SANTIYAACO 1:18 - Wanaadi A'deddu

¹⁸ Töwö tötö’tajäätödö woije cöweichöcoomo cuntui, chäänöngato wätunnä ecammajäätödö etaadö que cöwwäiñe, tönnacoomoje cöweichöcoomo wetä, awa’deenato chääjedöödö acä’ajä töweiye naichöje.

SANTIYAACO 1:18 ပူးပေါင်းရင်းမြစ်များ

JUAN 1:13

Ñanno ñanno wodi ai’cha yennua’como, tujuunu woije’da yennua’como mmaja, soto woije’da yennua’como mmaja, Wanaadi woije yennua’comoone.

DOMAANO 4:17

Wanaadi owaadäädä, ñäädä Aawadán cöneecamjöichö dea. Edääje Wanaadi a’deddu imennaajä nä’döa: “Wannacoomo soto adaichöje männöne;” quee. Ñäädä Wanaadi yäämaajo jonno adoncatä, a’cato töncatu’nacaajo mmaja.

1 CODINTIYO 4:15

Quidiito jäcä amoojadä miide odhoowanoomannamo eijai yeichaame, tooni mma oomotoncomo na; öwö oomotoncomooje wa Jesuuquidiito jäcäinchädä, äwwäiñe aashichaato wätunnä ecammajäätö’jödö weijäcä öwwä.

2 CODINTIYO 6:7

Weishi’jonä que’da töwa’deuwe ñaa weichö que Wanaadi anoonöje töweichö töwäänejo ñaa weneene, Wanaadi jäduudu ’je töweichö que mmaja. Chäänönge weiñä töwaichadööje tönnöe ñaa weneene, töwääwontotoojoje mmaja.

EUJEESIYO 1:12

Töwö mädääje cödöötäne aashicha töweichö jäcä töwa’deuwaamoje cöweichöcoomo wetä. Awa’deene ñaa dea Quidiito ñaa cöneecamjöi.

EUJEESIYO 1:13

Yaawä äcuude änwanno mmaja chäänöngato wätunnä metaatäne dea, yää aashichaato wätunnä eduuwa äwääwanaacato’comooje naadö. Yää etaadö’jo Quidiito mecaanö’täne, chääjadoonoje mä’dötääne dea. Yaawä Wanaadi sotoije aweichöcoomo adheene’ju’to’comooje Epíiditu Santo que mä’madaaca’ñojootäne, ñäädä Wanaadi necamma’jödö.

2 TIIMOTEO 2:15

Chäänöngato wetaadawa’cajoodöje aweichö Wanaadi wwä äwäänejootojo encano’täcä, töjöiye’da meiye dhowaadäädä, sa’donna ecammajä’ancädä a’deu chäänöngato.

EEWEDEO 12:23

Wanaadi nnacoomo we’jumma’como wwadäädäiñe mmaja, ñanno caju ña chäätöcoomo tömennä naadö. Wanaadi wwadäädä mmaja me’täne dea, ñäädä tameedä soto emmencaneichomo, aashicha’como do’tadööcomo wwadäädä mmaja, ñanno Wanaadi nichoonecaadö,

SANTIYAACO 1:15

Conemjönö tödö’se weiñä namoodeta yaawä conemjönööje. Yaawä conemjönö waatö’nä’a’jäcä, wäämatoojoje noowonö’jaca.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

SANTIYAACO 3:14

Caado’da aweiya’comjäcä mmaane, tö’neiñe aweiya’comjäcä mmaja, amäädä mma awei’she aweiya’jäcä mmaja, tösejjeca’comooje ätä’täjai’cha maato yaawä, äncu’tännamoojeene, chäänönge ännöjöncomooje mmaja.

1 PEEDHODO 1:23

Änwanno töwennue maato eduuwatoje, soto weichö töwaatameemö que’da, Wanaadi a’deddu yeichöödäjaato queene, yää töwaatamemjönö.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

1 JUAN 3:9

Ñäädä Wanaadi nnedö conemjönö acaadä ei’cha na, Wanaadi weichö tötaaca yeijäcä. Töwö conemjönö acaadä eijai’cha na, Wanaadi nnedööje töweijäcä.

APOOCADIISI 14:4

Ñanno naato masuuduijemjöncomo’jödö, wodi jadä eijöncomo’jödö. Tönwanno nötaato Oweeja nnedö’cä jadä, iichotoojo waadäi. Yääwanaaca’como tönwanno soto antawonnoiñe, awa’deena’como Wanaadi sotoije eiya’como, Oweeja nnedö’cä sotoije eiya’como mmaja.