SANTIYAACO 2:5 - Wanaadi A'deddu

⁵ Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

SANTIYAACO 2:5 ပူးပေါင်းရင်းမြစ်များ

MATEO 11:5

Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

MATEO 5:3

—Ta’cwaiñe eijai ñaato ñanno a’ca’como tö’tadö, Wanaadi töcaajichaanaichomooje yeijäcä.

MAADOCO 7:14

Yääje mma yaawä Jesuuquidiito cöna’dejjaicho dea ñanno soto; cönä’döaacä chäwwäiñe: —Aashicha cätaatäcä tameedä änwanno; chäänönge chö’tamme’täcä wa’deuwödö.

DUUCA 12:21

Mädääje töweiye nai ñäädä töwwoodono wensoma’tädö, Wanaadi emjataawä mmaane tönsomaaque’da töwö; quee cönä’döaacä Jesuuquidiito.

DUUCA 12:32

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

DUUCA 16:22

Yääje mma yaawä ñäädä wentumjato cönäämai. Amoode caju ñancomo cönaadoicho yaawä Awadán döiña, Aashichaato ña. Yaawä ñäädä tönsomaacato cönäämai chea. Cöneewaacaicho yaawä.

DUUCA 16:25

Aawadán cönä’döaacä chäwwä: “Ätö’tacä önnedö, nudä aweichö aashicha awei’jödö jäcä, Dáasado wäntunaanö’taame. Eduuwa töwö täncanoode’da na, amäädä äwäntunaanö’taame.

DUUCA 22:29

Yääje yeijäcä cajiichaanaje aweicho’como wu’a’de äwwäiñe, Jaaja öwwä cajiichaanaje weichojo cuntuichöje mmaja.

DUUCA 6:20

Yaawä Jesuuquidiito tönoowanoomadö ene’mancädäiñe cönä’döaacä: —Ta’cwaiñe eijai maato änwanno tönsomaaquemjöncomo, Wanaadi acaajichaanaichomooje yeijäcä.

JUAN 7:48

¿Aaquene täneejuca’comooquene’ aneecamjö’da naicho, jaadiseeo mmaja?

DOSECHO 7:2

Eteewa cöneccujä’acä; cönä’döaacä: —Änwanno jimmä, inchoncomo mmaja, cätaatäcä. Ñäädä Wanaadi o’jodhaato cönäänejoi cadai’choncomo Aawadán wwä, Meesopootaamiya ña yeichö, Adán ña ejaata’tä’dadä.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

1 CODINTIYO 2:9

Edääje Wanaadi a’deddu imennaajä nä’döa: Tujummannamo wwonooje töweiyemööje Wanaadi cönnöi soto neneedöcoomojöönö, soto netaadöcoomojöönö mmaja, soto nichö’tamme’jä’eetöcoomojöönö mmaja; quee imennaajä nä’döa.

2 CODINTIYO 4:15

Tameedä mädä äjääcäinchädäiñe na; yaawä Wanaadi nutuudu aashichaato jooje yeejanga’jäcä jooje mmaja naato’de Wanaadi wwä aashicha töwa’deuwaamo; aashicha wa’deutojooje Wanaadi na’de yaawä.

2 CODINTIYO 6:10

wentumje ñaa weichaame mmaja, ta’cwaiñe dea ñaa weneene; tönsomaaque’da ñaa weichaame jooje anejjacoomo ñaa ninshoma’taato. A’ca’como nönge ñaa weichaame tameedä ñää wwä na.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

2 TEESADOONISENSE 1:5

Yääje aweichöcoomo neneeja chäänönge Wanaadi tönnöe yeichö. Mädä miyeetuncaatoodö Wanaadi sotoije aweichöcoomo adheene’ju’jaato. Yääje yeijäcä mäntunaanö’aato.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

2 TIIMOTEO 4:18

töwö dea yeewanaaca’de tameedä conemjönö jonno; aashicha yeedai’cha’de töjaatacäi caju ña wä’dödö jonaane. Töwö aashicha wa’deutojooje na, yeichöödäje. Amén.

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

EEWEDEO 11:26

Töwö chäwwä cöntö’taacä aashicha’cä jeene Quidiito jäcäinchädä wä’quiiñeme’jonä, tameedä Ejiito ñano mösooma dha’me weiñä e’jodhe’cä; Wanaadi wwä täjeemadööne cönencano’taacä töwö.

SANTIYAACO 1:12

Ta’cwaiñe eijai ña ñäädä tuyuunacaadö shinchänei. Chäänönge toneejadö shincha’jäcä chäwwä, chaana’nadiiyö nä’tua’de yaawä, yää töweichö eneetojo, tameedä tujummannamo wwä Wanaadi necamma’jödö.

SANTIYAACO 1:16

Jimmä umjummadö, mätäncu’tojootäi’che.

SANTIYAACO 1:19

Yääje yeijäcä, jimmä umjummadö, etaacoije eichäcä, a’deucoije’daane, äätömaacoije’da mmaja.

SANTIYAACO 1:9

Ñäädä quedeiyente tönsomaaquemjönö ta’cwaiñe eijai ña Wanaadi wwä o’jodhe töwä’döjootojo weijäcä.

1 PEEDHODO 1:4

Eduuwaatoje töwennue cöweijäcäiñe cöwwäiñe töweiyemööje na Wanaadi nutuudu töwaatamemjönö, töweecone’mamjönö mmaja, jemi yu’tacoi töweiye naichö nönge’da. Yää cöwwoncomooje tösooma na caju ña.

2 PEEDHODO 1:11

Yaawä adheemu’däneichomo ’je’da Wanaadi aweichöcoomoje ayöödöaato’de Cädhaajotoncomo sotoije, ñäädä Cäwaanacaaneichomo Jesuuquidiito.

APOOCADIISI 2:9

Yoowanääcä na tameedä ännödö, yeetunu eneedö äwwä, tönsomaaque’da aweichö mmaja, Wanaadi nödöödö jäcä tönsomaaque aweichaame jooje. Yoowanääcä na adheementädö ñanno judhíoja’como wätä’tädö wwäiñe, judhíoje’da töweichaameiñe, Caajuushawa sotoiñe.

APOOCADIISI 21:7

Ñäädä e’jodheinchanei’jödö wwä nä’tua’de tameedä mädä aashichaato. Öwö wa’de Yaanadiiyöje; töwö na’de önnedööje.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.