SANTIYAACO 3:13 - Wanaadi A'deddu

¹³ ¿Änääcö adhantawäiñe towaanojo’ne nai, töseedujä’ne mmaja? Yääje yeiya’jäcä ñäädä tösejjedö neneejo’ñojo aashicha töweichö que, o’jodhe chö’tajäätö’da töweiyancädä, töseedujä’nato neene töweiye naichöje.

SANTIYAACO 3:13 ပူးပေါင်းရင်းမြစ်များ

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

MATEO 21:5

Edääje caichäcä’de Siyon ñancomo wwäiñe: “Eneetäcä’ma acaajichaanaichomo ne’aadö, cawaayu nnedö’cä de’wä, mösooma adäänei nnedö’cä de’wä. Dho’noncomo tö’tajäätödö töwö; quee imennaajä wä’dödö na.

MATEO 5:5

“Ta’cwaiñe eijai ñaato ñanno o’jodhe chö’tajä’jöncomo; Wanaadi necaama’jödö nono chäwäiñe nä’tua’de.

MATEO 7:24

“Yääje yeijäcä ñäädä ya’deddu töneeta’jödö tödöönei dhanwa tösejjecaato wei’jödö nönge na. Ñäädä dhanwa tömmai cönaamäi tooja de’wä. Täije cönnöi.

1 CODINTIYO 6:5

Ajöichojoodöcoomoje yääje wä’döa. ¿Tösejjecaato ’je’da mmädä ca nai adhantawäiñe, quedeiyente nödöödö coneecanei?

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 8:24

Yääje yeijäcä chäwwäiñe eneejotääcä’de tumjummaiñe aweichöcoomo, tameedä quedeiyentecoomo dhowaanäcäiñe yeichö wetä yaawä; chäänönge äänejootäcä, äjääcäiñe töwa’deuwe ñaa weneenedööje dea.

CAADATA 5:23

soto jäcä jäduuje’da weiñä mmaja, towaadäädä weiñä mmaja. Mädoocomo ännöjoojönö waanontänä ’je’da na.

CAADATA 6:1

Jimmä, conemjönö wwä ajimmotoncomo woto’jodheinchaja’jäcä änwanno chäänönga’como yeeconeecadö jäcä i’wa’täjai maato yaawä, cho’jodhe ätö’tajä’ancädäiñe’da. Awaadäiñe äädai’chätääcä, änwanno mmaja mä’yunaacajooto’node.

CAADATA 6:4

Awaadäiñe ätämmencajai maato ännödööcomo jäcä; yaawä chäänönge äwäädanta’comjäcä ta’cwaiñe eijai maato ännödööcomo jäcä, ajimmotoncomo nödöödö jäcä’daane.

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

1 TIIMOTEO 4:12

Anejja wwä mä’quimmajoi’che mude’cäje aweijäcä; quedeiyente neneedöcoomoje chäänönge eichä awa’deuwödö jäcä, aweichö jäcä mmaja, wä’jummanä jäcä mmaja, ätö’tajäätödö jäcä mmaja, ecamjödö jäcä mmaja, aashichaato tödöödö jäcä mmaja.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

TIITO 3:2

Cone’da a’deuwö’da eijai ñaato anejja jäcä; töjimmotoncomo äntu’de’tä’da eijai ñaato dea. Ta’cwaiñeene eijai ñaato tameedä soto jäcäiñe, tumjunne’da a’deuwö’da mmaja.

EEWEDEO 13:5

Jödaata jäcä äätätäädä’da eichäcä; äwwäiñe naadö mmaane ojoonaiñe nei’ñojo. Edääje Wanaadi wä’dö’jödö na: “Asancwa’da wa’de weichöje; adhe’nomja’da mmaja wa’dede;” quee.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

SANTIYAACO 2:18

Edääje anejja wä’döa’jäcä öwwä: “Amäädä aneecamjödö töweiye na; öwö ’quene aashichaato tönnöe;” quee yä’döa’jäcä, edääje eccujä’jai wa yaawä: “Aaquene töneecanö’e aweichö määnejoodöde’, töödödö ’je’da yeiya’jäcä?” quee. Öwö mmaane neecamjödö eneejojai wa önnödö que.

SANTIYAACO 3:1

Jimmä, jooje’da owaanomannamooje eichäcä. Jooje’cä jeene Wanaadi wwä cä’mencajaato’de cönwanno owaanomannamo.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 PEEDHODO 1:15

Ñäädä adha’dejjaneichomo’jödö aashicha yeijäcä änwanno mmaja aashicha eichäcä, tameedä aweichöcoomo jäcä.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 3:4

Täwaanö jonnoto we’ajä queene awennataamadööcomo nei’ñojo, äänejöönö queene, ataamejöönö que mmaja, yää ta’cwaiñe weiñä, enta’mecö’da weiñä mmaja. Yääne Wanaadi emjataawä täje na.