MATEO 9:6 - Wanaadi A'deddu

⁶ Edä wödööa odhoowanääcäiñe yeichö wetä Soto nnedö soto cone’nadiiyö encwanno’jojai yeichö edä nono de’wä; quee cönä’döaacä Jesuuquidiito. Yaawä töwö cönä’döaacä secumjato wwä: —Aanöncä; adhe’wötö adääcä; ämmai chaca äjääne; quee cönä’döaacä.

MATEO 9:6 ပူးပေါင်းရင်းမြစ်များ

MATEO 4:24

Chääcadö cöneecatai yaawä tameedä Siidiya ña. Ñanno iiñancomo cädäija’como cönnejooto yöiña, chäwwä adoncajoodö wetä. Anejjejaiñene’jödöödä cönä’jaacä chäädäichöcoomo. Odo’sha ’jacomo cönnejooto dea, änönnä’ja’como mmaja, secumja’como mmaja. Jesuuquidiito cönaadoncaicho tameedäädä.

MATEO 8:20

Jesuuquidiito cönä’döaacä chäwwä: —Que’cweedu täwö’que töweiye naicho, tadiiñaamo mmaja taiñanque töweiye naicho dea. Soto nnedö mmaane iiñö’tojo ’je’da na; quee cönä’döaacä Jesuuquidiito.

MATEO 9:2

Yaawä secumjato cönnejooto chäwwadäädä, ä’wato jo. Chäwwäiñe täcamjödö eneea’jäcä Jesuuquidiito cönä’döaacä cädäijato wwä: —Cone’da’da eichä, dhanwa. Ocoone’nadiiyö täncwanno’jo na; quee cönä’döaacä.

MATEO 9:5

¿Äshono ätääcammacoije’cä nai: “Ocoone’nadiiyö täncwanno’jo na;” quee’ja? ¿Edääjeene’: “Aanöncä, oojoimacä;” queene’ ?

MATEO 9:7

Yaawä ñäädä dhanwa cönammöi; tömmai chaca cöntämä.

MAADOCO 2:10

Edä wödööa odhoowanääcäiñe yeichö wetä Soto nnedö soto cone’nadiiyö encwanno’jojai yeichö edä nono de’wä; quee cönä’döaacä Jesuuquidiito. Yaawä töwö cönä’döaacä secumjato wwä:

MAADOCO 2:7

“ ¿Ane’cotoojo mä’dä mädääje nä’döannea? Cone’da na’deuwa Wanaadi jäcä. Anejja conemjönö encwanno’jojai’cha na, Wanaadi mmaane;” quee cöntö’tajä’a’to.

DUUCA 5:21

Yääje mma yaawä ñanno judhío owaanomannamo, jaadiseeocoomo mmaja, cöntö’tajä’a’to: “ ¿Änääcöömä mä’dä, mädä wa’cä cone’da na’deuwanä Wanaadi jäcä? Anejja conemjönö encwanno’jojai’cha na, Wanaadi mmaane;” quee cöntö’tajä’a’to.

JUAN 10:28

Öwö wu’a chäwwäiñe töwaatamemjönö weichojo. Tönwanno ännamjö’da naato’de yeichöje. Anejja sootoi che yenwajiiñajai’cha na.

JUAN 17:2

Amäädä Ännedö wwä mu’ne tameedä soto e’jodheiñe yeichojo, yeichöödoto weiñä utuiye yaawä tameedä chäwwä mu’netoodö wwäiñe.

JUAN 5:27

Töwö cuntui chea chäwwä soto emmencato’como, Soto nnedööje yeijäcä.

JUAN 5:8

Jesuuquidiito cönä’döaacä chäwwä: —Aanöncä, adhe’wötö shoomacä; äjääne; quee.

DOSECHO 5:31

Ñäädä Wanaadi Jesuuquidiito cönnöi tönnäcä, ämu’demjönö dö’se; o’jodhe cönnöi, Cajiichaanaje mmaja, Äwaanacaaneije mmaja, tötö’tajäätödööcomo sha’duminchadö wetä iisadaaediitacoomo wwä, choone’nadiiyöcoomo ätäncwanno’joiye yaawä.

DOSECHO 9:34

Yaawä Peedhodo cönä’döaacä chäwwä: —Eneea, Jesuuquidiito adhaadonca. Aanöncä; adhe’wötö imoncä; quee cönä’döaacä. Yaawä dea mma ñäädä cönammöi.

2 CODINTIYO 2:10

Ñäädä choone’nadiiyö anencwanno’jodööcomo öwö mmaja wencwannä’ja dea. Yää wencwanno’joneedö äjääcäinchädäiñe wencwanno’jone, Quidiito owaadäädä,

2 CODINTIYO 5:20

Yääje yeijäcä Quidiito nanontädööje ñaa na. Wanaadi chea äwwäiñe na’deuwa ñaa ntai. Yääje yeijäcä Quidiito woije edääje ñaa nä’döa äwwäiñe: Ääweichacoonoje ä’dötääcä Wanaadi jadä.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

CODOOSENSE 3:13

Äwwäädäiñe ä’shinchätääcä; conemjönö tödö’jödö encwanno’jocoije eichäcä, ajimmotoncomo jäcä cone’da aweiya’comjäcä. Quidiito cöcoone’nadiiyöcoomo cönencwanno’joichöje mmaja encwanno’jojai maato ajimmotoncomo nödöödö.