SANTIYAACO 4:1 - Wanaadi A'deddu

¹ ¿Ane’cäämö ewoonö’jödööje töwä’tu’de’tä määnetääne, töwäätäuwe mmaja? Ajuunucoomo woije tötö’tajä’e aweijäcäiñe mädääje määnetääne, yää ätö’tajäätödööcomo jadä töwä’tu’de’tä weneenedö.

SANTIYAACO 4:1 ပူးပေါင်းရင်းမြစ်များ

MATEO 15:19

Soto tö’tajäätödö acaano weja’caajääne conemjönö weiyajä, yää cone’da tö’tajä’nä, soto emaadö mmaja, anejja jiñamo ajoojodö mmaja, masuuduichanä mmaja, wemeenönnä mmaja, jönaawä soto ementädö mmaja, wätunnä dha’me weiñä mmaja.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOMAANO 7:23

juunu nijummadö mmaane anejjeja na, tö’tajäätödö acä töwä’tu’de’tä weneene, conemjönö que ye’jodheinchatä weneene, yää do’taca naadö que.

DOMAANO 7:5

Jenaadä cujuunucoomo woije cöweichöcoomo cujuunucoomo nijummadö tönnöe cä’ja’quene, waanontänä nejannä’cadö woije; yääje weiñä cönä’jaacä wäämatoojoje töwoowonö’jacaamöje mma.

DOMAANO 8:7

Ñäädä tujuunu nödöödö encano’tänei Wanaadi tu’dedööje na, Wanaadi waanontädö wwä ä’tu’da yeijäcä, ä’tujai’cha mmaja.

CAADATA 5:17

Ajuunucoomo nijummadö Wanaadi dö’sennoto Epíiditu Santo jäcä nä’jädu’ta. Epíiditu Santo mmaja ajuunucoomo nijummadö jäcä nä’jädu’ta dea. Tönwanno naato äätu’dedööje; yääje yeijäcä ämjummaadööcomo tödööjai’cha maato.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

2 TIIMOTEO 2:23

Töwäädämmato wätunnä jäcä mmaane mei’che, yää döneijönö; odhoowanääcä na mädä wätäccujä’nä töneejodööjo yeichö.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

TIITO 3:9

Tödööto’jönö wätäccujä’nä jäcä mmaane eijai’cha ma amäädä, jenaado’jocoomo wätunnäichomo jäcä eijai’cha mmaja. Jenaado’jä waanontänä jäcä mmaja ätäccujä’jai’cha ma dea, yää Moisé nimennä’jödö. Mädääje weiñä dötä’da na, täje’da mmaja.

SANTIYAACO 1:14

Soto töwä’yunaacajo töweiye nai conemjönö tödö’se töweichö woije; yää nencu’tädö woije töwä’sadiijannä’cajo yaawä.

SANTIYAACO 4:3

Aneedawä äwwäiñe e’ca’taame ä’tu’da dea weneene, chäänönge’da töne’ca’e aweijäcäiñe; ajuunucoomo nijummadö woije tödöödö wetä yää töne’ca’e määnetääne.

1 PEEDHODO 1:14

Mude’cä’cä tumö woijato töweiye naichöje eichäcä. Conemjönö ämjummadööcomo woije mma meichäi, jenaadä Wanaadi odhoowanääcäine’da yeichö töweiye mä’ja’quennöje’daane.

1 PEEDHODO 2:11

Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.

2 PEEDHODO 3:3

Edääje äwwäiñe wä’dö’se wa awa’deene: Anooto ataamejai yä’döa’jäcä anejjacoomo soto naato’de Wanaadi enno’jä’nnamooje; conemjönö tumjummadööcomo woije mma naato’de.