MATEO 9:22 - Wanaadi A'deddu

²² Yaawä Jesuuquidiito cönä’jedennacai. Wodi cöneedantäi yaawä; cönä’döaacä chäwwä: —Cone’da’da eichä, wodi. Äwwä ecamjödö weijäcä maadoncai; quee. Yaawä dea mma ñäädä wodi cönaadoncai.

MATEO 9:22 ပူးပေါင်းရင်းမြစ်များ

MATEO 15:28

Jesuuquidiito cönä’döaacä chäwwä: —Jooje mecaanö’a. Äjääcä neja’däto’ñojo ämjummadö nönge; quee. Yaawä dea ñäädä wodi nnedö cönaadoncai.

MATEO 17:18

Yaawä Jesuuquidiito odo’sha cöneuwöi; odo’sha cöneeja’cai yaawä. Yaawä dea mma cönaadoncai ñäädä dhanwa’cä.

MATEO 8:13

Yaawä Jesuuquidiito cönä’döaacä suddau edhaajotoncomo wwä: —Äjääne adhe’saca; aneecamjödö nönge neja’dä’a’de; quee. Yäätä shii weichö dea mma ñäädä suddau edhaajotoncomo anoonö cönaadoncai.

MATEO 9:2

Yaawä secumjato cönnejooto chäwwadäädä, ä’wato jo. Chäwwäiñe täcamjödö eneea’jäcä Jesuuquidiito cönä’döaacä cädäijato wwä: —Cone’da’da eichä, dhanwa. Ocoone’nadiiyö täncwanno’jo na; quee cönä’döaacä.

MATEO 9:29

Yääje mma yaawä Jesuuquidiito cönaajojoi chäänuduucomo. —Äjääcäiñe nä’dö’ñojo mecaanö’atoodö nönge dea; quee cönä’döaacä.

MAADOCO 10:52

Jesuuquidiito cönä’döaacä chäwwä: —Äjääne eduuwa; äwwä ecamjödö weijäcä määjichö’täi; quee. Yaawä dea mma ñäädä töneene cönä’döi. Jesuuquidiito jadä cöntaacä yaawä ääma tai.

MAADOCO 5:34

Yaawä Jesuuquidiito cönä’döaacä chäwwä: —Amäädä wodi’chä, äwwä ecamjödö weijäcä maadoncai. Täncanoode’da äjääne eduuwa; töwääjichö’tä ma; quee cönä’döaacä.

DUUCA 17:19

Yaawä Jesuuquidiito cönä’döaacä ñäädä dhanwa wwä: —Aanöncä; äjääne; äwwä ecamjödö weijäcä maadoncai; quee.

DUUCA 18:42

Yaawä Jesuuquidiito cönä’döaacä chäwwä: —Ee, äwwä ecamjödö weijäcä määjichö’täi; quee.

DUUCA 7:50

Yaawä Jesuuquidiito cönä’döaacä wodi wwä: —Äwwä ecamjödö weijäcä määwanaacai. Täncanoode’da äjääne eduuwä; quee cönä’döaacä Jesuuquidiito.

DUUCA 8:48

Yaawä Jesuuquidiito cönä’döaacä chäwwä: —Äwwä ecamjödö weijäcä maadoncai, wodi’chä. Täncanoode’da äjääne eduuwa; quee cönä’döaacä.

JUAN 4:53

Ñäädä yuumö dhowaanäcä cönä’jaacä yaawä yäätä shii weichö Jesuuquidiito wa’deuwö’jödö, “Ännedö ääma’da na;” quee yä’dö’jödö. Töwö Jesuuquidiito cöneecamjöi yaawä, tameedä yä’jimmä’tädö mmaja.

DOSECHO 14:9

Töwö cöneetaacä Paudo wwä ecammajäätödö. Yaawä Paudo yäätäädä ñäädä cöneene’maacä; cöneeneaacä töneecanö’e yeichö aadoncajai töweichö.

DOSECHO 16:18

Jooje anooto mädääje cönä’jaacä. Yaawä Paudo cönquinchai yää etaadö. Töwö cönä’jedennacai ñäädä ajei’choto’jaato wwadäädä; odo’sha wwä cöna’deuwöi, ñäädä chaaca cönä’ja’dö wwä; cönä’döaacä: —Jesuuquidiito eetö joi mämja’canö’ja; quee. Yaawä dea mma ñäädä odo’sha cöneeja’cai.

EEWEDEO 4:2

Cönwanno cöwwäiñe mmaja aashichaato wätunnä cönäätäcammai, ñanno wwäiñe cönäätäcammaichöje mmaja. Yaawääne’, yää wätunnä eta’jödö ännö’daiñe cöneiyacä, aneecamjö’da yei’jocoomo weijäcä töneeta’jocoomo.