SANTIYAACO 1:22 - Wanaadi A'deddu

²² Tödööeene tödöötäcä yää Wanaadi a’deddu necammadö; täta mma maneetatäi’che. Äwwäiñe etaataame ännö’da aweiya’comjäcä, äwwäädäiñe dea mätäncu’taato yaawä.

SANTIYAACO 1:22 ပူးပေါင်းရင်းမြစ်များ

MATEO 12:50

Ñäädä Jaaja caju ñano woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MATEO 28:20

Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

DUUCA 11:28

Jesuuquidiito cönä’döaacä yaawä: —Ñannoone ta’cwaiñe eijai ñaato, Wanaadi a’deddu etannamo, tödönnamo mmaja; quee cönä’döaacä.

JUAN 13:17

¿Odhoowanääcäiñe jönca näätaanä? Ta’cwaiñe eijai maato mädä tödööajäcä äwwäiñe.

DOMAANO 2:13

Waanontänä etannamoojönööne Wanaadi jadoonoje nä’döaato, ñannoone, waanontänä tödönnamoone.

1 CODINTIYO 15:33

Mätäncu’tojootäi’che; chäänönge yääje töwä’döe weneeneto; “Conemjönö acä ääweichacoonoje weiñä aashicha aweichö nichoone’ma;” quee.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

CAADATA 6:3

Ñäädä o’jodhaato tö’tajäätödö, o’jodhe’da töweichaame, töwö dea nätäncu’ta.

CAADATA 6:7

Mätäncu’tojootäi änwanno, Wanaadi otonno’jojäätö’da na. Soto niñaatö’tädö yää dea neja’ca.

JIDIIPENSE 4:8

Jimmä, edääje wä’cadööje wä’dö’se wa äwwäiñe: Tameedä sa’donnato jäcä ätö’tajä’täcä, tameedä tujummamjato jäcä mmaja, tameedä chäänöngato jäcä mmaja, tameedä nossajemjönö jäcä mmaja, tameedä aashichaato jäcä mmaja, tameedä töwa’deme’quemjato jäcä mmaja. Aashichaato töweiye yeiya’jäcä, aashicha wa’de’to’mato töweiye yeiya’jäcä mmaja, yää jäcääne ätö’tajä’täcä.

CODOOSENSE 3:17

Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.

2 TIIMOTEO 3:13

Ñanno conemjöncomo mmaane, äncu’tännamo mmaja, cone’da töweichöcoomo jonno jooje’cä mma necoone’maato’de; äncu’tännamo tönwanno, yäätäncu’täja’como mmaja.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

SANTIYAACO 1:26

Ñäädä ecamjödö jäcä chäänöngato wa’cä tö’tadö tunuudu aneedennanö’jo’da töweichaame, töwwäädä nätäncu’ta; töwäädämma ñeecamjödö na.

SANTIYAACO 4:11

Jimmä, ajimmotoncomo änquimmajäätö’daane eichäcä. Ñäädä töweichacoono chiimajä’nei, töweichacoono a’de’tänei mmaja, Wanaadi waanontädö nichiimajä’a; Wanaadi waanontädö nemmenca dea. Waanontä’jä emmenca’jäcä äwwä, waanontä’jä tödööneijönö yaawä amäädä, emmencanei mma.

SANTIYAACO 4:17

Ñäädä aashichaato tödööemö towaanäcä yeichaame ännöjöönö, conemjönö nödööa ñäädä.

2 PEEDHODO 2:13

Näntunaanö’aato’dede anejjacoomo soto cönentunamjöichodö jo’tädööje. Shiiyöcoomoje weneene anooto waadäi töweewodoichadööcomo. Jöije naato; tujuumä äwääwashinchädööcomo töncone’ma weneeneto. Conemjönö tumjummadööcomo aca töweewodoicha töweichaameiñe, ajaadäiñe dea töwääwashinchä weneeneto, yääjönö wa’cä.

1 JUAN 1:8

Conemjönö ’je’da cöwäätä’ta’comjäcä, cöwwäädäiñe cätäncu’taato yaawä, chäänöngato ’je’da caato dea.

1 JUAN 2:3

Wanaadi waanontä’jödö tödööa’jäcä cöwwäiñe cowaanäcäiñe eijai ña yaawä chääjadoonoje cöweichöcoomo.

1 JUAN 3:7

Önnacoomo’cä, mätäncu’tojootäi’che anejja wwä. Ñäädä chäänöngato tödöönei chäänönge na, Jesuuquidiito chäänönge naadöje mmaja.

3 JUAN 1:11

Weichacoono umjummadö, conemjönö tödöödö mma mäncu’jätöi, aashichaato tödöödö mmaane. Ñäädä aashichaato tödöönei, Wanaadi nnedö ñäädä; ñäädä conemjönö tödöönei mmaane Wanaadi aneene’da na ñäädä.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 22:7

—Eduuwa mma wöta adöiña. Ta’cwaiñe eijai ña ñäädä edä a’deu jajeeda jäcä imennaajä naadö chäänönge tödöönei.