SANTIYAACO 5:16 - Wanaadi A'deddu

¹⁶ Yääje yeijäcä ocoone’nadiiyöcoomo töneecamma eichäcä ajimmotoncomo wwä; Wanaadi wwä adha’deutäcä ääjäcäiñe, täjiichö’tääne meichäiye. Ñäädä soto chäänöngato Wanaadi wwä sa’donna ya’deuwödö jäduuje na.

SANTIYAACO 5:16 ပူးပေါင်းရင်းမြစ်များ

MATEO 21:22

Tameedä ecaanö’ancädä Wanaadi wwä ane’catäädöcoomo äwwäiñe nä’tua’de; quee cönä’döaacä Jesuuquidiito tösootoi wwäiñe.

MATEO 3:6

Wautisaaje töwä’döjo cönä’ja’to Juan wwä, Joodadán ’cwaca, töcoone’nadiiyöcoomo ecammadö’jo.

MAADOCO 1:5

Tameedä Judheea ñancomo, Jeduusadén ñancomo mmaja, töötä cönä’ja’to Juan döiña, ñeecammajäätödö eta. Tönwanno wautisaaje töwä’döjo cönä’ja’to chäwwä Joodadán ’cwawä, töcoone’nadiiyöcoomo ecammadö’jo.

DUUCA 9:6

Ñanno cönääma’toicho yaawä. Jata waadäi cöntonto aashichaato wätunnä ecammajä’ancädä, soto ejiichö’tancädäiñe mmaja, tameedä yeichö wa’cä.

JUAN 9:31

Cönwanno cowaanäcäiñe na Wanaadi aneeta’da yeichö conemjönö tödöönei a’deddu. Ñäädä a’deddu mmaane töneeta Wanaadi, tujummanei a’deddu, töwaanontä’jödö tödöönei a’deddu.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 19:18

Jooje ñanno ecaanö’nnamo cöneecamma’to conemjönö tönnö’jocoomo.

DOSECHO 8:24

Yaawä Simón cönä’döaacä: —Wanaadi wwä adha’deutäcä jääcä, yää mecammaatoodö mma ejucca’no jääcä; quee cönä’döaacä.

DOMAANO 3:10

Edääje Wanaadi a’deddu imennaajä nä’döa: Aashichaato ’je’da na soto, tooni’chä a’que.

DOMAANO 5:19

Tooniyaano dhanwa chäänönge’da yei’jödö e’nei jooja’como soto conemjönö tödönnamooje cönä’döicho. Mädääje mmaja tooniyaano dhanwa chäänönge yei’jödö e’nei chaja jooja’como soto Wanaadi jadoonoje nä’döjaato.

CODOOSENSE 1:9

Yääje yeijäcä yääje aweichöcoomo ñaa wwä eta’jödö jonnoto’jödöödä Wanaadi wwä äjääcäiñe töwa’deuwödö ane’nomja’da ñaa na. Töne’ca’e ñaa weneene Wanaadi woijato odhoowanääcäiñe yeichojo, Wanaadi nödöödö jäcä tösejjeque aweicho’como mmaja, towaanojo’ne aweicho’como mmaja.

1 TEESADOONISENSE 5:17

Wanaadi wwä yeichöje adha’deutäcä.

1 TEESADOONISENSE 5:23

Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

1 TEESADOONISENSE 5:25

Jimmä, ñaa jäcä adha’deutäcä Wanaadi wwä.

EEWEDEO 11:4

Ecamjödö que mmaja Aweede Wanaadi wwonooje saaquidiijiisiyo cönnöi, Caín cönnöichö e’jodhe’cä. Yää jäcäinchädä Wanaadi töjaadonooje Aweede cönnöi yaawä. Inchudu’jödö mmaja aashicha Wanaadi cöne’täi chea. Töwö Aweede töwääma yeichaame tacaade dea na, ecamjö’jödö weijäcä chäwwä.

EEWEDEO 11:7

Ecamjödö que mmaja Noé aashicha cöneetai Wanaadi necamma’jödö äcuude töweeja’dä’emö jäcä; töwö cönnöi jidaawa töwä’jimmä’tädö ewaanacaato’comooje. Yää töneecamjödö que chäänönge’da ñanno soto weichöcoomo cöneenejoi. Töneecamjödö jäcäinchädä Wanaadi jadoonoje cönä’döjoi, yää ecamjödö aiño tojoodöeemö.

EEWEDEO 12:13

sha’duminchatääcä adheemadööcomo. Yaawä ye’tomongajä e’tomoncajai ña, yäätonno e’tomoomö’da yeichö wetä.

EEWEDEO 13:18

Wanaadi wwä adha’deutäcä ñaa joi; ñaa owaanäcä na chäänönge tötö’tajäätödö weichö. Chäänönge töwei’she ñaa weneene tameedä töweichö jäcä.

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.