SANTIYAACO 2:1 - Wanaadi A'deddu

¹ Jimmä, ooto’jodhe soto ännö’da eichäcä, Jesuuquidiito ecamjödö ’je aweiya’como, ñäädä Cädhaajotoncomo aashichaato.

SANTIYAACO 2:1 ပူးပေါင်းရင်းမြစ်များ

MATEO 22:16

Tönwanno jaadiseeo tönoowanoomadö cönenno’jaicho yaawä Jesuuquidiito döiña, Edoodhe sotoi jadäiñe. Ñanno cönä’döa’to Jesuuquidiito wwä: —Owaanomaanei, ñaa owaanäcä na chäänöngatooje aweichö, Wanaadi a’deddu jäcä chäänönge tönoowanooma aweichö mmaja. Ooto’jodhe soto ännö’da ma amäädä, ye’wono woije mma anemmenca’da aweijäcä.

DOSECHO 10:34

Yaawä Peedhodo cönaajäntäi töwa’deuwödö; cönä’döaacä: —Eduuwa yoowanääcä na Wanaadi ooto’jodhe soto ämjumma’dá yeichö.

DOSECHO 20:21

Öwö töneecammajä’e wä’jaaquene judhío wwäiñe, judhíojöncomo wwäiñe mmaja Wanaadi owaadäädä tötö’tajäätödööcomo sha’duminchajai yeichöcoomo, Cajiichaana Jesuuquidiito ecaanö’jai yeichöcoomo mmaja.

DOSECHO 24:24

Yääje mma yaawä äächädä anooto ’jeje Jeedi cöneejä töjiiñamo Duduusiida jadä; judhío cönä’jaacä ñäädä ijiiñamo. Paudo cöna’dejjaicho yaawä ecamma’jodö wetä Jesuuquidiito jadä weiñä jäcä.

DOSECHO 7:2

Eteewa cöneccujä’acä; cönä’döaacä: —Änwanno jimmä, inchoncomo mmaja, cätaatäcä. Ñäädä Wanaadi o’jodhaato cönäänejoi cadai’choncomo Aawadán wwä, Meesopootaamiya ña yeichö, Adán ña ejaata’tä’dadä.

DOMAANO 1:11

Adheene’seiñe wa jooje, quedeiyenteje aweichöcoomo jäcä ä’wa’tädööcomo wetä, äjäädu’täneichomooje mmaja.

1 CODINTIYO 2:8

Edä nono de’woncomo cajiichaanacoomo dhowaanäcäiñe’da na yää; dha’da ei’jo mmaane cuduusa jäcä anaajoijo’da eichö cöneiya’to ñäädä Cajiichaana aashichaato.

CODOOSENSE 1:4

ñaa wwä eta’jödö weijäcä Jesuuquidiito töneecanö’e aweichöcoomo, tameedä Wanaadi sotoi tumjumma aweichöcoomo mmaja.

1 TIIMOTEO 1:19

Anejjacoomo mmaane töneecamjödööcomo jonno tösaadijange naato, chäänönge tötö’tajäätödööcomo ne’se’tädö woije ännö’da töweichomjäcä.

1 TIIMOTEO 5:21

Wanaadi owaadäädä yääje wä’döa äwwä, Jesuuquidiito owaadäädä mmaja, dhamoodedö eiya’como owaadäädäiñe mmaja: Tameedä edä waanontänä tödööcä’de äänönge soto tödööancädäiñe, o’jodhe anejja ijummancädä’da.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

SANTIYAACO 1:16

Jimmä umjummadö, mätäncu’tojootäi’che.

SANTIYAACO 1:19

Yääje yeijäcä, jimmä umjummadö, etaacoije eichäcä, a’deucoije’daane, äätömaacoije’da mmaja.

SANTIYAACO 2:3

edääje äwä’döa’comjäcä naadö naane’ ñäädä iiñataajato yoomö wwä: “Edä adha’täi; aashichaato de’wä ataajimaacä;” quee; yaawä wentumjato wwä edääje daja äwä’döa’comjäcä: “Jiidi eichä määtä;” quee, “Nono jo ataajimaacä;” quee jeiñe mma.

SANTIYAACO 2:9

Yaawääne’, ooto’jodhe soto tödööa’jäcä äwwäiñe conemjönö mödööato; Wanaadi waanontädö mija’dä’jaato yaawä.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

JUUDHA 1:16

Töwenta’me’ca’como ñanno chäänöngemjöncomo, taquiiñuca’como mmaja. Conemjönö tumjummadööcomo woije mma weneeneto. Tönwanno töwa’deuwe weneeneto aashichaato wa’cä, soto emu’näjöödöcoomoje, iiñödööcomo jäcäinchädä mma.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.