SANTIYAACO 2:14 - Wanaadi A'deddu

¹⁴ Jimmä, ¿aaquene aashicha eichöde’ anejja ecamjödö ’je yääcamma’jäcä, aashichaato ännö’da töweichaame? ¿Yää nöngato ecamjödö que ñäädä ääwanaacajai nichö’taanä äwwäiñe?

SANTIYAACO 2:14 ပူးပေါင်းရင်းမြစ်များ

MATEO 5:20

Edääje wä’döa äwwäiñe, judhío owaanomannamo e’jodheiñe jeene’da aweiya’comjäcä, aashicha aweichöcoomo, jaadiseeo e’jodheiñe’da aweiya’comjäcä mmaja, Wanaadi sotoije eijai’cha maato.

DUUCA 3:11

Töwö Juan cöneccujä’a’to: —Ñäädä aacono yoomö’tädö, tooni näntu’ñojo a’cato wwä; ñäädä täwanshichaato yaatocaajai ña dea, a’cato wwä utuudu wetä; quee cönä’döaacä.

DUUCA 6:49

Ñäädä ya’deddu töneeta’jödö nönge ännöjöönö mmaane anejja dhanwa wei’jödö nönge na. Ñäädä dhanwa tömmai cönaamäi nono de’wä; sö’je’da mma tumu’dudui ewöötö cöncai. Chuuma’jödö cöneejä yaawä cho’na. Yaawä dea mma cönnaata’dojoi yää maa. Chuuma’jödö cönaadäi yaawä tameedä; quee cönä’döaacä Jesuuquidiito ñanno jooja’como soto wwäiñe.

DOSECHO 15:9

Äänönge mma Wanaadi cujummaato, cönwanno mmaja, judhíojöncomo mmaja, chääwanööcomo mmaja cöncoccaichö naane’, ecamjödö weijäcä chäwwäiñe.

DOSECHO 8:13

Simón mmaja cöneecamjöi chea. Yaawä wautisaaje töwä’döja’jäcä Jediipe jadä töwäämannä’e cönä’jaacä. Tönoiñe töneene cönä’jaacä aashichaato tödöödö chäwwä, ene’ju’tojo tödöödö mmaja.

DOSECHO 8:21

Odhoowanoojönö mädä, äwwonoojönö mmaja. Ätö’tajäätödö chäänönge’da na Wanaadi owaadäädä.

DOMAANO 2:25

Yää siicunsidaadoje weiñä aashicha töweiye nai Moisé nimennä’jödö waanontänä tödö’jödööde. Yaawääne’ yää waanontänä ännö’da aweiya’jäcä siicunsidaadojemjönö nönge dea ma yaawä.

1 CODINTIYO 15:2

Yää que mmaja töwääwanaaca maato, yäätäädä äwwäiñe tödööa’jäcä, iiña mmädä’da aneecamjödööcomo weiya’jäcä mmaja.

1 CODINTIYO 16:22

Anejja Cajiichaana Jesuuquidiito ämjumma’da yeiya’jäcä töwännanö’e na ñäädä. Ä’cäde’de amäädä Cajiichaana Jesuuquidiito.

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TIIMOTEO 1:5

Amäädä owaanomaajai maato wä’jummanä jäcä; yää wä’jummanä ne’a äwaanö choonecaajä jonno, tö’tajä’nä aashichaato jonno mmaja, ecamjödö weishi’jonä quemjönö jonno mmaja.

1 TIIMOTEO 4:8

A’dhatooje mma töweiye nai edä nono de’wono tödöödö jäcä wäämu’canä. Wanaadi nödöödö mmaane yää e’jodhe na, eduuwa weichojooje yeijäcä, äcuude weichojooje yeijäcä mmaja.

TIITO 1:16

Tönwanno Wanaadi ecaanö’nnamooje yäätä’tädööcomo; iiñödööcomo que mmaane täne’ju’dhe naato yeeshi’jodööcomooje yeichö. Töweecone’ma naato, töwäätuujacoone’da mmaja; she’caasa aashichaato tödööjai’cha mmädä naato.

TIITO 3:8

Chäänöngato mädä; yääje yeijäcä jäduuje töneecammajä’e awei’she wa mädä jäcä, ñanno Wanaadi ecaanö’nnamo aashichaato tödönnamooje yeichöcoomo wetä. Yääje weiñä aashicha na, tujunne mmaja, tameedä soto wwäiñe.

EEWEDEO 11:17

Ecamjödö que mmaja Aawadán, Wanaadi wwä toneejadaawä, tönnedö Isaaca cunu’acä saaquidiijiisiyooje. Töwö Aawadán tönnedö tooniyaano cunu’acä edääje Wanaadi wä’dö’jödö weichaame chääjäcä:

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

SANTIYAACO 1:16

Jimmä umjummadö, mätäncu’tojootäi’che.

SANTIYAACO 2:16

yaawä anejja adhantawäiñe yääje yä’döajäcä chäwwä: “Ta’cwaiñe eichä eduuwa; owoomö mejoodötaiñe, adheewanshiñö mmaja;” quee yä’döa’jäcä, äntu’da töweichaame, ¿aaquene aashicha yää eichöde’?

SANTIYAACO 2:18

Edääje anejja wä’döa’jäcä öwwä: “Amäädä aneecamjödö töweiye na; öwö ’quene aashichaato tönnöe;” quee yä’döa’jäcä, edääje eccujä’jai wa yaawä: “Aaquene töneecanö’e aweichö määnejoodöde’, töödödö ’je’da yeiya’jäcä?” quee. Öwö mmaane neecamjödö eneejojai wa önnödö que.

SANTIYAACO 2:26

Täcaatoquemjönö töwääma töweiye naichö naane’; yääje mmaja ecamjödö, tödöödö jadä’da yeiya’jäcä tödööto’jönööje na.

2 PEEDHODO 1:5

Yääje yeijäcä ä’jädu’tätääcä, aneecamjödööcomo jadä aashicha weiñä mejoodöjootäiye; yää aashicha weiñä jadä towaanojo’ne weiñä mmaja mejoodöjootäiyede;