiñe, cönwanno conemjöncomo jäcäinchädä.

1 CODINTIYO 9:17

Yääje yeijäcä tödö’se weichö que öwwä ecammajä’a’jäcä yeeje’jödö eneejai wa yaawä. Yaawääne’ öwö woije’daane mädääje wa, Wanaadi nödööjodö woijeene.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

EUJEESIYO 1:10

Edääje na yää inchö’tammecöödö: Chu’nä’taajä aca yä’döa’jäcä töwö Wanaadi tameedä nejoodöjaato’de, caju ña naatoodö, nono de’wä naatoodö mmaja, Quidiito iju’jocoomoje.

EUJEESIYO 2:17

Töwö Quidiito cöneejä aashichaato wätunnä ecammajä’neije, yää äätu’dedööje’da weiñä jäcä ecammajäätödö. Töwö yää cöneecammajäätöi äwwäiñe, änwanno amoincha’como’jödö; judhío wwäiñe mmaja cöneecammajäätöi chea, ñanno amoinchemjöncomo.

JIDIIPENSE 1:13

Tacaade na eduuwa tameedä waadiya wwäiñe ñanno acu’shänä mmai chawoncomo, anejjacoomo eetoncomo wwä mmaja, Quidiito ecamjödö jäcäinchädä jedeesoje weichö.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

1 TEESADOONISENSE 2:4

Wanaadi chea chäänönge ñaa edantäne, ñaa anontäne yaawä aashichaato wätunnä ecammajä’e. Yääje yeijäcä mädääje töneecammajä’e ñaa weneene. Sotoojönööne a’cwaima’se ñaa na, Wanaadiiñe, näädä cötö’tajäätödööcomo emmencanei.

1 TIIMOTEO 1:1

Öwö Paudo, Jesuuquidiito nanontädö, Cäwaanacaaneichomo Wanaadi nanontä’jödö woije, Cajiichaana Jesuuquidiito woije mmaja, ñäädä cönwomoocödööcomooje naadö.

1 TIIMOTEO 1:11

Yää chäänöngato woowanoomanä na Wanaadi aashichaato wätunnäi woije, yää täcammajä’emööje öwwä tu’e naadö.

1 TIIMOTEO 2:3

Mädääje weiñä aashicha na, Cäwaanacaaneichomo Wanaadi wacö’je mmaja.

1 TIIMOTEO 4:10

Mädä jäcäinchädä dea töweetadaawa’cajo cäänetääne, töwäätana’tojo cäänetääne dea, Wanaadi nudooto ecamjödö weijäcä cöwwäiñe, ñäädä tameedä soto Ewaanacaaneichomo, töwaacö’je ñanno täcaanö’nnamo.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;

TIITO 2:10

Tämeene’daane nei’ña’to. Chäänönge tödööjai ñaato tameedä tötaadawaajuichomo, tameedä soto eneiyeto yaawä Cäwaanacaaneichomo Wanaadi a’deddu aashicha yeichö.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

APOOCADIISI 14:16

Yaawä ñäädä ca’dutu de’wä shuucu cönä’ja’dö nono de’wono cönaacätäi töcöömöiche. Yää nono de’wono cönaatacäätäi yaawä.