SANTIYAACO 1:17 - Wanaadi A'deddu

¹⁷ Tameedä aashichaato u’ajä, tameedä chäänöngato u’ajä mmaja, caju ñanno ne’a, Wanaadi nutuudu woije, ñäädä tawaanato tödöönei’jödö. Chäänöngeedä töwö weneene, enwacaama’da.

SANTIYAACO 1:17 ပူးပေါင်းရင်းမြစ်များ

MATEO 7:11

Änwanno cone’da aweichaameiñe odhoowanääcäiñe aashichaato utuudu ännacontoncomo wwä. Töwaacö’je Oomotoncomo caju ñano aashichaato u’jai ña töwwä e’ca’nei wwä.

DUUCA 11:13

Änwanno cone’da aweichaameiñe odhoowanääcäiñe aashichaato utuudu ännacontoncomo wwä. Töwaacö’je Oomontoncomo caju ñano Epíiditu Santo u’jai ña töwwä e’ca’nei wwä; quee cönä’döaacä Jesuuquidiito.

JUAN 1:9

Ñäädä weiyu neene, tameedä soto yeijoneichomo, edä nono de’wä wä’dönääje cönä’jaacä.

JUAN 3:27

Yaawä Juan cönä’döaacä chäwwäiñe: —Töweichojo Wanaadi nutuudu mma tödöödö toweiye nai.

JUAN 3:3

Yaawä Jesuuquidiito cönä’döaacä chäwwä: —Chäänönge yääje wä’döa äwwä, ñäädä eduuwaatoje ennujöönö Wanaadi jataadö eneejai’cha na; quee cönä’döaacä Jesuuquidiito.

JUAN 8:12

Yää ’jeje Jesuuquidiito cöna’deuwöi chea soto wwäiñe; cönä’döaacä: —Öwö ñäädä weiyu, sotoocomo yeijonei. Ñäädä jaadono wötäädö tööjano’taca ei’cha na’de; chäwwä töweiye na’de weichojo weiyu; quee cönä’döaacä.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 5:31

Ñäädä Wanaadi Jesuuquidiito cönnöi tönnäcä, ämu’demjönö dö’se; o’jodhe cönnöi, Cajiichaanaje mmaja, Äwaanacaaneije mmaja, tötö’tajäätödööcomo sha’duminchadö wetä iisadaaediitacoomo wwä, choone’nadiiyöcoomo ätäncwanno’joiye yaawä.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

1 CODINTIYO 4:7

¿Änääcö anejja e’jodhe ayöödöaanä? ¿Ane’cäämö äwwä nai Wanaadi nutuudujöönö? ¿Ane’que’nei Wanaadi nutuuduje yeichaame o’jodhe ätö’tajä’anä owoije aneejodöödö yeichawooto wa’cä?

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

EUJEESIYO 2:8

Aashicha Wanaadi weichö woijeene töwääwanaaca maato, ecamjödö que, änwanno aashicha aweichöcoomo jäcäinchädä’da, Wanaadi nutuudu woijeene.

JIDIIPENSE 1:29

Änwanno maato Quidiito ecaanö’nnamooje töweiyaamoje mma’da, ijunnei töwäntunaanö’aamoje mmajaane.

1 TIIMOTEO 6:16

Ñäädä mma töwö yeichöödoto. Töwö yeichojo na tawaanato aca, wötooto’jönö ña. Wanaadi eneenei’jödö ’je’da na soto, äänejöönö töwö yeijäcä. Töwö na aashicha wa’deutojooje, yeichöödäje tameedä Cajiichaanaje mmaja. Amén.

EEWEDEO 13:8

Jesuuquidiito chäänöngeedä weneene; jenaadä cönä’ja’döje dea na eduuwa, yeichöödäje.

SANTIYAACO 1:5

Anejja adhantawäiñe tösejjeque’da tötö’ta’jäcä, Wanaadi wwä nane’cato’ñojo, ä’tuiye chäwwä. Töwö Wanaadi tameedä soto wwäiñe tunu’e, ewontancädä’da, euwancädä’da mmaja.

SANTIYAACO 3:15

Caju ñanoojönööne yää yääjato sejje, edä nono de’wono mma, ajuunucoomo woijato mmaja, odo’sha dö’sennoto mmaja.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 JUAN 1:5

Edä yää wätunnä Jesuuquidiito wwä ñaa neta’jödö; äwwäiñe ñaa necamma eduuwa: Wanaadi ñäädä tawaanato jaiñoone; tööjato ’je’da töwö.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

APOOCADIISI 21:23

Yää jataawä shii niyeijodö tujunne’da na’de, nuunä niyeijodö tujunne’da mmaja, Wanaadi nnataadö yeijoneije yeijäcä. Oweeja nnedö’cä dhawaadöje na’de.

APOOCADIISI 22:5

Coijaicho ’je’da na’de yaawä. Adhaawa tujunne’da na’de chäwwäiñe, shii tujunne’da mmaja, Cajiichaana Wanaadi niyeijodö nataawä yeijäcäiñe. Tönwanno cajiichaanaje naato’de yeichöödäje.