SANTIYAACO 3:15 - Wanaadi A'deddu

¹⁵ Caju ñanoojönööne yää yääjato sejje, edä nono de’wono mma, ajuunucoomo woijato mmaja, odo’sha dö’sennoto mmaja.

SANTIYAACO 3:15 ပူးပေါင်းရင်းမြစ်များ

DUUCA 16:8

Yaawä chäädhajä aashicha cöna’deuwöi ñäädä tanoonö chäänöngemjönö jäcä, tösejjeque tödööjätö’jödö weijäcä chäwwä. Edä nono de’woncomo tösejjeque jeene naato töjimmotoncomo tödöödö jäcä, tawaanato awoncomo e’jodheiñe’cä.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOSECHO 13:10

cönä’döaacä chäwwä: —Amäädä äncu’tänei, yännanö’ajä mmaja, odo’sha nnedö. Tameedä aashichaato tödöödö tu’de’tänei amäädä dea. ¿Ane’que’nei ane’nomja’da manä Wanaadi a’deddu sa’donnato ashiichuudädö?

DOMAANO 1:22

Towaanojo’ne töwäätä’tä’jödö mma naato, tämje töweichaameiñe.

1 CODINTIYO 1:27

Ñäädä towaanojo’nemjönööje edä nono de’woncomo ne’tädö Wanaadi cönei towaanojo’nato jöichojoodöje; jäduujemjönööje edä nono de’woncomo ne’tädö mmaja Wanaadi cönei chea jäduujato jöichojoodöje daja.

1 CODINTIYO 2:14

Ñäädä Epíiditu Santo woijemjönö Epíiditu Santo nödöödö tömjo’ma weneene, i’jeta’jödö nönge yeijäcä chäwwä. Töwö yää etaajai’cha na, Epíiditu Santo ni’wa’tädö queene yää chö’tammecöödö yeiyajä.

1 CODINTIYO 3:19

Edä nono de’wono sejje wä’shiquiijanä nönge mma Wanaadi wwä na. Dha’deddu imennaajä jäcä edääje nä’döa: “Töwö Wanaadi tösejjeca’como nashiichuudaato’de shejjedööcomo que dea mma;” quee nä’döa.

1 CODINTIYO 3:3

ajuunucoomo woije dea aweijäcäiñe. We’neimmanä töweiye naadö naane’ adhantawäiñe, wä’tu’de’tänä mmaja, aata’deucwe’da weiñä mmaja. ¿Ajuunucoomo woije jönca ätö’tadööcomo yaawä, quedeiyentejöncomo nönge?

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

JIDIIPENSE 3:19

Tönwanno töwännanö’aamoje naato. Tujuunucoomo nijummadö mma tädhaajotoncomooje tönnöe weneeneto. Yää töjöichöcoomoje eijaicho’jödö yeewataashimaato’comooje mma na. Tönwanno chö’tajäätödööcomo edä nono de’wono jäcä mma.

2 TEESADOONISENSE 2:9

Ñäädä conemjönö edhaajä we’ajä na’de Caajuushawa woije. Töwö jäduuje na’de. Ene’ju’tojo nödööjä’a’de, täneemö mmaja, soto encu’toto’comooje.

1 TIIMOTEO 4:1

Epíiditu Santo täta necamma äcuude anejjacoomo weicho’como jäcä. Tönwanno töneecamjödööcomo ne’nomjaato’de äncu’tännamo a’deddu etaadö wetä, odo’shancomo nowaanomaadö etaadö wetä mmaja.

SANTIYAACO 1:17

Tameedä aashichaato u’ajä, tameedä chäänöngato u’ajä mmaja, caju ñanno ne’a, Wanaadi nutuudu woije, ñäädä tawaanato tödöönei’jödö. Chäänöngeedä töwö weneene, enwacaama’da.

SANTIYAACO 1:5

Anejja adhantawäiñe tösejjeque’da tötö’ta’jäcä, Wanaadi wwä nane’cato’ñojo, ä’tuiye chäwwä. Töwö Wanaadi tameedä soto wwäiñe tunu’e, ewontancädä’da, euwancädä’da mmaja.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

JUUDHA 1:19

Ñanno chäänöngemjöncomo töwäätunnäichomo que änwannoje dea ätu’de’täjootäiñe weneeneto. Ñäädä Wanaadi dö’sennoto Epíiditu Santo ’je’da naato; edä nono de’wono woije mma weneeneto.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 2:24

Änwanno dhantai Tiiyatiida ñancomo, yää wätunnä aneecanö’jöncomo, Caajuushawa nowaanomaadö sö’jato täcammaamö jäcä oowanoomajöncomo’jödö, edääje daja wä’döa äwwäiñe: Öwö adhaanontätäiñe’da wa anejja tödöödö jäcä.

APOOCADIISI 9:11

Tönwanno chaajichaanaichomo cönä’jaacä amoode, ñäädä ya’tadö inwadö ’jemjönö ijaatadö. Aawadón, quee töwö chäätö eewedeeo a’deucwe; quidiiyeeco a’deucwe mmaane Apoodiyón, quee. Yuunacaanei, quee töwä’dö’se yeichö.