TIITO 1:11 - Wanaadi A'deddu

¹¹ Töjo’que’nojomje naato ñanno. Tönwanno jooje soto nishaadijannä’caato, yä’jimmä’tädööcomo jadä’jödöödä, täcammajä’emjönö que owaanomancädäiñe, jödaata chaana’cadö wetä töwäätäncu’tädööcomo que.

TIITO 1:11 ပူးပေါင်းရင်းမြစ်များ

2 TIIMOTEO 3:6

Ñanno yääja’como soto e’sacaiñe töwoomonge weneeneto wodiiñamo ta’seuda’como encu’tädööcomo wetä. Ñanno wodiiñamo jooja’como choone’nadiiyö; tönwanno tösaadijange naato änneene’jödöödä conemjönö ijummadö que.

1 TIIMOTEO 6:5

wätäccujä’nä töwä’camjönö mmaja. Tameedä mädä noojodööa chö’tajäätödö wecoone’ma’como jäcäiñe, ñanno chäänöngato ’jemjöncomo. Tönwanno necaanö’aato quedeiyenteje weiñä ane’cä’cä cana’catoojoje yeiyaatäi. Yääja’como shancwacooto.

DOMAANO 3:19

Cönwanno cowaanäcäiñe na tameedä waanontänä imennaajä wä’dödö naadö waanontänä imennaajä woija’como wwonooje yeichö, ya’deuto’como ’je’da yeichö wetä. Yääje yeijäcä tameedä edä nono de’woncomo Wanaadi wwä tämmencaamoje naato.

TIITO 3:10

Ñäädä änwannoje dea ätu’de’täjonnamo yäätuujacä, aacäde jeiñe mma. Aneeta’da yeiya’jäcä u’cacä’de ajaadäiñe yeichö jonno,

TIITO 1:9

Ansiyaano chäänönge ajäijai ña Wanaadi a’deddu chäänöngato, towaanoma’jödö nönge dea, ämu’de’da soto owaanomaadöcoomo wetä yaawä töwwä, chäänöngato woowanoomanä que, quedeiyenteje weiñä chimmajä’nnamo chaana’cadööcomo wetä mmaja.

TIITO 1:7

Conemjönö chääcadööjönö ansiyaano eijai ña, Wanaadi tadaawaajui tödööneije yeijäcä. O’jodhe chö’tajä’jai’cha na töwö, äätömaacoije eijai’cha mmaja. Ä’dacu’da eijai ña töwö, ataiju’jätö’da mmaja. Soto ennanö’cadö que jödaata chaana’cadö ijummajai’cha na töwö.

2 CODINTIYO 11:10

Quidiito a’deddu chäänöngato öwwä naadö wa’cä mmaja chäänönge yääje wä’döa, mädä chääjäcä wä’wa’deme’caadö ijo’quejö’da na’de tameedä Acaaya weichö wa’cäädä.

DUUCA 20:40

Yää ncäcäädä tönwanno Jesuuquidiito tönoiñe töneene cönä’ja’to, ane’cä’cä ecamma’jo’se’da.

JUAN 10:12

Ñäädä täjeemadö jäcäinchädä mma oweeja edai’chänei mmaane to’nomja mma oweeja ne’nomjaato mado weejödö edanta’jäcä; näänejeea yaawä, oweeja edai’chänei ñeeneje’da töweijäcä, töwwonooje’da yeichomjäcä mmaja ñanno oweeja. Yaawä ñäädä mado oweeja neecajä’aato, nemeecantajaato dea.

MATEO 23:13

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi sotoije ä’döjai’chomo’jödö töncone’ma määnetääne. Änwanno dea Wanaadi sotoije ei’cha maato, shootoije töwei’sha’como wwä ännöjo’da mmaja.

1 TIIMOTEO 5:4

Anejja iiño wääma’jödö iiñedö töweiye yeiya’jäcä, ijaadö jeiñe mma, ñannoone noowanooma’ña’to chäänönge töwä’jimmä’tädö tödöödö; tönnejenca’jocoomo nemeetacaama’ña’to tönnejencannamo’jödö jäcäiñe, yää Wanaadi wacö’je yeijäcä.

1 TIIMOTEO 5:13

Töquiiñuta mmaja chiiñutaajai ñaato dea yaawä, ä’sa waadäi töwäämannäjöödöcoomo que; töquiiñe mma’da, wa’deuto’jönö jäcä töwa’deuwe mmaja.

2 TIIMOTEO 2:18

Tönwanno tösaadijange naato chäänöngato jonno; töwäämaajo jonno waadoncanä töweeja’dä’e yeiyaatäi necaanö’aato. Mädääje töwa’deuwödööcomo que anejjacoomo necamjödö nichoone’maato.