SANTIYAACO 1:12 - Wanaadi A'deddu

¹² Ta’cwaiñe eijai ña ñäädä tuyuunacaadö shinchänei. Chäänönge toneejadö shincha’jäcä chäwwä, chaana’nadiiyö nä’tua’de yaawä, yää töweichö eneetojo, tameedä tujummannamo wwä Wanaadi necamma’jödö.

SANTIYAACO 1:12 ပူးပေါင်းရင်းမြစ်များ

MATEO 10:22

Tameedä soto aquiiñeme’cato’de sootoije aweichöcoomo jo’tädööje. Ñäädä yaatameedö jonaane shinchänei nääwanaaca’de.

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

DOMAANO 5:4

Yäätonno yää tönshinchä weiñä aashicha cöcoonecaato yaawä. Aashicha cöweichöcoomo mmaane nejoodöja cöwo’womoocödööcomo.

DOMAANO 8:28

Cönwanno cowaanäcäiñe na tameedä tujummannamo jäcäiñe töweeja’dä’e weneenedö aashichaatoje Wanaadi tönnöe yeichö, ñanno tumjummadö woije töna’dejja’jödö jäcäiñe.

1 CODINTIYO 2:9

Edääje Wanaadi a’deddu imennaajä nä’döa: Tujummannamo wwonooje töweiyemööje Wanaadi cönnöi soto neneedöcoomojöönö, soto netaadöcoomojöönö mmaja, soto nichö’tamme’jä’eetöcoomojöönö mmaja; quee imennaajä nä’döa.

1 CODINTIYO 8:3

Wanaadi ijumma’jäcä mmaane soto wwä, Wanaadi owaanäcä na ñäädä yaawä.

1 CODINTIYO 9:25

Ñäädä töwootoneejaamö töwäädai’cha töweiye nai, töcoone’majaicho ännö’da. Yää tönnöe weneene canaanadi chuu adö döaajä mmädä cana’cadö wetä, töwaatameemö mma. Cönwanno mmaane cotoonejaato yeichöödoto cäje’jocoomo cana’cadö wetääne.

2 TIIMOTEO 2:15

Chäänöngato wetaadawa’cajoodöje aweichö Wanaadi wwä äwäänejootojo encano’täcä, töjöiye’da meiye dhowaadäädä, sa’donna ecammajä’ancädä a’deu chäänöngato.

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

EEWEDEO 10:32

Ätö’tatääcä jenaadä awei’jocoomo jäcä; yaawä ä’weijoonöje aweichöcoomo joojato wäntunaanö’nä tönshinchä mä’ja’quene.

EEWEDEO 11:17

Ecamjödö que mmaja Aawadán, Wanaadi wwä toneejadaawä, tönnedö Isaaca cunu’acä saaquidiijiisiyooje. Töwö Aawadán tönnedö tooniyaano cunu’acä edääje Wanaadi wä’dö’jödö weichaame chääjäcä:

EEWEDEO 12:5

¿Tötö’taque’e ca maato Wanaadi wwä äwäätuujadööcomo jäcä, yää tönnedö wwä wa’deunä naichöje äwwäiñe cöna’deuwöichö? Edääje nä’döa dha’deddu imennaajä jäcä: Önnedö, mänquiiñemeecöi Cajiichaana wwä äwäätuujadö. Chäwwä acuuseijadaawä mmaja ejääduqueejö’da eichä’de.

EEWEDEO 6:15

Yaawä aaquiñu’tä’da yoomocö’jödö weijäcä Aawadán wwä, töwö cöneeneaacä töwwä Wanaadi necamma’jödö.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

SANTIYAACO 5:11

¿Ta’cwaiñe jönca töwäntunamjödö shinchänei töne’tä cäänetääne? ¿Töneeta jönca maato Joowo aashicha tönshinchä yei’jödö? Yää ’jeje yei’jödö mmaja töneeta maato dea, yää Cajiichaana nödöödö chäwwä. Wentumje äneetä töweichö Cajiichaana cöneenejoi yaawä chäwwä, tumjunne töweichö mmaja.

1 PEEDHODO 3:14

Yaawääne’ aashichaato tödö’jödö weichaame äwäntunaanö’a’comjäcä, ta’cwaiñe eijai maato. Anejjacoomo monnontätäi; määcatoncatäi’chede.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

1 JUAN 4:19

Cönwanno Wanaadi quiijummaato chäwwä awa’deene cumjumma’jocoomo weijäcä.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.

APOOCADIISI 3:21

Ñäädä e’jodheinchanei’jödö öwö jaadä wödööa’de cajiichaanaje. Yääje mmaja we’jodheinchane öwö; cajiichaanaje wä’döne dea yaawä Jaaja jadä.