SANTIYAACO 2:25 - Wanaadi A'deddu

²⁵ Yääje mmaja Dajaawa cönä’ja’dea, ñäädä masuuduijato’jödö. Töwö Wanaadi jadoonoje cönä’döjoi ñanno anonta’como tömmai chaca amonno’joojocoomo weijäcä töwwä, aneetajaacäcä enno’jadööcomo wetä yää ’jeje.

SANTIYAACO 2:25 ပူးပေါင်းရင်းမြစ်များ

MATEO 1:5

Saadamón nnedö cönä’jaacä Wooso; Wooso dhenö cönä’jaacä Dajaawa. Wooso nnedö cönä’jaacä Oweede; Oweede dhenö cönä’jaacä Duuti. Oweede nnedö cönä’jaacä Isaí.

MATEO 21:31

¿Äshono tumö waanontä’jödö cönnöi ñanno aacä cönä’ja’todö? quee cönä’döaacä Jesuuquidiito. Ñanno judhío edhaajotoncomo cönä’döa’to yaawä: —Ñäädä awa’deeto. Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, ñanno acu’shänä jödaatai i’jummannamo mmaja, masuuduija’como mmaja, Wanaadi sotoije nä’döaato odhoowajoiñe.

DOSECHO 17:7

Mä’dä Jasón tömmai chaca cömjata’ta’to. Tönwanno tönnöe weneeneto domaanocomo cajiichaanaichomo waanontä’jödö nönge’da; anejja cajiichaanaje töneecamma weneeneto, ñäädä Jesuuquidiitoje ñe’tädööcomo; quee cönä’döa’to.

EEWEDEO 11:31

Ecamjödö que mmaja ñäädä masuudui Dajaawa ääma’da cöneiyacä ñanno conemjöncomo jadä, töwwä aashicha tödö’jödö weijäcä iisadaaediitacoomo, ñanno jata ene anonta’como.

SANTIYAACO 2:18

Edääje anejja wä’döa’jäcä öwwä: “Amäädä aneecamjödö töweiye na; öwö ’quene aashichaato tönnöe;” quee yä’döa’jäcä, edääje eccujä’jai wa yaawä: “Aaquene töneecanö’e aweichö määnejoodöde’, töödödö ’je’da yeiya’jäcä?” quee. Öwö mmaane neecamjödö eneejojai wa önnödö que.

SANTIYAACO 2:22

Töwö Aawadán töneecamjödö cöneenejoi tönnödö que. Mädääje ñeecamjödö chäänönge cönä’döi, tönnödö jadä yoojodöödö que.

SANTIYAACO 2:24

Mädääje na; eduuwa odhoowanääcäiñe na soto Wanaadi jadoonoje töwä’döjo yeichö tönnödö que, ecamjödö que mma’daane.