SANTIYAACO 4:4 - Wanaadi A'deddu

⁴ Masuuduija’como änwanno. ¿Odhoowänääcäiñe’da ca’ nai edä nono de’wono tumjumma weiñä Wanaadi tu’dedööje yeichö? Ñäädä edä nono de’wono ijummanei Wanaadi tu’dedööje na.

SANTIYAACO 4:4 ပူးပေါင်းရင်းမြစ်များ

MATEO 12:39

Jesuuquidiito cöneccujä’acä; cönä’döaacä chäwwäiñe: —Soto conemjöncomo, masuuduija’como, ene’ju’tojo tödöödö ene’se weneeneto. Yääje yeichaame aneene’da naato’de. Joná wei’jödö mmaane nichö’tammecö’ña’to, ñäädä Wanaadi wa’deuwödö ecammanei’jödö.

MATEO 16:4

Soto conemjöncomo, masuuduija’como, ene’ju’tojo ene’se weneeneto. Yääje yeichaame aneene’da naato’de. Joná wei’jödö mmaane nichö’tammecö’ña’to; quee cönä’döaacä Jesuuquidiito. Cöntämä yaawä, ñanno jaadiseeo e’nomjadööcomooje mma.

MATEO 6:24

“Aacä tädhaajä tödööjai’cha weiña nai. Yääje tödööa’jäcä tooni mma ijummajai ña ñäädä yaawä, yeichacoono ämjumma’da mma. Yeichacoono jadä aashicha etaadawa’cajoojai ña; yeichacoono ’quene chiiñeme’jai. Mädääje mmaja änwanno, a’nädäncädä ijummajai’cha maato, Wanaadi mmaja, mösooma mmaja.

DUUCA 19:27

Ñanno tu’de’tännamo’jödö mmaja, tädhaajotoncomooje yöödö’semjöncomo’jödö, ene’täcä sadäädä; neenedööje emaatäcä;” quee cönä’döaacä ñäädä cajiichaana tösootoi wwäiñe; quee cönä’döaacä Jesuuquidiito.

JUAN 15:19

Edä nono de’woncomo jimmäje meicho’jo yaawääne äjummajaiñe naato, töjimmotoncomo tumjumma weneenetoodöje dea. Tönwanno aquiiñeme’cato töjimmotoncomooje’da aweijäcäiñe, chääjadäiñe aweichöcoomo jonno ayu’ca’jocoomo weijäcä öwwä.

JUAN 17:14

Öwö adha’deddu wecammane chäwwäiñe; yääje yeijäcä tönwanno töwä’quiiñeme’jo weneeneto edä nono de’woncomo wwä, edä nono de’woncomoojönööje töweichomjäcä, öwö waadöje mmaja, edä nono de’wonooje’da.

JUAN 7:7

Edä nono de’woncomo aquiiñeme’jaiñe’da naato änwanno; öwö mmaane quiiñeme’caato choone’nadiiyöcoomo töneecamma weijäcä.

DOMAANO 5:10

Wanaadi tu’dedööje cöweichöcoomo töwö töjaadä ääweichacoonoje cödöötäne Tönnedö wääma’jödö jäcäinchädä. Töwaacö’je mma eduuwa; chääjadä ääweichacoonoje cöweichomjäcä töwö cäwaanacaato nudä Quidiito weichö que dajaane.

DOMAANO 8:7

Ñäädä tujuunu nödöödö encano’tänei Wanaadi tu’dedööje na, Wanaadi waanontädö wwä ä’tu’da yeijäcä, ä’tujai’cha mmaja.

1 CODINTIYO 1:20

Yääje yeiya’jäcä, ¿aaquene töweiyemööje ñäädä tösejjecaato nai, owaanomaanei mmaja, edä nono de’wono jäcä wätäccujä’nä dhowaanocooto mmaja? ¿Tödööto’me’da jönca Wanaadi cönnöi edä nono de’wono towaanojo’ne weiñä?

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

CAADATA 1:10

¿Änääcö ca wiya’daanä mädääje wä’dödö que, soto ’ja, Wanaadiiñe? ¿Soto a’cwaima’seiñe ca wäänene? Soto a’cwaimaneichomooje wei’jo mmaane Jesuuquidiito anoonöje’da weichö.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.