MATEO 9:26 - Wanaadi A'deddu

²⁶ Yääje Jesuuquidiito nödö’jödö cöneecatai yaawä tameedä yää jata weichö wa’cä.

MATEO 9:26 ပူးပေါင်းရင်းမြစ်များ

MATEO 4:24

Chääcadö cöneecatai yaawä tameedä Siidiya ña. Ñanno iiñancomo cädäija’como cönnejooto yöiña, chäwwä adoncajoodö wetä. Anejjejaiñene’jödöödä cönä’jaacä chäädäichöcoomo. Odo’sha ’jacomo cönnejooto dea, änönnä’ja’como mmaja, secumja’como mmaja. Jesuuquidiito cönaadoncaicho tameedäädä.

MATEO 9:31

Yääje yeichaame yäätonno tööta’comjäcä tönwanno cöneecammajäätöicho tameedä yeichö wa’cä.

MAADOCO 1:28

Yaawä Jesuuquidiito ecaadö cöneecatai tameedä Caadideea weichö wadaadäädä.

MAADOCO 1:45

Yääje Jesuuquidiito wä’dö’jödö weichaame ñäädä dhanwa cöneecammajäätöi tameedä soto wwäiñe. Yääje yeijäcä soto neneedöcoomoje Jesuuquidiito täjai’cha cönä’jaacä jataaca. Jata tö’cäcä mmaane töwäämannä’e cönä’jaacä, soto ’jemjönö ai. Yääje yeichaame tameedä jata waadoinchomo töötä dea cönä’ja’to yöiña.

MAADOCO 6:14

Yääje mma yaawä cajiichaana Edoodhe cöneetaacä Jesuuquidiito ecaadö, tameedä yeichö wa’cä tacaade yä’dö’jödö weijäcä. Töwö Edoodhe cönä’döaacä: —Juan Wautiita ñäädä, töwäämaajo jonno yaadoncaajä. Yääje yeijäcä jooje täneemö tönnöe weneene; quee cönä’döaacä.

DUUCA 4:14

Yääje mma yaawä Jesuuquidiito cönennacai Caadideea ña, Epíiditu Santo jäduudu ’je. Chääcadö cöneecatai tameedä yää weichö wa’cä.

DUUCA 4:37

Yaawä Jesuuquidiito ecaadö cöneecatai tameedä yää jata weichö wa’cä.

DUUCA 5:15

Töwääcadeeme’jo’se’da Jesuuquidiito weichaame jooje’cä mma chääcadö cöneecatai. Jooje soto töwe’jumma cönä’ja’to ñeecammajäätödö etaadö wetä, töwääjichö’täjoodöcoomo wetä mmaja.

DUUCA 7:17

Jesuuquidiito ecaadö cöneecatai yaawä Judheea ña, tameedä yää weichö wa’cä.

DOSECHO 26:26

Määdhä cajiichaana Aaquidiipa dhowaanäcä na mädä jäcä; yääje yeijäcä sa’donna ya’deuwa ñeetadööje. Mädä wecammajä’aadö täcaademjönööjönö mädä.