SANTIYAACO 2:6 - Wanaadi A'deddu

⁶ Yääje töweiyaamoje yeichaameiñe änwanno wentumja’como tömjöichojoiñe määnetääne. ¿Tönsomaaca’como jönca adhennanö’catäiñe weneeneto? ¿Ñanno jönca acu’shänä wwadäädä adhaadätäiñe weneeneto dea?

SANTIYAACO 2:6 ပူးပေါင်းရင်းမြစ်များ

JUAN 8:49

Jesuuquidiito chäwwäiñe cönä’döaacä: —Odo’sha ’je’da wa. Öwö Jaaja wa’cwaima; änwanno maane cöquiiñeme’cato.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 17:6

Paudo aneedantä’da töweijäcäiñe Jasón mma cöni’ji’chöicho yaawä, anejjacoomo quedeiyente mmaja. Yää jata acu’shänäi’chädö döiña cönaadoicho; cönä’döa’to: —Canno dhanwaacomo tameedä nono weichö wa’cä ansu’dännamo sadä daja cöneejoto dea.

DOSECHO 18:12

Yaawä Caadiyón Acaaya ñano acu’shänääje yeichö judhíocoomo cöne’jummaicho Paudo ajäichö wetä. Tönwanno cönaadoicho yaawä ñäädä acu’shänä döiña;

DOSECHO 8:3

Ñäädä Saudo Quidiito sotoi maminchadööcomooje cönä’jaacä yaawä. Ä’sa waadäi töwoomonge cönä’jaacä; tö’ji’che tömja’ca cönä’jaacä dhanwaacomo, wodiiñamo mmaja, jedeesoje adoojodööcomo wetä yaawä.

1 CODINTIYO 11:22

¿Aaquene äwä’dö’se aweichöcoomo mädä? ¿Adhe’sadööcomo ’je’da ca’ nai äwääwashinchoto’como? Quedeiyentecoomo dajaane michiiñeme’cato mädä ännödööcomo que; ñanno wentumja’como mmaja cone’da mödööjaato dea. ¿Aaquene ä’döjai wanä äwwäiñe, “Ta’cwaiñe wa äjääcäiñe,” quee ’ja? Ng’jn, yääje ä’döjai’cha wa.

SANTIYAACO 2:3

edääje äwä’döa’comjäcä naadö naane’ ñäädä iiñataajato yoomö wwä: “Edä adha’täi; aashichaato de’wä ataajimaacä;” quee; yaawä wentumjato wwä edääje daja äwä’döa’comjäcä: “Jiidi eichä määtä;” quee, “Nono jo ataajimaacä;” quee jeiñe mma.

SANTIYAACO 5:4

Etaatäcä’ma anaudädööcomo awoncomo wetaadawa’cajo’jocoomo wwä täje’jocoomo encano’tädö, yää encu’tancädäiñe ennanö’ca’jocoomo äwwäiñe. Ñanno tadaawaaju dönnamo’jödö wa’deuwödööcomo töwääta na ñäädä amoode Edhaajotoncomo wwä.

SANTIYAACO 5:6

Chäänönga’como conemjönööje töne’tä määnetääne, tömja’eiñe mmaja. Yääje yeichaame oojo’tä’da weneeneto äjääcäiñe.