SANTIYAACO 1:26 - Wanaadi A'deddu

²⁶ Ñäädä ecamjödö jäcä chäänöngato wa’cä tö’tadö tunuudu aneedennanö’jo’da töweichaame, töwwäädä nätäncu’ta; töwäädämma ñeecamjödö na.

SANTIYAACO 1:26 ပူးပေါင်းရင်းမြစ်များ

MATEO 15:9

Töwäädämma wa’deme’tä weneeneto. Tönwanno tönoowanooma weneeneto soto wätunnäichomo que mma; quee cömmennäi Isaía; quee cönä’döaacä Jesuuquidiito jaadiseeo wwäiñe.

MAADOCO 7:7

Töwäädä mma wa’deme’tä weneeneto. Tönwanno tönoowanooma weneeneto soto wätunnäichomo que mma; quee cömmennäi Isaía.

DUUCA 8:18

“Yääje yeijäcä aashichaane etaatäcä. Ñäädä töweiyato wwä jooje’cä nä’tua’de. Ñäädä a’cato mmaane nätänwajiiñaja’de yää töwwoto wa’cä nichö’tamme’caadö que; quee cönä’döaacä Jesuuquidiito.

1 CODINTIYO 15:15

Yä’ja’a’como waadoncato’como ’je’da yeiya’jäcä Wanaadi töneementä ñaa weneene yääje yeiya’jäcä, Wanaadi Quidiito adoncanei’jödööje töne’tä ñaa weijäcä, anaadonca’da yeichaame.

1 CODINTIYO 15:2

Yää que mmaja töwääwanaaca maato, yäätäädä äwwäiñe tödööa’jäcä, iiña mmädä’da aneecamjödööcomo weiya’jäcä mmaja.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

CAADATA 2:6

Ñanno täneejuca’comooje cönä’ja’todö tönnöe wääneneedö de’wä anejjeja ännöjo’da cöneiya’to öwwä. Täneejuca’comooje yeichöcoomo yöödö’da cönä’jaacä; yäänedö jäcä’da Wanaadi nemmencadö.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

CAADATA 3:4

¿Töwäädämmaane’ jooje mäntunaanö’täne? Töwäädämma’daane yei’she wa.

CAADATA 6:3

Ñäädä o’jodhaato tö’tajäätödö, o’jodhe’da töweichaame, töwö dea nätäncu’ta.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

EUJEESIYO 5:4

Nossajaato jäcä’da adha’deutäcä, töjaado’joone töshiiye wa’deunä jäcä’da mmaja, conemjönö ai wääjanä jäcä’da mmaja; dötä’da na mädä. Wanaadi wwä aashicha wa’deunä mmaane äntaiñe ija’canö’jojai maato.

CODOOSENSE 4:6

Aashicha adha’dedducoomo tödöötäcä, tösejjejä’nato töweiye naichöje; oowanoomatääcä tameedä adheecamma’jonnamo eccujäätödööcomo jäcä.

SANTIYAACO 1:19

Yääje yeijäcä, jimmä umjummadö, etaacoije eichäcä, a’deucoije’daane, äätömaacoije’da mmaja.

SANTIYAACO 1:22

Tödööeene tödöötäcä yää Wanaadi a’deddu necammadö; täta mma maneetatäi’che. Äwwäiñe etaataame ännö’da aweiya’comjäcä, äwwäädäiñe dea mätäncu’taato yaawä.

SANTIYAACO 2:20

Chö’tamme’cä’ma amäädä chö’tajä’jönö; tödöödö jadä’da aneecamjödö yeiya’jäcä, ¿tödööto’jönö jönca yää yääjato ecamjödö?

1 PEEDHODO 3:10

Edääje imennaajä nä’döa: Ñäädä aashicha töwei’shato, ta’cwaiñe töwei’shato mmaja, cone’da a’deuwö’da nei’ñojo, ätäncu’tä’da mmaja.