SANTIYAACO 3:17 - Wanaadi A'deddu

¹⁷ Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

SANTIYAACO 3:17 ပူးပေါင်းရင်းမြစ်များ

MATEO 23:28

Mädääje maato änwanno, soto wwäiñe äwäänedööcomo aashichaato wa’cä; odo’tadööcomo mmaane chäänönge’da na, ätö’tajäätödööcomo mmaja nossaje.

MATEO 5:8

“Ta’cwaiñe eijai ñaato ñanno masuuduijemjöncomo tö’tajäätödö; tönwanno Wanaadi neneeaato’de.

MATEO 5:9

“Ta’cwaiñe eijai ñaato ñanno äätu’dedööje’da weiñä jäcä soto yäätuujannamo; tönwanno Wanaadi nnacoomoje nätä’täjaato’de.

DUUCA 21:15

Öwööne wu’a’de äwwäiñe awa’deuto’como, asejjedööcomo mmaja, tameedä ätu’de’tännamo wwäiñe ä’cana’cajo’da aweicho’como. Tönwanno eccujo’tojo ’je’da naato’de yaawä.

DUUCA 6:36

Wentumje äneetä eichäcä, Oomotoncomo wentumje äneetä naadöje mmaja.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:47

Yaawä töwwadäädä Nataanaeede weejödö edanta’jäcä Jesuuquidiito cönä’döaacä chäwwä: —Määdhä ñäädä iisadaaediita chäänöngato, töwäätäncu’täjä’emjönö; quee cönä’döaacä Jesuuquidiito Nataanaeede jäcä.

DOSECHO 11:24

Töwö Waanawé cönä’jaacä aashichaato, Epíiditu Santo jäduudu ’je, ecamjödö ’je mmaja. Jooje soto Cajiichaana Jesuuquidiito cöneecamjöicho.

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

DOMAANO 12:18

Täncanoode’da eichäcä tameedä soto jäcäiñe, eijai aweichöcoomo woije.

DOMAANO 12:9

Wätäncu’tänä que’da ä’jummatääcä. Conemjönö chiiñu’tätääcä; aashichaatoone ijummatääcä.

DOMAANO 15:14

Jimmä, öwö yoowanääcä na aashichaato tönnöe aweichöcoomo, töseedujä’ne aweichöcoomo mmaja, änwannoje dea ä’wätuujajai aweichöcoomo mmaja.

1 CODINTIYO 12:8

Anejja wwä Epíiditu Santo ai Wanaadi nu’a tösejjeque ya’deutojo; anejja wwä ’quene Wanaadi nu’a towaanojo’ne ya’deutojo, ñäädä dea Epíiditu Santo ai.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 6:6

Chäänönge töweichö que Wanaadi anoonöje ñaa weichö töwäänejo ñaa weneene dea, chäänöngato jäcä towaanojo’ne töweichö que mmaja, aashicha tönshinchä töweichö que mmaja, ta’cwaiñe töweichö que mmaja, Epíiditu Santo ’je töweichö que mmaja, chäänöngato wä’jummanä ’je töweichö que mmaja.

2 CODINTIYO 7:11

Änwanno Wanaadi woijato que cone’da mä’döjootäne. Yää aweeconeeca’seiñe ayöödöjootäne yaawä, chäänönge awei’sheiñe ayöödöjootäne dea; conemjönö jäcä adheetömaajotääne, adheecatoncatääne dea. Yaawä yeene’se mä’ja’quene; ñäädä yää conemjönö tödöönei yäätuuja’se mmaja ayöödöjootäne dea yää Wanaadi woijato que cone’da mä’döjootäneedö. Tameedä mädä chäänönge aweichöcoomo neneeja.

2 CODINTIYO 9:10

Wanaadi ñäädä dhadöödö tönaatö’täämö u’nei, äwanshi u’nei mmaja; töwö tameedä anaatödööcomo nu’a’de, natö’nä’ja’dede. Töwö aashichaato ännödööcomo nejannä’ca’dede.

EUJEESIYO 5:9

Yää tawaanato aca weiñä nä’dhe’ma ta’cwaiñe weiñäje, chäänöngatooje mmaja, aashicha weiñäje mmaja.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 4:8

Jimmä, edääje wä’cadööje wä’dö’se wa äwwäiñe: Tameedä sa’donnato jäcä ätö’tajä’täcä, tameedä tujummamjato jäcä mmaja, tameedä chäänöngato jäcä mmaja, tameedä nossajemjönö jäcä mmaja, tameedä aashichaato jäcä mmaja, tameedä töwa’deme’quemjato jäcä mmaja. Aashichaato töweiye yeiya’jäcä, aashicha wa’de’to’mato töweiye yeiya’jäcä mmaja, yää jäcääne ätö’tajä’täcä.

