SANTIYAACO 1:21 - Wanaadi A'deddu

²¹ Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

SANTIYAACO 1:21 ပူးပေါင်းရင်းမြစ်များ

MATEO 5:5

“Ta’cwaiñe eijai ñaato ñanno o’jodhe chö’tajä’jöncomo; Wanaadi necaama’jödö nono chäwäiñe nä’tua’de.

JUAN 6:63

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

JUAN 6:68

Simón Peedhodo cönä’döaacä chäwwä: —Owaanomaanei, ¿änääcö wwadäädä ñaa tädö deaade’ ? Amäädä äwwä mmaane yeiyajä yeichöödoto weichojo a’deu.

DOSECHO 10:33

Yääje yeijäcä yaawä dea mma maneijone; dhamma meejäne’. Eetä ñaa na eduuwa tameedä, Wanaadi owaadäädä. Eta’se ñaa na tameedä Cajiichaana necammajoojätöödö äwwä; quee cönä’döaacä Conneediyo Peedhodo wwä.

DOSECHO 13:26

“Änwanno jimmä, Aawadán weichö nnacoomo, änwanno mmaja Wanaadi ñontännamo, edääje wä’dö’se wa äwwäiñe: Äwwoncomo mädä wääwanaacatoojo jäcä ecammajäätödö naadö.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 11:17

Dhantai judhío cönä’sancwajoicho, dee ajääcadö töweiye naichöje. Amäädä inwacaanoje määwaacajoone ijaata’jödö awä, dee jönaawono ajäädö yaatajääcajo’jödö aca töwaatöta töweiye naichöje. Mädääje aweichojo mejoodöne, dhajäädö neene wei’jödö nönge mmaja dee watö’taajä sheene töwä’döe töweiye naichöje, yää dea imiichöje yeijäcä.

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

1 CODINTIYO 15:2

Yää que mmaja töwääwanaaca maato, yäätäädä äwwäiñe tödööa’jäcä, iiña mmädä’da aneecamjödööcomo weiya’jäcä mmaja.

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

EUJEESIYO 1:13

Yaawä äcuude änwanno mmaja chäänöngato wätunnä metaatäne dea, yää aashichaato wätunnä eduuwa äwääwanaacato’comooje naadö. Yää etaadö’jo Quidiito mecaanö’täne, chääjadoonoje mä’dötääne dea. Yaawä Wanaadi sotoije aweichöcoomo adheene’ju’to’comooje Epíiditu Santo que mä’madaaca’ñojootäne, ñäädä Wanaadi necamma’jödö.

EUJEESIYO 4:22

Jenaadä awei’jocoomo e’nomjatääcä, yää tujuunu nijummadö tödöödö. Yää jenaado’jä weiñä töweecone’ma na; töwäätäncu’tojo na dea conemjönö tumjummadö que.

EUJEESIYO 4:25

Yääje yeijäcä juutuje’da eichäcä eduuwa; tameedä na’deuwö’ña’to chäänöngato que töweichacoono wwä, yää dea ejööje cöweiya’como.

EUJEESIYO 5:4

Nossajaato jäcä’da adha’deutäcä, töjaado’joone töshiiye wa’deunä jäcä’da mmaja, conemjönö ai wääjanä jäcä’da mmaja; dötä’da na mädä. Wanaadi wwä aashicha wa’deunä mmaane äntaiñe ija’canö’jojai maato.

1 TEESADOONISENSE 1:5

Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

TIITO 2:11

Töwö Wanaadi cöjääcäiñe aashicha töweichö cöneenejoi tameedä soto wääwanaacato’como tödöödö que töwwä.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

EEWEDEO 4:2

Cönwanno cöwwäiñe mmaja aashichaato wätunnä cönäätäcammai, ñanno wwäiñe cönäätäcammaichöje mmaja. Yaawääne’, yää wätunnä eta’jödö ännö’daiñe cöneiyacä, aneecamjö’da yei’jocoomo weijäcä töneeta’jocoomo.

SANTIYAACO 4:8

Wanaadi wwadäädä ä’täcä, äwwadäädäiñe eejöiyede töwö. Änwatöötäcä änwanno conemjönö dönnamo. Ätö’tajäätödööcomo sha’duminchatääcä, änwanno aaco’como tö’tajäätödö, Wanaadi jadä edä nono de’wono ijumma’sa’como.

SANTIYAACO 5:20

Ñäädä tösaadijange yeichö jonno conemjönö tödöönei sha’duminchanei yäämatoojo jonno soto newaanaca; jooje conemjönö wätäncwanno’jotoojo nejoodöja ñäädä.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 1:9

Yää ecamjödö ’je aweichomjäcä odo’tadööcomo wääwanaacatoojo mejoodöaato.

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.

1 PEEDHODO 2:11

Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.