MATEO 8:20 - Wanaadi A'deddu

²⁰ Jesuuquidiito cönä’döaacä chäwwä: —Que’cweedu täwö’que töweiye naicho, tadiiñaamo mmaja taiñanque töweiye naicho dea. Soto nnedö mmaane iiñö’tojo ’je’da na; quee cönä’döaacä Jesuuquidiito.

MATEO 8:20 ပူးပေါင်းရင်းမြစ်များ

MATEO 12:32

Ñäädä Soto nnedö jäcä conemjönö wa’deuwödö, choone’nadiiyö ätäncwanno’jojai ña. Epíiditu Santo jäcä conemjönö wa’deuwödö mmaane, choone’nadiiyö ätäncwanno’jo’da na’de, eduuwa weiñä naadawä, weiñä na’dedö awä mmaja.

MATEO 12:40

Joná cönä’jaacä na’cwacaano wenwaca aaduwaawä anooto, aaduwaawä coijaicho mmaja. Mädääje mmaja Soto nnedö na’de nono aca aaduwaawä anooto, aaduwaawä coijaicho mmaja.

MATEO 12:8

Soto nnedö na wäädeetatoojo anooto edhaajäje jadä’jödöödä; quee cönä’döaacä Jesuuquidiito jaadiseeo wwäiñe.

MATEO 13:37

Töwö Jesuuquidiito cönä’döaacä: —Ñäädä aashichaato dhadöödö ñaatö’tänei Soto nnedö cu’tädö ñäädä.

MATEO 16:13

Seesadeea Jidiipo ña töwä’döa’jäcä Jesuuquidiito cöneecamma’joicho tönoowanoomadö: —¿Änääcöje soto ye’tätä weneeneto, öwö Soto nnedö? quee cönä’döaacä.

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 17:9

Jöö daca töwä’tädaawäiñe Jesuuquidiito cönä’döaacä chäwwäiñe. —Soto wwäiñe maneecammajä’täi’che yää meneeatoodö Soto nnedö waadoncadö wa’cä töwäämaajo jonno; quee cönä’döaacä.

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

MAADOCO 8:38

Canno soto masuuduija’como, conemjöncomo antawäiñe öwö Soto nnedö jöichänei yeiya’jäcä, ya’deddu jöichänei mmaja, öwö mmaja wijöicha’dede Jaaja nnataadö ’je we’a’jäcä Jaaja amoodedö aashicha’como jadäiñe; quee cönä’döaacä Jesuuquidiito.

DUUCA 12:8

“Öwö, Soto nnedö, yääje wä’döa äwwäiñe, ñäädä soto netaadöcoomoje töjöiye’da yeecammajä’nei, öwö mmaja Wanaadi amoodedö netaadöcoomoje töjöiye’da wecamma’dede jaadonooje yeichö.

DUUCA 18:8

Chäänönge yääje wä’döa äwwäiñe, töwö ni’wa’taato’de yaawä dea mma. Yääje yeichaame, Soto nnedö we’a’jäcä, ¿ecamjödö ’je soto edantätaicho’de? quee cönä’döaacä Jesuuquidiito.

DUUCA 2:12

Edääje mene’ju’ato’de. Änwanno shiichu’cä medantaato’de camiisha que aiñantaajä, jaaca uduucomo ewöötö aca ummichaajä; quee cönä’döaacä amoode chäwwäiñe.

DUUCA 2:16

Yaawä dea mma tönwanno cönääma’toicho. Iiña töwä’döa’comjäcä Madía cöneedantoicho yäätä, José mmaja, shiichu’cä mmaja, jaaca uduucomo ewöötö aca ummichaajä.

DUUCA 2:7

Cönnennui yaawä iiñedö awa’deenato, dhanwa’cä. Madía cönaiñantäi yaawä camiisha que. Cunummichai yaawä jaaca uduucomo ewöötö aca, yeicho’como ’je’da yeijäcä soto wä’döto’como taca.

DUUCA 21:36

Yaaje yeijäcä äädai’chätääcä yeichöje; Wanaadi wwä adha’deutäcä weiñäje, tameedä mädä töweeja’dä’emö jonno määwanaacatäiye’de, Soto nnedö je’taca mä’dötäiye’de; quee cönä’döaacä Jesuuquidiito chäwwäiñe.

DUUCA 8:3

Juana mmaja cönä’ja’dea, Chuusa jiñamo, ñäädä Edoodhe jödaatai edhaajä; Susaana mmaja cönä’ja’dea; jooje anejjacoomo wodiiñamo mmaja, töwwäiñe töweiyato que Jesuuquidiito i’wa’tännamo.

DUUCA 9:58

Jesuuquidiito cönä’döaacä chäwwä: —Que’cweedu täwö’que töweiye nai; tadiiñaamo mmaja taiñanque töweiye naicho dea. Soto nnedö mmaane iiñö’tojo ’je’da na; quee cönä’döaacä Jesuuquidiito.

JUAN 1:51

Edääje mmaja Jesuuquidiito cönä’döa’dea: —Chäänönge yääje wä’döa äwwäiñe, änwanno meneeato’de caju wata’ducaadö. Wanaadi amoodedö mmaja meneeato’dede, yäncuduucomo mmaja, yä’tädööcomo mmaja Soto nnedö awoodhecääcä; quee cönä’döaacä Jesuuquidiito.

JUAN 12:34

Yaawä soto cöneccujä’a’to; cönä’döa’to: —Ñaa jajeedai necamma yeichöje Äwaanacaanei weichojo. ¿Aaquene yääje mä’döaanä, Soto nnedö natannä’ja’de; quee? ¿Änääcö ca ñäädä Soto nnedö? quee cönä’döa’to ñanno soto.

JUAN 13:31

Yaawä Juudha weja’ca’jeje Jesuuquidiito cönä’döaacä: —Eduuwa näänea aashicha Soto nnedö weichö; aashicha Wanaadi weichö mmaja näänea dea Soto nnedö jäcä.

JUAN 3:13

“A’que na caju ñano wäncudu ’je’da, ñäädä Soto nnedö mmaane, caju ñanno cönä’täichö dea.

JUAN 3:14

Jata ’jemjönö aca töweichö Moisé äcääyu cönannäjöichöje mmaja Soto nnedö natannä’ja’de.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

JUAN 6:53

Yaawä Jesuuquidiito cöna’döaacä chäwwäiñe: —Chäänönge yääje wä’döa äwwäiñe, Soto nnedö junu änäänä’da aweiya’comjäcä, dhaquiiyö aneenö’da aweiya’comjäcä mmaja, aweicho’como ’je’da na yaawä.

JUAN 6:62

¿Aaquene ä’döjai maato äwwäiñe eneea’jäcä Soto nnedö wäncudu caju ña, töweejö’jödö döiña mmaja?

DOSECHO 7:56

Yaawä Eteewa cönä’döaacä: —Caju wata’ducaadö eneetäcä. Soto nnedö näänea jiidi Wanaadi nnäcä, ämu’demjönö dö’se; quee cönä’döaacä.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.