SANTIYAACO 5:3 - Wanaadi A'deddu

³ Ajöödataichomo, oodo ännödööcomo mmaja, töwe’cutaajä’e na. Yää ye’cutaajätö’jödö cone’da aweichöcoomo nene’ju’ja’de. Ajuunucoomo niyau’cwa’dede wa’to niyau’cwadö wa’cä. Änwanno onsomaadöcoomo mi’jummatääne anooto wataamedaawotooje.

SANTIYAACO 5:3 ပူးပေါင်းရင်းမြစ်များ

DOSECHO 2:17

Wanaadi yääje nä’döa: Anooto ataamejai yä’döa’jäcä Epíiditu Santo wu’a’de tameedä soto wwäiñe; iiñacoomo untudu woije necammajä’aato’de, dhanwaacomo, wodiiñamo mmaja; ääjömannamo töwäänemjönö neneeaato’de; inchoncomo niwäänetööaato’de.

DOMAANO 2:5

Töwäätuujacoone’da aweijäcä dajaane aweichö änsa’dumincha’da ma; yääje yeijäcä äwäätä’maminchajootojo mejoodöja wätämmencajootojo anootoi’chadö jona tödööene. Yää anooto awä Wanaadi neneeja’de chäänönge tönemmenca töweichö.

2 TIIMOTEO 2:17

Yääjato nowaanomaadö se’naamo wätäänädö töweiye naichöje na. Yääja’como ñanno Iimeneo, Jideeto mmaja.

2 PEEDHODO 3:3

Edääje äwwäiñe wä’dö’se wa awa’deene: Anooto ataamejai yä’döa’jäcä anejjacoomo soto naato’de Wanaadi enno’jä’nnamooje; conemjönö tumjummadööcomo woije mma naato’de.

APOOCADIISI 17:16

Ñanno cajiichaanacoomo, amoojadä odoocojaato detai meneeannö chu’tädööcomooje nä’jannö, nichu’de’taato’de ñäädä wodi masuuduijato. Tönwanno nimaaminchaato’de; niyoncaato’de yaawä tänäädö wetä töwwäiñe. Wa’to que niyau’cwaato’de.

APOOCADIISI 20:15

Tameedä ñanno weichojo jajeedai’chädö jäcä chäätö imennaajä ’jemjöncomo cönäätämaajoicho jiyooto comootödö ña.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.