SANTIYAACO 5:11 - Wanaadi A'deddu

¹¹ ¿Ta’cwaiñe jönca töwäntunamjödö shinchänei töne’tä cäänetääne? ¿Töneeta jönca maato Joowo aashicha tönshinchä yei’jödö? Yää ’jeje yei’jödö mmaja töneeta maato dea, yää Cajiichaana nödöödö chäwwä. Wentumje äneetä töweichö Cajiichaana cöneenejoi yaawä chäwwä, tumjunne töweichö mmaja.

SANTIYAACO 5:11 ပူးပေါင်းရင်းမြစ်များ

MATEO 10:22

Tameedä soto aquiiñeme’cato’de sootoije aweichöcoomo jo’tädööje. Ñäädä yaatameedö jonaane shinchänei nääwanaaca’de.

DUUCA 1:50

Töwö yeichöödäje wentumje töneeneiñe weneene tönontännamo.

DUUCA 11:10

Ñäädä e’ca’nei wwä töwä’tue töweiye nai, ujiiñei wwä töwäädantojo, a’dejjanei wwä mönaatata töwaata’duca.

DUUCA 6:36

Wentumje äneetä eichäcä, Oomotoncomo wentumje äneetä naadöje mmaja.

DOMAANO 2:4

¿Aashicha Wanaadi weichö ca michiiñeme’canä’, ocoone’nadiiyö tönshinchä yeichö mmaja? ¿Mädä tönshinchä yeichö ätö’tajäätödö sha’duminchatoojoje yeichö äntö’tammecö’da ca manä?

EUJEESIYO 1:6

Yääje yeijäcä aashicha ca’deuto’ñojo Wanaadi jäcä, joojato iiñödö’jödö jäcäinchädä; yää aashichaato cöjääcäiñe Wanaadi cönnöi Tönnedö tumjummadö jadä cöweichomjäcä.

EUJEESIYO 2:4

Yääje yeichaame töwö Wanaadi wentumje äneetä töweijäcä, jooje cujummatäiñe töweijäcä mmaja,

EEWEDEO 10:39

Ñannojöönööne cönwanno töwännamjödööcomo wetä iiña mmaja töwennaca’comoojönööne; ecamjödö ’ja’comoone cönwanno, töwääwanaacaamoone.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

SANTIYAACO 1:12

Ta’cwaiñe eijai ña ñäädä tuyuunacaadö shinchänei. Chäänönge toneejadö shincha’jäcä chäwwä, chaana’nadiiyö nä’tua’de yaawä, yää töweichö eneetojo, tameedä tujummannamo wwä Wanaadi necamma’jödö.

SANTIYAACO 1:2

Jimmä, jooje ta’cwaiñe eichäcä aneejejaiñe äwä’yunaacaja’comjäcä,

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 3:14

Yaawääne’ aashichaato tödö’jödö weichaame äwäntunaanö’a’comjäcä, ta’cwaiñe eijai maato. Anejjacoomo monnontätäi; määcatoncatäi’chede.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.