SANTIYAACO 5:20 - Wanaadi A'deddu

²⁰ Ñäädä tösaadijange yeichö jonno conemjönö tödöönei sha’duminchanei yäämatoojo jonno soto newaanaca; jooje conemjönö wätäncwanno’jotoojo nejoodöja ñäädä.

SANTIYAACO 5:20 ပူးပေါင်းရင်းမြစ်များ

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

DOMAANO 11:14

Mädääje wäänene ñanno jimmä judhíocoomo i’ñeimmajoodöcoomo wetä äjääcäiñe, awei’yejeiñe mmaja yeichöcoomo wetä yaawä, dhantai ääwanaacaiyeto yaawä.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 9:22

Jäduujemjöncomo jadä weichö ’quene jäduujemjönö nönge wäänene dea, i’wa’tädööcomo wetä. Mädääje na; tameedä soto weichöcoomo waadoinchomo nönge wäänene, dhantai ewaanacaadöcoomo wetä.

1 TIIMOTEO 4:16

Odhoowadäädä eichä aweichö jäcä, owaanomaadö jäcä mmaja; jäduuje eichä tameedä mädä nöngato jäcä. Mädääje aweiya’jäcä määwanaaca’de, tameedä adheetannamo’jödö mewaanacaato’dede.

JIIDEMÓN 1:19

Öwö, Paudo dea, edä wimenna, öwö wejeema’de, amäädääne aweichö que jeene yeejeque’nä’taame.

SANTIYAACO 1:15

Conemjönö tödö’se weiñä namoodeta yaawä conemjönööje. Yaawä conemjönö waatö’nä’a’jäcä, wäämatoojoje noowonö’jaca.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

SANTIYAACO 5:15

Ecamjödö que ya’deuwa’comjäcä cädäijato nääwanaaca’de; Cajiichaana nadonca’de. Choone’nadiiyö töweiye yeiya’jäcä nätäncwannä’ja’de.

SANTIYAACO 5:19

Jimmä, anejja adhantawäiñe shaadijanga’jäcä, yeichacoono sha’duminchajai ña yaawä.

1 PEEDHODO 4:8

Mädä de’wä mmaja jeene adheewanööcomo jadäädä ä’jummatääcä, wä’jummanä jooje conemjönö töneetatannä’ca yeijäcä.

APOOCADIISI 20:6

Ta’cwaiñe eijai ña ñäädä awa’deenato waadoncatoojo awoono weja’cadö; aashichaato ñäädä. Ñanno yääja’como yää ’jejaato wäämatoojo awä ääma’da naato’de. Wanaadi wwä töwa’deuwaamoje naato’de, Quidiito wwä töwa’deuwaamoje mmaja. Quidiito jadä cajiichaanaje naato’de 1,000 wedu.