SANTIYAACO 3:1 - Wanaadi A'deddu

¹ Jimmä, jooje’da owaanomannamooje eichäcä. Jooje’cä jeene Wanaadi wwä cä’mencajaato’de cönwanno owaanomannamo.

SANTIYAACO 3:1 ပူးပေါင်းရင်းမြစ်များ

MATEO 10:24

“Towaanomaamö towaanomaanei e’jodhe’da töweiye nai. Dhanoonö tädhaajä e’jodhe’da töweiye nai chea.

MATEO 23:13

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi sotoije ä’döjai’chomo’jödö töncone’ma määnetääne. Änwanno dea Wanaadi sotoije ei’cha maato, shootoije töwei’sha’como wwä ännöjo’da mmaja.

MATEO 23:14

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno töneijä’e määnetääne iiño wääma’jödö nödöödö. Yää encwanno’jodööje nuwe Wanaadi wwä töwa’deuwe yaawä. Yääje yeijäcä jooje’cä mätä’maminchajaato’de.

MATEO 9:11

Yää eneea’jäcä jaadiseeo wwäiñe tönwanno cönä’döa’to Jesuuquidiito nowaanomaadö wwäiñe: —¿Ane’que’nei mmaja odhoowanoomaneichomo nääwashinchannea acu’shänä jödaatai i’jummannamo jadäiñe mmädä, conemjönö dönnamo jadäiñe mmaja? quee cönä’döa’to.

DUUCA 16:2

Yääje mma yaawä ñäädä dhanwa tanoonö cönä’dejjai; cönä’döaacä: “ ¿Aaqueneeto mädä äjääcä näätaadö? Sa’donna ecammacä tameedä ataadawaajui’jödö. Önnödö edhaajäje eijai’cha ma eduuwa;” quee cönä’döaacä.

DUUCA 6:37

“Ajimmotoncomo mma manemmencatäi’che, Wanaadi wwä mma mätämmencajooto’node änwanno. Anejja chäänöngemjönööje mane’tätäi’chede, yääje mmaja mätä’täjooto’node Wanaadi wwä. Conemjönö äjääcäiñe ajimmotoncomo nödöödö tönencwanno’joone eichäcä, ocoone’nadiiyöcoomo ätäncwanno’joiyede.

JUAN 3:10

Jesuuquidiito cönä’döaacä chäwwä: —¿Iisadaaediita owaanomaaneichomo tacaadatooje aweichaame mädä odhoowanääcä’da nai?

DOSECHO 13:1

Yaawä Antiyooquía ña quedeiyente antawäiñe cönä’ja’to anejjacoomo Wanaadi a’deddu ecammannamo, Wanaadi a’deddu jäcä owaanomannamo mmaja. Ñanno cönä’ja’to: Waanawé; Simón mmaja, ñäädä Juduumatooje mmaja chäätö conä’ja’dö; Duusiyo mmaja cönä’ja’dea, ñäädä Sideene ñano; Maanaén mmaja, ñäädä Edoodhe Caadideea ñano acu’shänäi’chädö jadoono wennejenca’jödö; Saudo mmaja cönä’ja’dea.

1 CODINTIYO 12:28

Mädääje mmaja Wanaadi cönnöi quedeiyentecoomo weicho’como: Awa’de anonta’como; yäätonno Wanaadi nutuudu woije ecammajä’nnamo; yäätonno owaanomannamo; yäätonno täneemö tödönnamo, äjiichö’tännamo mmaja, ’wa’tännamo mmaja, soto e’se’tännamo mmaja, anejja a’deucwe töwa’deuwaamo mmaja.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

EUJEESIYO 4:11

Töwö Quidiito cöwaadaiñe cuntui cöweicho’como; anejjacoomo wwä cuntui anonta’comooje yeicho’como, anejjacomo ’quene Wanaadi nutuudu woije ecammajä’nnamooje yeicho’como, anejjacoomo ta’deddu adännamooje, anejjacoomo quedeiyentecoomo es’e’tännamooje, owaanomannamooje mmaja.

1 TIIMOTEO 1:7

Wanaadi a’deddu jäcä owaanomannamooje töwei’she’jödö mma tönwanno, towaanäcäiñe’da yeichaame töneecammajäätödööcomo, töwäätunnäichomo towaanäcäiñe’da yeichaame mmaja.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

2 TIIMOTEO 1:11

Wanaadi yeewaacane anontaajäje, aashichaato wätunnä ecammajä’neije mmaja, judhíojöncomo owaanomaaneichomooje mmaja.

EEWEDEO 13:17

Adhe’se’tännamo waanontädööcomo tödöötäcä; yoijeiñe eichäcä, aweichöcoomo edai’chännamooje yeichomjäcä. Äcuude tönwanno Wanaadi wwä nätääcamma’jajaato’de adheedai’cho’jocoomo jäcä. Aashicha eichäcä, ta’cwaiñe tötaadawaajuichomo tödöiyeto, taquiiñuque’daane. Äwwäiñe aquiñu’taja’jäcä aashicha aweicho’como ’je’da eijai ña.

SANTIYAACO 1:16

Jimmä umjummadö, mätäncu’tojootäi’che.

SANTIYAACO 1:19

Yääje yeijäcä, jimmä umjummadö, etaacoije eichäcä, a’deucoije’daane, äätömaacoije’da mmaja.

SANTIYAACO 3:10

Yää möta ai chea a’nädäncädä neja’ca, aashicha wa’deunä, wätäunä mmaja. Yääje weicho’me’da na, jimmä.

1 PEEDHODO 5:3

Ñanno aneedai’chädööcomo edhaajotoncomo nönge aweiyancädäiñe’da edai’chätääcä, aashicha ñeenedööcomooje aweiyancädäiñeene, anöngeiñe mmaja eiyetoode yaawä.