CODOOSENSE 1:10

Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

1 TEESADOONISENSE 2:7

Äjääjännä ayöödötäiñe ñaa cönä’jaacä, wodi tönnedö’cä töniiñejenca töweiye naichöje.

1 TIIMOTEO 5:21

Wanaadi owaadäädä yääje wä’döa äwwä, Jesuuquidiito owaadäädä mmaja, dhamoodedö eiya’como owaadäädäiñe mmaja: Tameedä edä waanontänä tödööcä’de äänönge soto tödööancädäiñe, o’jodhe anejja ijummancädä’da.

2 TIIMOTEO 2:24

Cajiichaana anoonö wätäccujä’na jäcä eijai’cha na; ta’cwaiñe mmaane eijai ña tameedä soto jäcäiñe. Soto owaanomaadö dhowaanäcä eijai ña töwö; äätömaacoije’da mmaja eijai ña dea.

TIITO 1:15

Ñäädä aashichaato tö’tajäätödö wwä tameedä aashicha na; aneecanö’jönö wwä mmaane aashichaato ’je’da na, tameedä nossaje töweijäcä, chö’tajäätödö jadä’jödöödä.

TIITO 3:2

Cone’da a’deuwö’da eijai ñaato anejja jäcä; töjimmotoncomo äntu’de’tä’da eijai ñaato dea. Ta’cwaiñeene eijai ñaato tameedä soto jäcäiñe, tumjunne’da a’deuwö’da mmaja.

EEWEDEO 12:11

Wä’wätuujanaawä mma aashicha’da chö’tadö, se’ne mma. Äcuude’cääne yää nä’dhe’ma yaawä aashichaatoje, täncanoode’da weichojooje mmaja, yääcato wäämu’ca’como jäcäiñe.

EEWEDEO 12:14

Tameedä soto jäcä äätu’dedööje’da aweicho’como encano’tätääcä, aashicha aweiyancädäiñe. Ñäädä aashicha yeichö ’jemjönö Cajiichaana aneene’da na’de.

SANTIYAACO 1:17

Tameedä aashichaato u’ajä, tameedä chäänöngato u’ajä mmaja, caju ñanno ne’a, Wanaadi nutuudu woije, ñäädä tawaanato tödöönei’jödö. Chäänöngeedä töwö weneene, enwacaama’da.

SANTIYAACO 1:5

Anejja adhantawäiñe tösejjeque’da tötö’ta’jäcä, Wanaadi wwä nane’cato’ñojo, ä’tuiye chäwwä. Töwö Wanaadi tameedä soto wwäiñe tunu’e, ewontancädä’da, euwancädä’da mmaja.

SANTIYAACO 2:13

Ñäädä wentumje äneeneijönö wentumje’da mmaja nä’mencaja’de. Ñäädä wentumje eneenei mmaane tösaade’da eijai ña töwä’mencajoodawä.

SANTIYAACO 2:4

Mädääje aweiya’comjäcä ooto’jodhe soto mödööato yaawä. ¿Chäänönge’da jönca ätö’taato yaawä mädääje soto emmencadööcomo äwwäiñe?

SANTIYAACO 3:15

Caju ñanoojönööne yää yääjato sejje, edä nono de’wono mma, ajuunucoomo woijato mmaja, odo’sha dö’sennoto mmaja.

SANTIYAACO 4:8

Wanaadi wwadäädä ä’täcä, äwwadäädäiñe eejöiyede töwö. Änwatöötäcä änwanno conemjönö dönnamo. Ätö’tajäätödööcomo sha’duminchatääcä, änwanno aaco’como tö’tajäätödö, Wanaadi jadä edä nono de’wono ijumma’sa’como.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.

1 PEEDHODO 2:18

Änwanno tädhaajäca’como, adheedhajootoncomo woije eichäcä; tönoiñe eneetäcä, aashicha’como dea mma’da, ta’cwaiña’como dea mma’da mmaja, tääde’cwada’como mmajaane.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.

1 JUAN 3:3

Ñäädä yää womo’nei aashicha töwei’she weneene, Jesuuquidiito aashicha naadöje mmaja.