SANTIYAACO 1:1 - Wanaadi A'deddu

¹ Öwö Santiyaaco, Wanaadi anoonö, Cajiichaana Jesuuquidiito anoonö mmaja, ya’deujödö wadääja äwwadäädäiñe, änwanno iisadaaediitacoomo, amoojadooto de’wä aacä adhaadai’choncomo naadö, tameedä nono weichö wa’cä äwäämecanta’como maatoodö.

SANTIYAACO 1:1 ပူးပေါင်းရင်းမြစ်များ

MATEO 10:3

Jediipe mmaja; Waadotoodomé mmaja; Tomá mmaja, Mateo mmaja, ñäädä acu’shänä jödaatai i’jummanei’jödö; Jacoowo mmaja, Aadeujeeo nnedö; Deweo mmaja, ñäädä Tadheo täätö mmaja;

MATEO 13:55

¿Ñäädäjöönö ca määdhä, jatuuwa tödööjä’nei nne’jödööjönö? ¿Yeenö jönca Madía, dhacontomo Jacoowo, José mmaja, Simón mmaja, Juudha mmaja?

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

MAADOCO 3:18

Antedé mmaja cönä’ja’dea; Jediipe mmaja; Waadotoodomé mmaja; Mateo mmaja; Tomá mmaja; Jacoowo mmaja, ñäädä Aadeujeeo nnedö; Taadheo mmaja; Simón mmaja, ñäädä jäduujato dha’deddu;

DUUCA 22:30

Jaadä määwashinchaato’de yaawä cajiichaanaje weichö; mude de’wä mmaja mataajimaato’dede ñanno Iisadaaeeda weichö cajiichaanaichomooje, ñanno amoojadooto de’wä aaco’como iju’jä naatoodö; quee cönä’döaacä Jesuuquidiito.

DUUCA 6:15

Mateo mmaja; Tomá mmaja; Jacoowo mmaja, ñäädä Aadeujeeo nnedö; Simón mmaja, ñäädä jäduujato wa’deuwödööje töne’tä cönä’ja’todö;

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

JUAN 7:35

Yaawä judhíocoomo tönwannoje dea cönä’döa’to: —¿Äsha tätai’che töwö cönwanno aneejodö’da cöweichöcoomo wetä? ¿Iiñaja ca tätai’che, judhíocoomo wäämecanta’como döiña, quidiiyeecocoomo jadäiñe naatoodö döiña? ¿Quidiiyeecocoomo owaanomaiñe’da tätai’che?

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 12:17

Töwö Peedhodo tamäädö eneejojäätödö que cöneeta’jöichajoicho; yaawä chäwwäiñe cöneecammajäätöi Cajiichaana wwä jedeeso ewöötö’tädö tacanno tu’ca’jödö. Töwö cönä’döaacä chäwwäiñe: —Ecammajä’täcä’de Jacoowo wwä, anejjacoomo quedeiyente wwäiñe mmaja; quee cönä’döaacä. Cöneeja’cai yaawä aneiñaja töötädö wetä.

DOSECHO 15:13

Yaawä yä’ca’comjäcä Jacoowo cönä’döaacä: —Ya’deddu etaatäcä jimmä.

DOSECHO 15:21

Jenaado’jä’jödöödä jata waadäi töweiye na Moisé waanontä’jödö jäcä ecammajä’nei, yää wäädeetatoojo anooto waadäi töna’de’tä weneenetoodö; quee cönä’döaacä Jacoowo chäwwäiñe.

DOSECHO 15:23

Tönwanno jajeeda cönaadojoicho chäwwäiñe, edääjato imennaajä: “Ñaa anonta’como, ansiyaano mmaja, eetoncomo quedeiyentecoomo mmaja, ñaa nimenna äwwadäädäiñe, änwanno quedeiyente judhíojöncomo, Antiyooquía ñancomo, Siidiya ñancomo mmaja, Sidiisiya ñancomo mmaja.

DOSECHO 2:5

Yaawä Jeduusadén ña cönä’ja’to jooje judhíocoomo, tameedä edä nono de’wono jata waadoinchomo we’a’como. Ñanno cönä’ja’to chäänönge judhío wätunnäichomo tödönnamo.

DOSECHO 21:18

Yaawä yää jenamma naadöje Paudo jadä ñaa cöntämä Jacoowo döiña; yäätä cönä’ja’to tameedä ansiyaano.

DOSECHO 23:26

“Öwö Cadaudiyo Diisiya wimenna äwwadäädä, amäädä acu’shänä Jeedi, aashichaato. ¿Aashicha jemma manä?

DOSECHO 26:7

Tameedä Iisadaaeeda weichö, ñanno amoojadooto de’wä aacä iju’jä naatoodö, niyoomo’caato dea yääje töneecamma’jödö tödöödö Wanaadi wwä. Yääje yeijäcä Wanaadi wwä tönnöe weneeneto ano, coijai mmaja. Mädä töneecanö’e weijäcä cone’da na’deuwaato eduuwa jääcä, cajiichaana Aaquidiipa.

DOSECHO 8:1

Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

CAADATA 1:19

Anejja anonta’como mmaane aneene’da weiyaquento; Jacoowo mma weneeaqueene, ñäädä Cajiichaana acoono.

CAADATA 2:12

Jacoowo anoonö ä’dö’dadooto töwö Peedhodo töwääwashinchä cönä’jaacä judhíojöncomo jadäiñe. Jacoowo anoonö wä’döa’comjäcä mmaane Peedhodo cönääsecai yaawä ñanno judhíojöncomo jadäiñe töweichö jonno. Chääjadäiñe ääwashinchä’da töweiye cönä’jaacä yaawä, ñanno siicunsidaadoje tödööjonnamo nontädööcomooje.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

2 TIIMOTEO 4:21

Tu’que yeichö aca ä’dö’dadä ä’cäde’de. Euwudu ta’deujödö nadääja äwwadäädä, Pudhente mmaja, Diino mmaja, Cadaudiya mmaja, tameedä anejjacoomo quedeiyente mmaja.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

1 PEEDHODO 1:1

Öwö Peedhodo, Jesuuquidiito nanontädö, äwwadäädäiñe wimenna, änwanno yäämecanta’como, töjaatawoncomoojönö, änwanno Ponto ña maatodö, Cadaasiya ña mmaja, Caapadoosiya ña mmaja, Aasiya ña mmaja, Witiiniya ña mmaja.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

APOOCADIISI 7:4

Wetaaquene yaawä wanna yeichöcoomo ñanno ñaadaca’ño’jocoomo ime’cu’tä’jödö; 144 miide cönä’ja’to, tameedä Iisadaaeeda nnacoomo weichöcoomo.