SANTIYAACO 2:20 - Wanaadi A'deddu

²⁰ Chö’tamme’cä’ma amäädä chö’tajä’jönö; tödöödö jadä’da aneecamjödö yeiya’jäcä, ¿tödööto’jönö jönca yää yääjato ecamjödö?

SANTIYAACO 2:20 ပူးပေါင်းရင်းမြစ်များ

DOMAANO 1:21

Tönwanno Wanaadi towaanäcäiñe yeichaame aashicha ännö’da naato, Wanaadi tödöödö töweiye naichöje. Töjääcäiñe iiñödö änwa’demeecö’da mmaja naato dea. Tösaadijange mma cönsadiijamöicho töwäädämmato jäcä; chö’tajäätödööcomo chäänöngemjönö cöntööjamöi yaawä.

DOMAANO 3:28

Mädääje na; ecamjödö que Wanaadi jadoonoje cä’döjaato, jenaado’jä waanontänä woije tödöödö que’daane.

DOMAANO 9:20

Amäädä mmädä, soto mmädä, Wanaadi maneccujäätödööde’. ¿Yääje ca ädiiñä amoode’naajä ä’döjai ñai tamoode’nänei’jödö wwä: “ ¿Ane’cotoojo mädääje camoode’näne?” quee?

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

CAADATA 6:3

Ñäädä o’jodhaato tö’tajäätödö, o’jodhe’da töweichaame, töwö dea nätäncu’ta.

CODOOSENSE 2:8

Odhoowoinchadäiñe’da eichäcä; anejja wenta’mecöödö que mma ätö’tajäätödööcomo mänsadiijannä’cajootäi’che, ñanno soto wätunnäichomo que mma adhencu’tä’seiñe weneenetoodö. Quidiito woija’comoojönö ñanno, soto wätunnäichomo woija’como mma, edä nono de’wono tö’tajä’nä woija’como mmaja.

1 TIIMOTEO 1:6

Anejjacoomo mädä jonno cönääcumeicho; töwäädämmato wätunnä jäcä tösaadijange naato.

TIITO 1:10

Joojeene yeiya’como ñanno Wanaadi a’deddu ijo’mannamo. Cujeeje ñoowanoomadööcomo, soto tönencu’täiñe mmaja. Ñanno judhío mädääje weneeneto.

SANTIYAACO 1:26

Ñäädä ecamjödö jäcä chäänöngato wa’cä tö’tadö tunuudu aneedennanö’jo’da töweichaame, töwwäädä nätäncu’ta; töwäädämma ñeecamjödö na.

SANTIYAACO 2:17

Mädääje ecamjödö töweiye nai; tödöödö que äänejo’da yeiya’jäcä tödööto’jönö yää yääjato ecamjödö.

SANTIYAACO 2:26

Täcaatoquemjönö töwääma töweiye naichö naane’; yääje mmaja ecamjödö, tödöödö jadä’da yeiya’jäcä tödööto’jönööje na.